ᱵᱷᱮᱡᱟ ᱦᱟᱠᱟ ᱟᱹᱧ ᱜᱟᱛᱮ ᱛᱤᱧ ᱜᱚ
ᱟᱢ ᱟᱢᱴᱷᱮᱱ ᱫᱩᱞᱟᱹᱲ ᱪᱤᱴᱷᱤ
ᱥᱚᱫᱚᱨ ᱟᱠᱟ ᱟᱹᱧ ᱢᱚᱱᱮᱨ ᱠᱟᱛᱷᱟ
ᱵᱮᱵᱷᱟᱨ ᱠᱟᱛᱮ ᱚᱞᱪᱤᱠᱤ ᱾

ᱵᱟᱰᱟᱭ ᱜᱤᱭᱟᱹᱧ ᱜᱟᱛᱮ ᱛᱤᱧ ᱜᱚ
ᱵᱟᱢ ᱵᱟᱰᱟᱭ ᱚᱞᱪᱤᱠᱤ ᱚᱞ ᱫᱚ
ᱮᱱ ᱦᱚᱸ ᱜᱟᱛᱮᱧ ᱵᱷᱮᱡᱟ ᱦᱟᱠᱟᱫ
ᱚᱞᱪᱤᱠᱤ ᱛᱮ ᱚᱞ ᱪᱤᱴᱷᱤ ᱫᱚ ᱾

ᱟᱢᱨᱮ ᱤᱧᱟᱜ ᱢᱚᱱᱮ ᱛᱤᱱᱟᱹᱜ ᱢᱮᱱᱟᱜ
ᱚᱞᱪᱤᱠᱤᱨᱮ ᱵᱟᱹᱲᱛᱤ ᱢᱮᱱᱟᱜ
ᱪᱤᱠᱤ ᱥᱟᱶ ᱥᱟᱜᱟᱹᱭ ᱡᱮᱢᱚᱱ
ᱡᱟᱱᱟᱢ ᱛᱟᱨᱟ ᱠᱷᱚᱱᱜᱮ ᱢᱮᱱᱟᱜ ᱾

ᱤᱧ ᱨᱮ ᱢᱚᱱᱮ ᱢᱮᱱᱟᱜ ᱠᱷᱟᱱ ᱫᱚ
ᱚᱞᱪᱤᱠᱤ ᱫᱚᱢ ᱪᱮᱫᱚᱜ ᱜᱮᱭᱟ
ᱪᱮᱫ ᱠᱟᱛᱮ ᱯᱟᱲᱦᱟᱣ ᱠᱟᱛᱮ
ᱛᱮᱞᱟᱫᱚᱢ ᱨᱩᱣᱟᱹᱲ ᱜᱮᱭᱟ ᱾

ᱤᱧ ᱫᱩᱞᱟᱹᱲ ᱥᱟᱶ ᱥᱟᱶ ᱛᱮ ᱜᱟᱛᱮ
ᱚᱞᱪᱤᱠᱤ ᱦᱚᱸᱢ ᱫᱩᱞᱟᱹᱲ ᱞᱮᱨᱮ
ᱮᱱ ᱨᱮᱥᱮ ᱫᱩᱞᱟᱹᱲ ᱚᱞᱪᱤᱠᱤ ᱩᱱᱟᱹᱜ
ᱟᱢᱦᱩᱧ ᱫᱩᱞᱟᱹᱲ ᱢᱮᱭᱟ ᱾