ᱤᱧ ᱦᱩᱧ ᱚᱞ ᱪᱮᱫᱚᱜ ᱫᱟᱫᱟ,
ᱚ ᱛ ᱜ ᱝ ᱞ ;
ᱡᱩᱢᱤᱫ ᱡᱚᱛᱚᱧ ᱫᱚᱦᱚ ᱵᱚᱱᱟ,
ᱱᱚᱸᱠᱟᱱ ᱱᱟᱜᱟᱢᱤᱧ ᱛᱚᱞ!
ᱤᱧ ᱦᱩᱧ ᱚᱞ ᱪᱮᱫᱚᱜ ᱫᱟᱫᱟ,
ᱟ ᱠ ᱡ ᱢ ᱣ ;
ᱦᱮᱨᱢᱮᱫ ᱫᱤᱯᱤᱞ ᱯᱮᱨᱮᱡ ᱴᱷᱤᱞᱤ,
ᱡᱮᱢᱚᱱ ᱛᱟᱲᱟᱢ ᱯᱤᱪᱷᱤ ᱪᱷᱤᱞᱠᱟᱹᱣ!
ᱤᱧ ᱦᱩᱧ ᱚᱞ ᱪᱮᱫᱚᱜ ᱫᱟᱫᱟ,
ᱤ ᱥ ᱦ ᱧ ᱨ ;
ᱟᱵᱚ ᱡᱚᱛᱚᱧ ᱮᱵᱷᱮᱱ ᱵᱚᱱᱟ,
ᱵᱟᱵᱚᱱ ᱛᱟᱦᱮᱸᱱ ᱡᱟᱹᱯᱤᱫ ᱛᱷᱤᱨ!
ᱤᱧ ᱦᱩᱧ ᱚᱞ ᱪᱮᱫᱚᱜ ᱫᱟᱫᱟ,
ᱩ ᱪ ᱫ ᱬ ᱭ ;
ᱥᱟᱶᱛᱟ ᱜᱚᱴᱟᱧ ᱟᱸᱫᱷᱚᱲ ᱢᱟ ,
ᱡᱮᱢᱚᱱ ᱠᱩᱭᱞᱤ ᱪᱮᱬᱮ ᱠᱩᱦᱩᱭ!
ᱤᱧ ᱦᱩᱧ ᱚᱞ ᱨᱚᱲ ᱪᱮᱫᱚᱜ ᱫᱟᱫᱟ,
ᱮ ᱯ ᱰ ᱱ ᱲ ;
ᱚᱲᱟᱜ ᱯᱮᱨᱮᱡ ᱟᱨᱡᱟᱣ ᱫᱷᱚᱱ,
ᱡᱮᱢᱚᱱ ᱟᱭᱳᱭ ᱥᱚᱸᱝ ᱠᱩᱲᱟᱹᱭ ᱥᱟᱨᱮᱲ!
ᱤᱧ ᱦᱩᱧ ᱚᱞ ᱪᱮᱫᱚᱜ ᱫᱟᱫᱟ,
ᱳ ᱴ ᱵ ᱶ ᱷ ;
ᱡᱚᱛᱚ ᱟᱵᱚ ᱵᱚᱱ ᱥᱮᱪᱮᱫᱚᱜ,
ᱡᱮᱢᱚᱱ ᱞᱩᱢᱟᱸᱝ ᱠᱚ ᱛᱚᱞᱚᱜ!
***
