ᱟᱫᱤᱢ ᱟᱜᱤᱞ ᱮᱢ ᱥᱟᱜᱟᱲ ᱟᱠᱟᱛ
ᱱᱟᱦᱟᱜ ᱮᱢ ᱯᱷᱚᱴᱮᱞ ᱠᱮᱫᱟ,
ᱥᱟᱨᱤ ᱜᱮ ᱟᱫᱤᱢ ᱟᱰᱤᱢ ᱪᱮᱸᱜᱷᱟ
ᱟᱢ ᱜᱮ ᱥᱚᱨᱮᱥ ᱟᱫᱤᱢ ᱾
ᱟᱜᱤᱞ ᱥᱟᱶᱛᱟᱢ ᱫᱩᱞᱟᱹᱲ ᱟᱠᱟᱛ
ᱱᱟᱦᱟᱜ ᱦᱚᱸ ᱟᱫᱤᱢᱮᱢ ᱫᱩᱞᱟᱹᱲ,
ᱥᱟᱨᱤ ᱥᱮᱪᱮᱛ ᱮᱢ ᱯᱟᱹᱛᱭᱟᱹᱣ ᱟᱠᱟᱛ
ᱟᱢ ᱜᱮ ᱥᱚᱨᱮᱥ ᱟᱫᱤᱢ ᱾
ᱟᱛᱩ ᱫᱤᱥᱚᱢᱮᱢ ᱛᱮᱸᱜᱮᱸᱱ ᱟᱠᱟᱛ
ᱜᱚᱲᱚ ᱜᱚᱯᱲᱚᱢ ᱪᱟᱨᱦᱮ ᱮᱫᱟ,
ᱥᱟᱹᱜᱟᱹᱭ ᱥᱚᱱᱛᱚᱠᱮᱢ ᱢᱟᱱᱟᱣ ᱟᱫᱤᱢ
ᱟᱢ ᱜᱮ ᱥᱚᱨᱮᱥ ᱟᱫᱤᱢ ᱾
ᱵᱚᱸᱜᱟ ᱵᱩᱨᱩ ᱟᱫᱤᱢ ᱟᱢᱮᱢ ᱟᱸᱫᱮᱭᱟ
ᱥᱟᱨᱪᱟᱢ ᱫᱚᱦᱚᱭ ᱡᱤᱣᱤ,
ᱟᱜᱤᱞ ᱥᱮᱨᱣᱟ ᱫᱩᱞᱟᱹᱲᱮᱢ ᱞᱟᱦᱟᱭ
ᱟᱢ ᱜᱮ ᱥᱚᱨᱮᱥ ᱟᱫᱤᱢ ᱾
ᱨᱚᱲᱟᱢ ᱞᱟᱸᱫᱟᱭᱟᱢ ᱱᱟᱜᱟᱢᱮᱢ ᱩᱫᱩᱜ
ᱫᱚᱲᱦᱚ ᱯᱟᱹᱛᱭᱟᱹᱣ ᱛᱮᱢ ᱥᱟᱨᱦᱟᱣ,
ᱟᱢ ᱜᱮᱛᱚ ᱟᱫᱤᱢ ᱞᱟᱦᱟᱜ ᱮᱢ ᱢᱮᱱᱟ
ᱟᱢ ᱜᱮ ᱥᱚᱨᱮᱥ ᱟᱫᱤᱢ ᱾
ᱟᱢ ᱫᱚ ᱟᱫᱤᱢ ᱢᱟᱱᱢᱤᱢ ᱥᱮᱵᱟ ᱠᱚ
ᱟᱢ ᱠᱚ ᱟᱸᱜᱚᱪ ᱢᱮᱛᱮ,
ᱟᱢ ᱜᱮ ᱟᱫᱤᱢ ᱟᱜᱟᱢᱮᱢ ᱩᱫᱩᱜ
ᱟᱢ ᱜᱮ ᱥᱚᱨᱮᱥ ᱟᱫᱤᱢ ᱾
ᱟᱢ ᱫᱚ ᱟᱫᱤᱢ ᱱᱟᱯᱟᱭ ᱜᱩᱱ ᱛᱟᱢ
ᱜᱩᱱᱟᱣ ᱢᱮᱠᱚ ᱫᱮᱵ ᱫᱮᱵᱟᱱᱤ,
ᱟᱭᱩᱨ ᱥᱩᱛᱩᱜ ᱟᱢ ᱴᱷᱮᱱ ᱱᱮᱦᱚᱨ
ᱟᱢ ᱜᱮ ᱥᱚᱨᱮᱥ ᱟᱫᱤᱢ ᱾
ᱵᱤᱫᱟᱹᱭ
ᱵᱤᱫᱟᱹᱭ ᱵᱤᱫᱟᱹᱭ ᱱᱟᱞᱚᱢ ᱢᱮᱱ ᱵᱷᱟᱹᱭ ᱵᱤᱫᱟᱹᱭ ᱵᱤᱫᱟᱹᱭ ᱱᱟᱞᱚᱢ ᱢᱮᱱ ᱵᱮᱲᱟᱭ ᱨᱟᱠᱟᱵ, ᱵᱮᱲᱟᱭ ᱦᱟᱺᱥᱩᱨᱚᱜ ᱱᱮᱴᱟᱜ ᱫᱤᱥᱚᱢ ᱮ ᱢᱟᱨᱥᱟᱞ᱾(᱒) ᱯᱷᱟᱹᱜᱩᱱ ᱵᱚᱸᱜᱟ ᱨᱮ ᱵᱟᱦᱟ ᱵᱩᱥᱟᱹᱲ ᱮᱱ ᱯᱷᱟᱹᱜᱩᱱ ᱵᱚᱸᱜᱟ
January 22, 2024
No Comments
