ᱪᱮᱫ ᱠᱷᱟ.ᱛᱤᱨ ᱱᱚᱝᱠᱟ
ᱩᱭᱩᱝ ᱪᱩᱸᱰᱩᱜ ᱟᱢ ᱫᱚ ?
ᱢᱟᱥᱮ ᱩᱨᱩᱢ ᱢᱮ –
ᱟᱢᱟᱜ ᱫᱷᱚᱨᱚᱢ ᱛᱟᱢ ᱫᱚ ᱾
ᱮᱴᱟᱜ ᱠᱚᱨᱮᱢ ᱚᱨ ᱵᱟᱲᱟᱜ
ᱛᱟᱦᱮᱸᱱ ᱨᱮᱦᱚᱸ ᱫᱷᱚᱨᱚᱢ
ᱛᱟᱭᱚᱢ ᱨᱮᱜᱮ ᱠᱟᱪᱟ ᱠᱩᱪᱩ
ᱵᱟ.ᱱᱩᱜ ᱞᱟᱡᱟᱣ ᱥᱚᱨᱚᱢ ᱾
ᱩᱱᱟ.ᱜ ᱱᱤᱨᱚᱲ ᱱᱤᱨᱟ.ᱭ
ᱡᱟ.ᱱᱤᱡ ᱡᱤᱭᱟ.ᱲ ᱡᱷᱟᱨᱱᱟ
ᱟ.ᱨᱥᱤ ᱞᱮᱠᱟ ᱜᱮ ᱡᱷᱟᱞᱠᱟᱣᱜ
ᱟᱢᱟᱜ ᱫᱷᱚᱨᱚᱢ ᱥᱟᱨᱱᱟ ᱾
ᱮᱴᱟᱜ ᱠᱚᱨᱮ ᱟᱢ ᱫᱚᱢ
ᱴᱩᱱᱰᱟ.ᱝ ᱵᱟᱲᱟᱭ ᱠᱟᱱᱟ
ᱫᱚᱲᱦᱚ ᱫᱟᱨᱮ ᱨᱮ –
ᱡᱷᱟᱢᱯᱟ ᱠᱚᱜ
ᱟᱞᱟᱠ ᱡᱟ.ᱰᱤᱢ ᱥᱟᱡᱟᱜ ᱠᱟᱱᱟ ᱾
ᱟᱢ ᱦᱚᱸᱛᱚ ᱟᱯᱱᱟᱨ ᱛᱮ
ᱵᱷᱟ.ᱵᱤᱛᱚᱜ ᱢᱮ ᱫᱚᱲᱦᱚ ᱫᱟᱨᱮ
ᱮᱱ ᱮᱱᱟᱝ ᱮᱢ ᱴᱮᱠᱟᱣᱜ
ᱥᱤᱛᱩᱝ ᱞᱚᱞᱚ ᱡᱟᱨᱜᱮ ᱡᱟ.ᱯᱩᱫ ᱨᱮ ᱾
ᱪᱮᱫ ᱠᱷᱟ.ᱛᱤᱨ ᱱᱚᱝᱠᱟ
ᱩᱭᱩᱝ ᱪᱩᱸᱰᱩᱜ ᱟᱢ ᱫᱚ ?
ᱨᱤᱠᱟ.ᱭ ᱢᱮᱥᱮ ᱞᱟᱜ-ᱦᱟ
ᱟᱢᱟᱜ ᱫᱷᱚᱨᱚᱢ ᱛᱟᱢ ᱫᱚ ᱾
ᱢᱟ.ᱱ ᱟᱱᱛᱮ ᱢᱟᱱᱚᱛ ᱢᱮ
ᱟᱢᱟᱜ ᱟᱯᱱᱟᱨ ᱫᱷᱚᱨᱚᱢ
ᱩᱱᱤ ᱮᱱᱟᱝ ᱮ ᱮᱢ ᱠᱮᱢᱟ
ᱫᱷᱟ.ᱨᱛᱤ ᱨᱮ ᱵᱷᱮᱜᱟᱨ ᱩᱯᱩᱨᱩᱢ ᱾
***
