ᱯᱩᱪᱷᱤᱢ ᱱᱟᱠᱷᱟ ᱨᱮ ᱦᱟᱥᱩᱨᱮᱱᱮ ᱵᱮᱲᱟ
ᱵᱤᱨ ᱵᱩᱨᱩ ᱛᱮ ᱩᱠᱩᱭᱮᱱᱮ ᱾
ᱥᱚᱨᱮᱥ ᱥᱤᱸᱜᱟᱹᱲᱮ ᱦᱮᱡ ᱮᱱ ᱮᱥᱮᱫ ᱠᱟᱛᱮ
ᱥᱮᱨᱢᱟ ᱠᱷᱚᱱ ᱱᱟᱯᱟᱭ ᱵᱷᱟᱵᱱᱟ ᱥᱟᱶᱛᱮ ᱾
ᱮᱱᱮᱡ ᱡᱚᱝ ᱠᱚ ᱪᱮᱬᱮ ᱠᱚ ᱦᱚᱲ ᱠᱚ ᱮᱢᱟᱱ
ᱢᱟᱡᱷᱤ ᱢᱟᱰᱣᱟ ᱫᱩᱯᱲᱩᱵ ᱩᱨᱟᱹᱞ ᱜᱚᱫᱚᱜ᱾
ᱧᱤᱫᱟᱹ ᱚᱠᱛᱚ ᱦᱟᱹᱡᱩᱜ ᱞᱚᱜᱚᱱ ᱞᱚᱜᱚᱱ
ᱜᱩᱞᱟᱹᱪᱤ ᱯᱩᱸᱰ ᱯᱚᱨᱟᱭᱱᱤ ᱦᱟᱹᱨᱥᱩᱲ ᱜᱚᱫᱚᱜ ᱾
ᱵᱟᱦᱟ ᱵᱟᱜᱟᱱ ᱜᱚᱴᱟ ᱢᱚᱡᱽ ᱜᱮ
ᱛᱤᱱᱟᱹᱜ ᱱᱟᱯᱟᱭ ᱟᱠᱟᱱ ᱨᱚᱝ ᱛᱮ ᱾
ᱜᱩᱞᱟᱹᱪᱤ ᱵᱟᱦᱟ ᱨᱮ ᱢᱚᱱᱮ ᱡᱚᱴᱮᱫ ᱠᱟᱛᱮ
ᱞᱚᱵᱷᱟᱣ ᱜᱚᱫᱚᱜ ᱨᱟᱹᱥᱠᱟᱹ ᱩᱞᱩᱰᱩᱠᱩ ᱾
ᱞᱮᱜᱮᱢ ᱦᱤᱸᱥᱤᱫ ᱦᱚᱭ ᱥᱮᱭᱟᱱ ᱠᱚᱣᱟᱜ ᱩᱭᱦᱟᱹᱨ
ᱵᱟᱹᱭ ᱵᱟᱹᱭ ᱛᱮ ᱦᱟᱵᱩᱸᱫ ᱜᱚᱫᱟᱭ ᱾
ᱩᱭᱦᱟᱹᱨ ᱛᱟᱭᱚᱢ ᱩᱭᱦᱟᱹᱨ ᱟ.ᱰᱤ ᱥᱟᱺᱜᱤᱧ ᱩᱭᱦᱟᱹᱨ
ᱫᱤᱥᱟᱹ ᱴᱷᱟᱶ ᱠᱚ ᱯᱟᱱᱛᱮ ᱧᱟᱢ ᱜᱚᱫ ᱾
ᱟᱸᱜᱷᱟᱬ ᱯᱩᱥ ᱵᱚᱸᱜᱟ ᱦᱟᱣᱮᱫ ᱨᱟᱵᱟᱝ ᱟᱹᱰᱤ ᱟᱸᱴ ᱜᱮ ᱵᱩᱡᱷᱟᱹᱜ ᱾
ᱨᱟᱵᱟᱝ ᱵᱩᱡᱷᱟᱹᱣ ᱠᱟᱛᱮ ᱞᱮᱠᱟᱱ ᱡᱤᱵ ᱠᱚ
ᱯᱩᱸᱡᱤ ᱠᱷᱚᱱ ᱦᱚᱸ ᱠᱟᱴᱤᱡ ᱵᱟᱠᱚ ᱵᱷᱮᱜᱟᱨᱚᱜ ᱾
ᱨᱟᱵᱟᱝ ᱦᱚᱸ ᱦᱟᱨᱠᱮᱛ ᱞᱚᱞᱚ ᱥᱤᱛᱩᱝ ᱦᱚᱸ ᱦᱟᱨᱠᱮᱛ
ᱛᱟᱨᱟᱥᱤᱧ ᱜᱮ ᱢᱚᱱᱮᱭ ᱛᱟᱸᱜᱤ ᱜᱚᱫᱟ ᱾
ᱫᱟᱜ ᱡᱟᱯᱩᱫ ᱦᱚᱸ ᱦᱟᱨᱠᱮᱛ ᱜᱮ ᱞᱚᱥᱚᱫ ᱞᱚᱴᱚᱯᱚᱴᱚ
ᱛᱟᱨᱟᱥᱤᱧ ᱜᱮ ᱦᱩᱱᱟᱹᱝ ᱫᱟᱬᱟ ᱯᱷᱟᱨᱪᱟ ᱡᱚᱝ ᱦᱚᱸ ᱵᱟᱝ ᱜᱟᱱᱚᱜ ᱾
ᱟᱹᱰᱤ ᱜᱟᱱ ᱦᱟᱨᱠᱮᱛ ᱨᱮᱦᱚᱸ
ᱠᱟᱹᱡ ᱛᱟᱞᱟᱝ ᱨᱟᱹᱥᱠᱟᱹ ᱢᱚᱱᱮᱭ ᱦᱩᱞᱟᱹᱥ ᱜᱚᱫᱟ ᱾
ᱢᱟᱹᱱᱢᱤ ᱥᱩᱢᱩᱝ ᱦᱚᱸ ᱵᱟᱝᱟ
ᱡᱤᱵ ᱡᱤᱭᱟᱹᱞᱤ ᱦᱚᱸ ᱚᱱᱠᱟ ᱠᱚ ᱠᱩᱥᱤ ᱡᱚᱝ ᱠᱟᱱᱟ ᱾
ᱦᱟᱹᱨᱥᱩᱲ ᱛᱟᱨᱟᱥᱤᱧ ᱜᱮ ᱚᱱᱠᱟᱱ
ᱥᱩᱠᱷ ᱥᱟᱶ ᱫᱩᱠᱷ ᱟᱨ ᱪᱚᱨᱚᱠ ᱥᱟᱶ ᱵᱟᱹᱲᱤᱡ ᱢᱮᱥᱟ ᱟᱠᱟᱱ ᱾
ᱡᱤᱵ ᱥᱟᱶ ᱫᱷᱟᱨᱛᱤ ᱯᱩᱨᱤ
ᱢᱮᱥᱟ ᱟᱠᱟᱱ ᱨᱮᱭᱟᱜ ᱪᱚᱨᱚᱠ ᱚᱨᱡᱚ ᱾
ᱫᱟᱜ ᱯᱟᱸᱡᱟ ᱨᱮ ᱫᱟᱜ ᱫᱟᱬᱟᱱ ᱪᱮᱬᱮ
ᱜᱚᱴᱟ ᱱᱟᱠᱷᱟᱭ ᱯᱟᱸᱡᱟ ᱠᱮᱛ ᱾
ᱯᱟᱝᱠ ᱞᱚᱥᱚᱫ ᱵᱟᱹᱱᱩᱜ ᱫᱟᱜ ᱧᱮᱞ ᱠᱟᱛᱮ
ᱡᱚᱢᱟᱜ ᱧᱟᱢᱚᱜ ᱟᱥᱮ ᱢᱚᱱᱮ ᱛᱮᱭ ᱨᱟᱜᱟ ᱾
ᱠᱩᱭᱞᱤ ᱨᱟᱦᱟ ᱨᱟᱣᱟᱝ ᱥᱤᱵᱤᱞ ᱛᱚᱭᱮᱞ
ᱛᱟᱠᱮᱨ ᱜᱚᱫᱚᱜ ᱟ ᱜᱚᱴᱟ ᱵᱤᱨ ᱾
ᱢᱚᱱᱮ ᱮᱱᱮᱡ ᱜᱚᱫᱮ ᱥᱤᱵᱤᱞ ᱨᱟᱦᱟ ᱛᱮ
ᱡᱮᱢᱚᱱ ᱪᱟᱱᱫᱟᱱ ᱨᱟᱦᱟ ᱛᱮ ᱵᱤᱫᱩ ᱢᱚᱱᱮ ᱮᱱᱮᱡ ᱾
ᱥᱤᱸᱜᱟᱹᱲ ᱵᱮᱲᱟ ᱦᱟᱜ ᱵᱟᱞᱮ ᱛᱟᱨᱟᱥ
ᱟᱦᱟᱨ ᱠᱷᱚᱱ ᱡᱷᱟᱞᱠᱟᱣ ᱨᱟᱠᱟᱵᱚᱜ ᱾
ᱫᱟᱜ ᱫᱟᱬᱟᱱ ᱪᱮᱬᱮ ᱫᱟᱜ ᱨᱮ ᱮᱱᱮᱡ ᱡᱚᱝ
ᱥᱟᱺᱜᱤᱧ ᱠᱷᱚᱱᱟᱜ ᱜᱟᱡᱟᱲ ᱨᱮ ᱞᱟᱲᱟᱣ ᱪᱤᱛᱟᱹᱨ ᱞᱮᱠᱟ ᱧᱮᱞᱚᱜ ᱾
ᱨᱟᱠᱟᱵ ᱥᱮ ᱦᱟᱸᱥᱩᱨᱚᱜ ᱠᱟᱱ ᱵᱮᱲᱟ ᱛᱟᱨᱟᱥ
ᱵᱷᱟᱵᱤᱛᱤᱡ ᱦᱚᱸᱭ ᱫᱚᱦᱟᱵᱚᱦᱟᱜ

ᱫᱟᱭᱟ ᱫᱚᱨᱭᱟᱤᱡᱟᱜ ᱨᱤᱫᱟᱹᱭ ᱞᱮᱠᱟ ᱱᱟᱯᱟᱭ ᱵᱮᱲᱟ ᱥᱚᱱᱟ ᱛᱟᱨᱟᱥ
ᱡᱤᱣᱤ ᱢᱮᱱᱮᱛ ᱯᱟᱯ ᱠᱷᱚᱱᱤᱧ ᱫᱩᱜᱩᱜ ᱦᱟᱯᱤᱧ ᱱᱮᱦᱚᱨ ᱞᱮᱱ ᱜᱮ ᱾
ᱦᱟᱹᱨᱥᱩᱲ ᱛᱟᱨᱟᱥᱤᱧ ᱚᱠᱛᱚ ᱠᱷᱚᱱ ᱧᱩᱛᱟᱹᱛ ᱥᱮᱴᱮᱨᱚᱜ ᱠᱟᱱ
ᱤᱨᱤᱡ ᱪᱤᱠᱤᱡ ᱵᱟᱵᱚᱱ ᱛᱟᱦᱮᱸᱱᱟ ᱾
ᱠᱷᱟᱴᱚ ᱩᱭᱦᱟᱹᱨ ᱛᱮ ᱠᱷᱟᱞᱤᱱᱟᱜ ᱛᱮ
ᱫᱩᱠᱷ ᱢᱩᱦᱤᱢ ᱥᱮᱴᱮᱨᱚᱜ ᱵᱟᱠᱷᱟᱱ ᱾
ᱛᱟᱲᱟᱢ ᱦᱚᱲ ᱦᱚᱨ ᱛᱮ ᱪᱟᱞᱟᱜ ᱟᱭ
ᱢᱚᱱᱮ ᱨᱟᱹᱥᱠᱟᱹ ᱛᱮ ᱥᱮᱨᱮᱧ ᱥᱮᱨᱮᱧ ᱛᱮ ᱾
ᱨᱮᱭᱟᱲ ᱦᱚᱭ ᱫᱚ ᱫᱟᱜ ᱪᱮᱛᱟᱱ ᱛᱮ ᱮᱱᱮᱡ ᱮᱱᱮᱡ
ᱨᱮᱞᱟᱣ ᱠᱚᱜ ᱟᱭ ᱦᱩᱲᱩ ᱵᱟᱹᱫᱽ, ᱫᱟᱨᱮ ᱰᱟᱹᱨ ᱠᱚ ᱪᱮᱛᱟᱱ ᱛᱮ ᱾
ᱨᱮᱸᱜᱮᱡ ᱵᱟᱹᱱᱩᱜ ᱛᱮᱛᱟᱝ ᱵᱟᱹᱱᱩᱜ ᱨᱮᱸᱜᱮᱡ ᱢᱚᱱᱮ ᱨᱮ
ᱨᱮᱸᱜᱮᱡ ᱮᱠᱷᱟᱱ ᱡᱷᱟᱨᱱᱟ ᱫᱟᱜ ᱮ ᱧᱩᱭ ᱩᱭᱦᱟᱹᱨᱚᱜ ᱮ ᱾
ᱵᱟᱭ ᱴᱷᱤᱠᱟᱹ ᱡᱚᱝ ᱫᱤᱥᱟᱹ ᱴᱷᱟᱶ ᱨᱮ
ᱪᱤᱠᱟᱹᱛᱮ ᱥᱮᱴᱮᱨᱮᱱᱮ ᱚᱱᱟ ᱴᱷᱟᱶ ᱨᱮ ᱾
ᱜᱟᱹᱭ ᱰᱟᱺᱜᱨᱤ ᱠᱚᱠᱚ ᱛᱟᱲᱟᱢ ᱵᱚᱦᱚᱜ ᱠᱚᱫᱚᱨ ᱠᱟᱛᱮ
ᱟᱹᱛᱩ ᱦᱚᱨ ᱛᱮ ᱞᱟᱡ ᱯᱷᱩᱞᱟᱹᱣ ᱠᱟᱛᱮ ᱾
ᱟᱹᱛᱩ ᱨᱤᱫᱟᱹᱭ ᱨᱮ ᱢᱩᱪᱟᱹᱫ ᱵᱟᱞᱮ ᱥᱚᱱᱟ ᱛᱟᱨᱟᱥ
ᱥᱟᱶᱛᱮ ᱠᱩᱫᱩᱢ ᱠᱟᱦᱱᱤ ᱵᱤᱱᱛᱤ ᱵᱟᱠᱷᱮᱬ ᱥᱤᱨᱡᱚᱱᱤᱭᱟᱹ ᱠᱚᱞᱮ ᱨᱮ ᱾

Facebook
Twitter
WhatsApp
Telegram

ᱢᱩᱪᱟᱹᱫ ᱢᱩᱪᱟᱹᱫ ᱢᱩᱪᱟᱹᱫ

ᱟᱨᱦᱚᱸ ᱧᱮᱞᱢᱮ

ᱱᱤᱪᱚᱞ ᱯᱩᱨᱤ

ᱴᱮᱥᱚᱱ ᱠᱷᱚᱱ ᱒᱐ ᱢᱟᱹᱭᱤᱞ ᱥᱟᱹᱜᱤᱧ ᱵᱟᱥᱟ ᱞᱮᱱᱟᱹᱧ ᱪᱟᱸᱫᱚ ᱵᱟᱨ ᱥᱤᱧ ᱵᱟᱡᱟᱨ ᱯᱟᱹᱪᱩᱜ ᱥᱮ ᱱᱟᱜᱟᱨ ᱦᱚᱸ ᱵᱟᱹᱱᱩᱜ ᱥᱩᱨ ᱥᱩᱯᱩᱨ ᱠᱚᱨᱮ ᱦᱟᱴ ᱦᱚᱸ ᱵᱟᱹᱱᱩᱜ ᱪᱟᱥ ᱵᱟᱥ ᱠᱟᱹᱢᱤ

Read More »

ᱦᱩᱰᱤᱧ ᱜᱷᱟᱨᱚᱸᱡᱽ

ᱡᱩᱨᱤ ᱯᱟᱹᱨᱤᱭᱟᱜ ᱫᱩᱞᱟᱹᱲ ᱥᱟᱹᱜᱟᱹᱭ,  ᱦᱩᱰᱤᱧ ᱜᱷᱟᱨᱚᱸᱡᱽ ᱨᱮ ᱛᱟᱦᱮᱸ ᱱᱟᱥᱩᱞᱩᱜ ᱱᱤᱨᱟᱹᱭ᱾  ᱡᱩᱫᱤ ᱥᱟᱹᱨᱤᱢ ᱢᱮᱱᱮᱜ ᱠᱟᱱ ᱠᱷᱟᱱ ᱟᱢᱟᱜ ᱠᱤᱨᱭᱟᱹ,  ᱪᱮᱠᱟ ᱠᱚᱣᱟᱢ ᱨᱟᱪᱟ ᱯᱮᱨᱮᱡ ᱫᱤᱯᱤᱞ ᱵᱷᱟᱹᱨᱤᱭᱟᱹ᱾  ᱫᱚᱦᱚ ᱞᱤᱠᱤᱱᱨᱮᱢ

Read More »

ᱱᱟᱶᱟᱱᱟᱜ

ᱚᱱᱚᱬᱦᱮ
ᱢᱤᱜᱽᱨᱟᱭ ᱦᱮᱢᱵᱽᱨᱚᱢ

ᱜᱩᱨᱩ ᱰᱟᱦᱟᱨ

ᱜᱩᱨᱩ ᱜᱚᱢᱠᱮᱭ ᱩᱫᱩᱜᱽ ᱟᱠᱟᱫ ᱨᱟ.ᱭᱞᱟ. ᱪᱤᱠᱟ.ᱲ ᱰᱟᱦᱟᱨ ᱿ ᱚᱱᱟ ᱰᱟᱦᱟᱨ ᱛᱮ ᱫᱮᱞᱟ ᱟᱫᱤᱢ ᱢᱚᱱᱮ ᱢᱩᱨᱩᱠ ᱟᱵᱚᱱ ᱿ ᱜᱩᱨᱩ ᱩᱫᱩᱜ ᱰᱟᱦᱟᱨ ᱟᱫᱤᱢ ᱥᱚᱱᱚᱛ ᱪᱤᱠᱟ.ᱲ ᱰᱟᱦᱟᱨ᱿ ᱚᱱᱟ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ