ᱠᱟ.ᱴᱤᱡᱼᱠᱟ.ᱴᱤᱡ ᱵᱟᱦᱟ ᱟᱵᱚ
ᱠᱟ.ᱴᱤᱡᱼᱠᱟ.ᱴᱤᱡ ᱵᱟᱦᱟ,
ᱡᱟᱱᱟᱢ ᱡᱩᱜᱽ ᱡᱟᱭᱡᱩᱜᱽ ᱟᱵᱚ
ᱮᱲᱮ ᱵᱟᱝᱵᱚᱱ ᱨᱚᱲᱟ ᱾᱾
ᱢᱟᱨᱟᱝ ᱠᱚᱫᱚ ᱰᱚᱵᱚᱜ ᱟᱛᱮ
ᱡᱚᱴᱟᱣ ᱠᱚᱫᱚ ᱡᱚᱦᱟᱨ,
ᱵᱟ.ᱲᱤᱡ ᱠᱟᱛᱷᱟ ᱵᱟᱞᱮ ᱢᱚᱱ ᱨᱮ
ᱛᱤᱥᱦᱚᱸ ᱵᱟᱝᱵᱚᱱ ᱥᱟᱦᱟᱨ ᱾᱾
ᱢᱟᱨᱟᱝ ᱠᱚᱣᱟᱜ ᱢᱚᱸᱡᱽ ᱠᱟᱛᱷᱟ
ᱫᱮᱵᱚᱱ ᱨᱮᱵᱮᱫ ᱫᱚᱦᱚᱭᱟ,
ᱚᱠᱛᱚ ᱡᱟ.ᱱᱤᱡ ᱚᱱᱟᱠᱟᱛᱷᱟ
ᱠᱟ.ᱢᱤ ᱛᱮᱵᱚ ᱪᱤᱨᱜᱟ.ᱞᱟ ᱾᱾
ᱠᱟ.ᱴᱤᱡᱼᱠᱟ.ᱴᱤᱡ ᱟᱞᱟᱝ ᱞᱩᱴᱤ
ᱠᱟ.ᱴᱤᱡ ᱵᱟᱞᱮ ᱦᱟᱛᱟᱝ,
ᱚᱱᱟ ᱠᱷᱚᱱᱜᱮ ᱛᱟ.ᱵᱩᱡᱼᱛᱟ.ᱵᱩᱡ
ᱛᱤᱱᱟ.ᱜ ᱥᱚᱨᱮᱥ ᱟᱲᱟᱝ ᱾᱾
ᱵᱚᱝᱜᱟ ᱵᱟᱨᱟᱠ ᱵᱟᱵᱟ ᱟᱭᱳ
ᱞᱟ.ᱭ ᱛᱟ.ᱠᱤᱱ ᱵᱚ ᱢᱟᱱᱚᱛᱟᱜᱼᱟ,
ᱟ.ᱠᱤᱱᱟᱜ ᱫᱟᱭᱟ ᱟ.ᱥᱤᱥ ᱛᱮ
ᱦᱟᱯᱮᱱ ᱟᱜᱟᱢ ᱢᱟᱨᱥᱟᱞᱚᱜᱼᱟ ᱾᱾
ᱠᱟ.ᱴᱤᱡᱼᱠᱟ.ᱴᱤᱡ ᱵᱟᱦᱟ ᱟᱵᱚ
ᱠᱟ.ᱴᱤᱡᱼᱠᱟ.ᱴᱤᱡ ᱵᱟᱦᱟ,
ᱡᱤᱣᱤᱫ ᱵᱚᱝᱜᱟ ᱡᱟᱸᱝᱜᱟ ᱩᱢᱩᱞᱨᱮ
ᱫᱮᱵᱚᱱ ᱟᱥᱨᱟ ᱠᱚᱜᱼᱟ ᱾᱾
ᱛᱮᱸᱦᱮᱧ ᱫᱷᱟ.ᱨᱛᱤ ᱵᱟᱜᱽᱣᱟᱱ ᱨᱮ ᱟᱵᱚ
ᱦᱩᱰᱤᱧᱼᱦᱩᱰᱤᱧ ᱵᱷᱩᱴᱩᱜ ᱵᱟᱦᱟ,
ᱜᱟᱯᱟ ᱚᱠᱟᱠᱚᱨᱮ,ᱚᱲᱟᱜ ᱥᱟᱢᱟᱝ ᱨᱮ ᱥᱮ ᱵᱟᱜᱽᱣᱟᱱ ᱛᱟᱞᱟ ᱨᱮᱵᱚ
ᱥᱚᱵᱷᱟ ᱠᱚᱜᱼᱟ ᱾᱾
ᱫᱷᱟ.ᱨᱛᱤ ᱯᱩᱨᱤ ᱨᱮ ᱟᱵᱚ
ᱠᱟ.ᱴᱤᱡᱼᱠᱟ.ᱴᱤᱡ ᱵᱟᱦᱟ,
ᱮᱲᱮ ᱨᱚᱲ ᱛᱮ ᱵᱟ.ᱲᱤᱡ ᱠᱟ.ᱢᱤ ᱵᱮᱵᱷᱟᱨ ᱛᱮ ᱟᱭᱳ ᱵᱟᱵᱟ ᱥᱮ ᱢᱟᱨᱟᱝ ᱠᱩᱱ
ᱫᱩᱠᱷ ᱵᱟᱵᱚᱱ ᱥᱮᱴᱮᱨᱟ ᱠᱚᱣᱟ ᱾᱾
ᱢᱟᱨᱟᱝ ᱠᱚᱣᱟᱜ ᱫᱚᱵᱚᱱ ᱟᱸᱡᱚᱢᱟ
ᱦᱩᱰᱤᱧ ᱠᱚᱣᱟᱜ ᱫᱚ ᱵᱚᱱ ᱢᱟᱱᱚᱛ ᱠᱟᱜᱼᱟ,
ᱦᱟᱯᱮᱱ ᱫᱤᱱ ᱟᱠᱚᱣᱟᱜ ᱟᱠᱚᱣᱟᱜ ᱟ.ᱥᱤᱥ
ᱫᱷᱚᱨᱚᱢ ᱫᱟᱭᱟᱛᱮ ᱥᱟ.ᱜᱩᱱ ᱢᱟᱨᱥᱟᱞ ᱠᱚᱜᱼᱟ᱾᱾
ᱠᱟ.ᱴᱤᱡᱼᱠᱟ.ᱴᱤᱡ ᱵᱟᱦᱟ ᱟᱵᱚ
ᱠᱟ.ᱴᱤᱡᱼᱠᱟ.ᱴᱤᱡ ᱵᱟᱦᱟ,
ᱫᱷᱚᱨᱚᱢ ᱨᱩᱯ ᱡᱤᱣᱤᱫ ᱚᱝᱜᱟ
ᱡᱟᱭᱡᱩᱜᱽ ᱵᱚᱱ ᱢᱟᱱᱚᱛ ᱠᱟᱠᱚᱣᱟ ᱾᱾
