ᱱᱚᱣᱟ ᱧᱩᱛᱟᱹᱛ ᱟᱦᱞᱟ ᱛᱮᱞᱮ ᱛᱮᱱ ᱟᱠᱟᱱ
ᱮᱱᱦᱚᱸ ᱢᱮᱱᱟ ᱞᱮ ᱠᱚᱪᱞᱚᱱ ᱦᱚᱞᱟᱝ᱿
ᱢᱟᱱᱣᱟ ᱮᱞ ᱛᱮᱞᱮ ᱠᱷᱟᱴᱚᱭᱮᱱ
ᱛᱱᱟ ᱛᱮᱲᱚᱝ ᱱᱟᱦᱟᱪᱟᱨ ᱯᱷᱮᱫᱽ ᱨᱮᱞᱮ ᱵᱚᱞᱚᱭᱮᱱ᱿
ᱵᱩᱠᱟᱹ ᱛᱚᱯᱟ ᱡᱟᱱᱟᱢ ᱦᱟᱥᱟ ᱜᱟᱵᱟᱣ ᱮᱱ ᱛᱟᱞᱮ ᱟᱨᱟᱜ ᱜᱮ
ᱨᱟᱦᱞᱟ ᱨᱤᱢᱤᱞ ᱨᱮ ᱛᱟᱠᱮᱨᱚᱜ ᱢᱩᱦᱤᱢ ᱟᱲᱟᱝ ᱜᱮ᱿
ᱢᱮᱫ ᱨᱮ ᱞᱤᱝᱜᱤᱱ ᱡᱷᱟᱨᱱᱟ ᱜᱟᱰᱟ
ᱛᱚᱠᱚᱭ ᱞᱟᱜᱤᱫᱽ ᱫᱟᱜ ᱤᱧ ᱞᱩᱭᱟ ᱫᱟᱹᱭᱱᱟ᱿
ᱡᱷᱟᱨᱱᱟ ᱫᱟᱜ ᱞᱮᱠᱟ ᱢᱟᱱᱣᱟ ᱢᱚᱱᱮ ᱨᱮ ᱡᱷᱚᱨᱚᱱᱚᱜ ᱠᱟᱱ ᱦᱤᱥᱟᱹᱼᱥᱩᱭᱟᱹ
ᱥᱤᱧ ᱪᱟᱸᱫᱳ ᱟᱦᱞᱟ ᱛᱮ ᱧᱮᱞᱚᱜ ᱡᱷᱤᱲᱤᱠ ᱡᱷᱤᱲᱤᱠ᱿
ᱚᱠᱟᱨᱮ ᱧᱟᱢᱚᱜ ᱵᱟᱧᱪᱟᱣ ᱛᱟᱦᱮᱱ ᱞᱟᱜᱤᱫᱽ ᱥᱟᱹᱨᱤ ᱥᱩᱞᱩᱠ
ᱛᱱᱟ ᱜᱤᱨᱟᱹᱵᱟᱹᱥᱤ ᱴᱷᱟᱣ ᱫᱚ ᱵᱟᱹᱱᱩ ᱩᱨᱩᱢ ᱵᱟᱰᱟᱭ᱿
ᱢᱟᱱᱣᱟ ᱢᱚᱱᱮ ᱨᱮ ᱧᱩᱛᱟᱹᱛ ᱧᱮᱞᱚᱜ ᱠᱟᱲᱟᱝ ᱠᱟᱲᱟᱝ ᱟᱸᱡᱚᱢ ᱦᱤᱡᱩᱜ ᱟᱜ ᱢᱩᱦᱤᱢ ᱟᱲᱟᱝ᱿
ᱯᱟᱴᱷᱮ ᱠᱮᱴᱮᱡ ᱠᱟᱛᱮ ᱮᱱᱦᱚ ᱦᱩᱭᱩᱜ ᱛᱟᱞᱮ ᱯᱟᱹᱣᱲᱤ ᱢᱟᱲᱟᱝ᱿
ᱥᱚᱝᱠᱷᱚ ᱱᱟᱹᱭ ᱟᱲᱮ ᱠᱷᱚᱱ
ᱜᱤᱫᱽᱱᱤ ᱵᱩᱨᱩ ᱦᱟᱹᱛᱤ ᱵᱩᱨᱩ ᱮᱛᱚᱢ ᱠᱚᱧᱮ ᱵᱟᱨᱥᱮᱫ ᱟᱨᱦᱚᱸ ᱩᱥᱩᱞ ᱪᱷᱮᱯᱚ ᱵᱤᱨ ᱵᱩᱨᱩ ᱛᱮ ᱟᱲᱮ ᱮᱴᱮᱫ ᱟᱹᱫᱤᱢ ᱠᱚᱣᱟᱜ ᱟᱛᱳ ᱦᱩᱰᱤᱧ ᱦᱩᱰᱤᱧ ᱴᱚᱞᱟ ᱧᱩᱛᱩᱢ ᱫᱚ ᱛᱤᱞᱜᱟ ᱢᱮᱱᱟᱜ
October 2, 2024
No Comments
