ᱱᱟᱥᱮ ᱞᱚᱞᱚ ᱥᱤᱛᱩᱝ ᱱᱚᱛᱮ ᱨᱮᱭᱟᱲ ᱦᱚᱭ
ᱢᱟᱜᱽ ᱵᱚᱸᱜᱟ ᱥᱮᱴᱮᱨ ᱜᱚᱫᱚᱜᱼᱟ,
ᱫᱟᱨᱮ ᱥᱟᱠᱟᱢ ᱯᱟᱺᱰᱩᱜ ᱦᱚᱭ ᱦᱚᱸ ᱵᱟᱹᱨᱰᱩᱜ
ᱱᱟᱶᱟ ᱥᱟᱠᱟᱢ ᱥᱟᱜᱮᱱ ᱢᱮᱫᱚᱜᱼᱟ ᱾
ᱡᱷᱩᱲ ᱩᱞ ᱫᱟᱨᱮ ᱵᱟᱦᱟ ᱛᱮ ᱯᱮᱨᱮᱡᱚᱜ
ᱟᱹᱛᱩ ᱴᱚᱞᱟ ᱜᱚᱴᱟ ᱦᱟᱹᱨᱭᱟᱹᱲ ᱜᱮ,
ᱚᱱᱟ ᱠᱚ ᱧᱮᱞ ᱛᱮ ᱦᱚᱲ ᱦᱚᱯᱚᱱ ᱢᱚᱱᱮ
ᱟᱹᱰᱤ ᱱᱟᱯᱟᱭ ᱜᱮ ᱦᱩᱞᱟᱹᱥᱮ ᱾
᱔ ᱯᱷᱮᱵᱨᱩᱟᱨᱤ ᱑᱙᱑᱘ ᱨᱮ
ᱡᱟᱱᱟᱢᱮᱱᱮ ᱥᱩᱱᱟᱹᱨᱟᱢ ᱜᱚᱢᱠᱮ,
ᱟᱭᱚ ᱫᱩᱨᱜᱤ ᱵᱟᱵᱟ ᱪᱟᱹᱢᱯᱟᱹᱭ ᱨᱟᱢ
ᱥᱤᱨᱡᱚᱱᱤᱭᱟᱹ ᱦᱟᱜ ᱢᱮᱱᱛᱮ ᱾
ᱫᱟᱲᱮ ᱦᱚᱸᱭ ᱛᱟᱦᱮᱸ ᱠᱟᱱ ᱠᱮᱴᱮᱡ ᱢᱚᱱᱮ ᱦᱚᱸᱭ ᱛᱟᱦᱮᱸ ᱠᱟᱱ
ᱚᱞ ᱯᱟᱲᱦᱟᱣ ᱛᱮᱦᱚᱸ ᱯᱟᱹᱨᱩᱠᱷᱤᱭᱟᱹ,
ᱟᱹᱫᱤᱢ ᱠᱚ ᱞᱟᱹᱜᱤᱫ ᱢᱚᱱᱮ ᱡᱤᱣᱤ ᱫᱚᱭ ᱫᱚᱦᱚ ᱞᱮᱫ
ᱥᱟᱶᱛᱟ ᱨᱤᱱᱤᱡ ᱞᱟᱹᱣᱲᱤᱭᱟᱹ ᱾
ᱡᱟᱛᱤ ᱥᱟᱶᱛᱟ ᱞᱟᱹᱜᱤᱫ ᱴᱟᱠᱟ ᱟᱨᱡᱟᱣ ᱞᱟᱹᱜᱤᱫ
ᱦᱚᱨᱮ ᱩᱫᱩᱜ ᱞᱮᱜ ᱟ ᱮᱱᱛᱮ,
ᱦᱚᱲ ᱦᱚᱯᱚᱱᱟᱜ ᱱᱟᱯᱟᱭ ᱨᱮ ᱦᱤᱨᱠᱟᱹ ᱭᱮᱱ ᱠᱚ ᱚᱠᱚᱭ ᱪᱚ
ᱚᱱᱟᱛᱮ ᱠᱚ ᱵᱟᱹᱭᱨᱤ ᱭᱟᱫᱮ ᱾
ᱮᱱ ᱦᱚᱸ ᱥᱩᱱᱟᱹᱨᱟᱢ ᱵᱟᱭ ᱵᱚᱛᱚᱨ ᱞᱮᱱ
ᱞᱟᱦᱟ ᱭᱮᱱᱮ ᱢᱟᱬᱟᱝ ᱥᱮᱫ,
ᱡᱟᱛᱤ ᱥᱟᱶᱛᱟ ᱞᱟᱦᱟᱱᱛᱤ ᱨᱮ ᱛᱟᱦᱮᱸ ᱠᱟᱱᱮ
ᱟᱹᱫᱤᱢ ᱠᱚᱭᱤᱡ ᱢᱮᱫ ᱾
ᱦᱟᱴ ᱯᱟᱛᱟ ᱵᱩᱨᱩ ᱡᱟᱛᱨᱟ ᱮᱢᱟᱱ
ᱩᱱ ᱫᱚ ᱟᱹᱰᱤ ᱡᱩᱦᱩᱲ,
ᱟᱹᱫᱤᱢ ᱠᱚᱣᱟᱜ ᱵᱟᱹᱲᱤᱡ ᱰᱟᱦᱟᱨᱚᱜ ᱧᱮᱞᱛᱮ
ᱮᱛᱷᱚᱵ ᱞᱮᱫ ᱮ ᱵᱚᱸᱫᱽ ᱦᱩᱞ ᱾
ᱩᱭᱦᱟᱹᱨ ᱞᱮᱫ ᱮ ᱩᱱᱨᱮ ᱟᱹᱫᱤᱢ ᱠᱚ ᱞᱟᱹᱜᱤᱫ
ᱵᱷᱚᱸᱡᱽ ᱫᱤᱥᱚᱢ ᱯᱚᱱᱚᱛ ᱛᱟᱦᱮᱸ ᱠᱚᱜ ᱢᱟ,
ᱳᱰᱤᱥᱟ ᱥᱚᱨᱠᱟᱨ ᱵᱟᱭ ᱟᱸᱡᱚᱢ ᱞᱮᱫ ᱜᱮ
ᱟᱹᱫᱤᱢ ᱠᱚᱣᱟᱜ ᱡᱟᱨᱤ ᱟᱨᱫᱟᱥ ᱠᱚᱢᱟ ᱾
ᱩᱱ ᱨᱮᱜᱮ ᱜᱩᱸᱰᱩᱨᱤᱭᱟᱹ ᱴᱷᱟᱶ ᱨᱮ
ᱦᱩᱞ ᱥᱮᱸᱜᱮᱞ ᱠᱚ ᱡᱩᱞ ᱞᱮᱫ,
ᱱᱤᱨᱢᱟᱭᱟ ᱥᱚᱨᱠᱟᱨ ᱵᱟᱰᱟᱭ ᱠᱟᱛᱮ
ᱜᱚᱡ ᱠᱚ ᱞᱟᱹᱜᱤᱫ ᱜᱩᱞᱤ ᱛᱮᱨᱟᱝ ᱠᱮᱫ ᱾
ᱩᱱ ᱫᱚ ᱥᱩᱱᱟᱹᱨᱟᱢ ᱥᱚᱨᱮᱱ
ᱡᱮᱞ ᱨᱮᱜᱮ ᱛᱟᱟᱦᱮᱸ ᱞᱮᱱᱮ,
ᱟᱹᱫᱤᱢ ᱠᱚ ᱪᱮᱛᱟᱱ ᱨᱮ ᱱᱚᱣᱟ ᱠᱚ ᱵᱟᱰᱟᱭ ᱛᱮ
ᱠᱚᱝᱠᱟ ᱯᱟᱜᱽᱞᱟ ᱭᱮᱱᱮ ᱾
ᱟᱹᱫᱤᱢ ᱠᱚ ᱞᱟᱹᱜᱤᱫ ᱩᱭᱦᱟᱹᱨ
ᱟᱫᱷᱟ ᱨᱮᱜᱮ ᱛᱟᱦᱮᱸᱭᱮᱱᱟ,
ᱚᱠᱚᱭ ᱵᱟᱰᱟᱭ ᱪᱮᱫ ᱪᱤᱠᱟᱹᱭᱮᱱᱟ
ᱡᱤᱣᱤ ᱵᱟᱛᱤ ᱛᱟᱠᱤᱱ ᱦᱚᱸ ᱤᱬᱤᱡ ᱮᱱᱟ ᱾
᱑᱙ ᱡᱩᱞᱟᱭᱤ ᱑᱙᱘᱘ ᱥᱟᱞᱮ ᱨᱮ
ᱫᱩᱠᱷ ᱛᱟᱞᱟ ᱨᱮ ᱵᱟᱜᱤ ᱥᱟᱹᱨᱤᱭᱟᱫ ᱵᱚᱱᱟᱭ,
ᱚᱛ ᱨᱤᱱᱤᱡ ᱵᱷᱩᱨᱠᱟᱹᱜ ᱤᱯᱤᱞ
ᱦᱮᱸᱫᱮ ᱧᱩᱛᱟᱹᱛ ᱨᱮ ᱟᱫ ᱥᱟᱹᱨᱤᱭᱮᱱᱟᱭ ᱾
ᱤᱱᱟᱹ ᱢᱟᱭᱟᱢ ᱢᱮᱱᱟᱜ ᱟᱵᱚ ᱴᱷᱮᱱ ᱦᱚᱸ
ᱪᱮᱫᱟᱜ ᱱᱤᱛ ᱦᱚᱸᱵᱚᱱ ᱛᱟᱭᱚᱢ ᱟᱠᱟᱱ,
ᱱᱤᱛ ᱵᱟᱵᱚᱱ ᱪᱤᱨᱜᱟᱹᱞ ᱞᱮᱱᱠᱷᱟᱱ
ᱢᱟᱞᱚᱴᱚᱜ ᱟᱵᱚ ᱵᱟᱠᱷᱟᱱ ᱾
ᱵᱷᱚᱸᱡᱽ ᱫᱤᱥᱚᱢ ᱵᱷᱮᱜᱟᱨ ᱯᱚᱱᱚᱛ ᱜᱮ ᱛᱟᱦᱮᱸᱱ ᱢᱟ
ᱜᱟᱨᱡᱟᱣ ᱞᱮᱱᱮ ᱠᱩᱞ ᱞᱮᱠᱟ,
ᱚᱱᱟ ᱫᱟᱲᱮ ᱛᱮ ᱵᱷᱚᱸᱡᱽ ᱫᱤᱥᱚᱢ
ᱪᱩᱢᱩᱞ ᱞᱮᱱᱟ ᱟᱠᱟᱯᱟᱠᱟ ᱾
ᱫᱮᱵᱚᱱ ᱥᱟᱹᱨᱤᱭᱟ ᱱᱤᱛᱚᱜ ᱟᱵᱚ
ᱥᱩᱱᱟᱹᱨᱟᱢ ᱥᱚᱨᱮᱱᱟᱜ ᱩᱭᱦᱟᱹᱨ,
ᱵᱷᱚᱸᱡᱽ ᱫᱤᱥᱚᱢ ᱫᱮᱵᱚ ᱥᱚᱨᱮᱥᱟ
ᱱᱤᱭᱟᱹ ᱜᱮ ᱢᱩᱪᱟᱹᱫ ᱱᱮᱦᱚᱨ ᱾

Facebook
Twitter
WhatsApp
Telegram

ᱢᱩᱪᱟᱹᱫ ᱢᱩᱪᱟᱹᱫ ᱢᱩᱪᱟᱹᱫ

ᱟᱨᱦᱚᱸ ᱧᱮᱞᱢᱮ

ᱵᱟᱦᱟ ᱵᱚᱝᱜᱟ

ᱢᱟᱜ ᱵᱚᱝᱜᱟ ᱯᱚᱨᱚᱢ ᱮᱱᱟ ᱯᱷᱟᱜᱩᱱ ᱵᱚᱞᱚᱭᱮᱱ, ᱵᱤᱨ ᱵᱩᱨᱩ ᱨᱮ ᱱᱚᱣᱟ ᱱᱚᱣᱟ ᱥᱟᱠᱟᱢ ᱥᱟᱜᱮᱱ‌ ᱮᱱ᱾ ᱵᱤᱨ ᱵᱩᱨᱩ ᱨᱮ ᱵᱟᱦᱟ ᱭᱮᱱᱟ ᱤᱪᱟᱹᱜ, ᱢᱩᱨᱩᱫ, ᱥᱟᱨᱡᱚᱢ, ᱫᱟᱞᱟᱭ ᱫᱟᱞᱟᱭ ᱜᱮᱞᱟᱭᱮᱱᱟ

Read More »

ᱵᱤᱫᱟᱹᱭ

ᱵᱤᱫᱟᱹᱭ ᱵᱤᱫᱟᱹᱭ ᱱᱟᱞᱚᱢ ᱢᱮᱱ ᱵᱷᱟᱹᱭ ᱵᱤᱫᱟᱹᱭ ᱵᱤᱫᱟᱹᱭ ᱱᱟᱞᱚᱢ ᱢᱮᱱ ᱵᱮᱲᱟᱭ ᱨᱟᱠᱟᱵ, ᱵᱮᱲᱟᱭ ᱦᱟᱺᱥᱩᱨᱚᱜ ᱱᱮᱴᱟᱜ ᱫᱤᱥᱚᱢ ᱮ ᱢᱟᱨᱥᱟᱞ᱾(᱒) ᱯᱷᱟᱹᱜᱩᱱ ᱵᱚᱸᱜᱟ ᱨᱮ ᱵᱟᱦᱟ ᱵᱩᱥᱟᱹᱲ ᱮᱱ ᱯᱷᱟᱹᱜᱩᱱ ᱵᱚᱸᱜᱟ

Read More »

ᱱᱟᱶᱟᱱᱟᱜ

ᱚᱱᱚᱬᱦᱮ
ᱵᱟᱞᱤᱭᱟ ᱢᱟᱹᱸᱨᱰᱤ

ᱨᱟᱹᱥᱠᱟᱹ

ᱟᱭᱚ ᱠᱚᱞᱮ ᱠᱷᱚᱱ ᱡᱟᱱᱟᱢ ᱛᱟᱭᱚᱢ ᱫᱷᱟᱨᱛᱤ ᱟᱭᱚ ᱥᱟᱹᱜᱩᱱ ᱫᱟᱨᱟᱢ ᱥᱟᱶᱛᱮ ᱡᱟᱱᱟᱢ ᱟᱭᱚ ᱠᱚᱞᱮ ᱩᱨᱜᱩᱢ ᱦᱟᱸᱵᱩᱫ ᱵᱩᱡᱷᱟᱹᱣ ᱜᱚᱫᱚᱜ ᱟᱹᱰᱤ ᱨᱟᱹᱥᱠᱟᱹ ᱾ ᱨᱮᱜᱮᱸᱡ ᱛᱮᱛᱟᱝ ᱨᱮ ᱮᱴᱠᱮᱴᱚᱬᱮ ᱨᱮ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ
ᱚᱱᱚᱬᱦᱮ
ᱫᱩᱞᱟᱨᱟᱢ ᱥᱚᱨᱮᱱ

ᱚᱠᱛᱚ

ᱚᱠᱛᱚ ᱫᱚ ᱦᱤᱡᱩᱜᱼᱟ ᱚᱠᱛᱚ ᱫᱚ ᱯᱟᱨᱚᱢᱚᱜ ᱚᱠᱛᱚ ᱫᱚ ᱵᱟᱝ ᱟᱠᱚᱴᱚᱜᱼᱟ ᱾ ᱚᱠᱛᱚ ᱢᱤᱫ ᱫᱷᱟᱣ ᱯᱟᱨᱚᱢ ᱪᱟᱞᱟᱣ ᱞᱮᱱᱠᱷᱟᱱ ᱫᱚᱦᱚᱲᱟ ᱫᱚ ᱟᱫᱚ ᱵᱟᱝ ᱨᱩᱣᱟᱲᱟ᱿᱑᱿ ᱵᱮᱨ ᱫᱚᱭ ᱨᱟᱠᱟᱵᱼᱟ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ
ᱚᱱᱚᱬᱦᱮ
ᱵᱟᱞᱤᱭᱟ ᱢᱟᱹᱸᱨᱰᱤ

ᱪᱮᱫᱟᱜ ᱮᱢ ᱨᱟᱜᱟ ?

ᱮ ᱠᱷᱮᱨᱣᱟᱲ! ᱮ ᱠᱷᱮᱨᱣᱟᱲ! ᱱᱟᱥᱮ ᱩᱭᱦᱟᱹᱨ ᱢᱮᱥᱮ ᱡᱟᱱᱟᱢ ᱫᱤᱥᱚᱢ ᱠᱚ ᱨᱮᱡᱮᱜ ᱢᱮᱨᱮ ᱪᱮᱫᱟᱜ ᱮᱢ ᱨᱟᱜᱟ ? ᱮ ᱠᱷᱮᱨᱣᱟᱲ! ᱮ ᱠᱷᱮᱨᱣᱟᱲ! ᱱᱟᱥᱮ ᱩᱭᱦᱟᱹᱨ ᱢᱮᱥᱮ ᱦᱚᱠ ᱟᱹᱭᱫᱟᱹᱨ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ

ᱵᱩᱜᱤ ᱰᱟᱦᱟᱨ

ᱥᱤᱨᱩ ᱫᱚ ᱢᱤᱫ ᱡᱩᱣᱟᱹᱱ ᱦᱚᱲ ᱠᱟᱱᱟᱭ, ᱟᱹᱛᱩ ᱨᱮᱱ ᱢᱤᱫ ᱥᱟᱫᱷᱟᱨᱚᱱ ᱠᱚᱲᱟ ᱾ ᱩᱱᱤᱭᱟᱜ ᱡᱤᱭᱚᱱ ᱫᱚ ᱟᱞᱜᱟ ᱟᱨ ᱥᱟᱹᱨᱤ ᱜᱮᱭᱟ, ᱢᱮᱱᱠᱷᱟᱱ ᱛᱤᱱᱟᱹᱜ ᱜᱟᱱ ᱜᱟᱛᱮ ᱠᱚᱣᱟᱜ ᱚᱨᱥᱚᱝ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ