ᱟᱨᱟᱣ ᱟᱠᱟᱱ ᱵᱟᱦᱟ ᱢᱟᱞᱟ
ᱵᱟᱭᱰᱤᱝ ᱠᱟᱸᱪ ᱦᱟᱱᱟᱥᱟᱦᱟᱨᱮ
ᱟᱢᱟᱜ ᱢᱚᱦᱚᱨ ᱟᱨ ᱢᱩᱴᱷᱟᱹᱱ
ᱡᱟᱦᱟᱸ ᱞᱮᱠᱟᱭ ᱠᱚᱭᱚᱜ ᱟᱠᱟᱫ
ᱡᱮᱢᱚᱱ ᱤᱧᱜᱮᱢ ᱠᱚᱭᱚᱜ ᱟᱠᱟᱫᱤᱧ
ᱟᱹᱰᱤᱜᱮ ᱡᱤᱭᱟᱹᱲᱜᱮ ᱾
 
ᱵᱚᱸᱜᱟ ᱩᱛᱟᱹᱨ ᱟᱢᱜᱮ ᱥᱟᱹᱨᱤ
ᱟᱢ ᱥᱟᱶ ᱠᱚᱯᱚᱭᱚᱜ ᱞᱟᱹᱜᱤᱫ
ᱚᱠᱟᱨᱮᱛᱤᱧ ᱢᱮᱱᱟᱜ ᱫᱟᱲᱮ
ᱮᱱᱨᱮᱦᱚᱸ ᱠᱚᱭᱚᱜ ᱜᱮ ᱥᱟᱱᱟ
ᱡᱮᱢᱚᱱ ᱟᱢᱜᱮᱢ ᱵᱟᱹᱭ ᱟᱠᱟᱫᱤᱧ
ᱟᱹᱰᱤᱜᱮ ᱡᱤᱭᱟᱹᱲᱜᱮ ᱾
 
ᱵᱩᱡᱷᱟᱹᱣ ᱱᱚᱝᱠᱟ
ᱡᱮᱢᱚᱱ ᱨᱚᱯᱚᱲ ᱢᱮᱱᱟᱜ-ᱟ
ᱛᱤᱱᱟᱹᱜ ᱡᱩᱜᱽ ᱠᱷᱚᱱ
ᱡᱟᱦᱟᱸ ᱵᱟᱢ ᱥᱚᱫᱚᱨ ᱟᱠᱟᱫ-ᱟ
ᱟᱢᱟᱜ ᱡᱤᱣᱤᱫ ᱡᱤᱭᱚᱱ ᱨᱮ
ᱟᱹᱰᱤᱜᱮ ᱡᱤᱭᱟᱹᱲᱜᱮ ᱾
 
ᱵᱩᱡᱷᱟᱹᱣ ᱱᱚᱝᱠᱟ
ᱡᱮᱢᱚᱱ ᱞᱟᱹᱭ ᱥᱟᱱᱟᱢᱮ
ᱥᱟᱹᱛ ᱨᱮᱱᱟᱜ ᱢᱮᱱᱟᱜ
ᱟᱛᱨᱟ ᱛᱟᱦᱮᱸ ᱟᱠᱟᱱ
ᱟᱭᱢᱟ ᱠᱟᱹᱢᱤᱦᱚᱨᱟ
ᱟᱹᱰᱤᱜᱮ ᱡᱤᱭᱟᱹᱲᱜᱮ ᱾
 
ᱯᱟᱞᱮᱱ ᱠᱚᱭᱚᱜ ᱟᱛᱮᱢ ᱯᱚᱨᱚᱠ ᱮᱫ-ᱟ
ᱤᱧᱟᱜ ᱱᱤᱠᱚᱰᱟ ᱛᱟᱨᱮᱱ ᱨᱮᱱᱟᱜ ᱫᱟᱲᱮ
ᱯᱟᱞᱮᱱ ᱢᱮᱱ-ᱮᱫ ᱛᱟᱢᱟᱭ ᱢᱚᱱᱮ
ᱠᱩᱨᱩᱢᱩᱴᱩ ᱫᱟᱲᱮ ᱟᱜ-ᱟ ᱥᱮ ᱵᱟᱝ
ᱪᱤᱠᱤ ᱨᱮᱱᱟᱜ ᱟᱸᱜᱤᱵᱷᱟᱨ
ᱟᱹᱰᱤᱜᱮ ᱡᱤᱭᱟᱹᱲ ᱜᱮ ᱾
 
ᱤᱢᱟᱹᱧᱢᱮ ᱛᱷᱩᱢ ᱟᱨ ᱫᱷᱤ ᱫᱟᱲᱮ
ᱯᱩᱨᱩᱱᱟᱹᱧ ᱟᱢᱟᱜ ᱠᱩᱠᱢᱩ ᱡᱚᱛᱚ ᱥᱟᱹᱨᱤ
ᱫᱟᱲᱟᱱᱟᱹᱧ ᱟᱢᱞᱮᱠᱟ ᱫᱤᱥᱚᱢ ᱫᱤᱥᱚᱢ
ᱪᱤᱠᱤ ᱪᱤᱨᱜᱟᱹᱞ ᱥᱟᱠᱣᱟ ᱚᱨᱚᱝ ᱟᱛᱮ
ᱛᱟᱦᱮᱱᱟ ᱪᱤᱠᱤ ᱯᱟᱹᱨᱥᱤ ᱡᱟ ᱡᱩᱜᱽ
ᱟᱹᱰᱤᱜᱮ ᱡᱤᱭᱟᱹᱲ ᱜᱮ ᱾
***

Facebook
Twitter
WhatsApp
Telegram

ᱢᱩᱪᱟᱹᱫ ᱢᱩᱪᱟᱹᱫ ᱢᱩᱪᱟᱹᱫ

ᱟᱨᱦᱚᱸ ᱧᱮᱞᱢᱮ

ᱜᱚᱭᱚᱱᱚᱜᱼᱟ ᱵᱚ

ᱵᱟᱦᱟ ᱥᱚᱦᱨᱟᱭ ᱜᱤᱫᱟᱹᱨ ᱯᱤᱫᱟᱹᱨ ᱪᱚᱰᱚᱨ ᱫᱮᱥᱮᱵᱚ ᱦᱟᱺᱰᱤ ᱰᱷᱩᱞᱟᱹ ᱞᱟᱛᱟᱨ ᱛᱟᱦᱮᱸᱱᱟ ᱥᱩᱞᱩᱠ ᱱᱤᱨᱟᱹᱭ ᱯᱟᱭᱛᱟᱨ᱾ ᱟᱹᱛᱩ ᱪᱷᱟᱴᱠᱟ ᱨᱟᱹᱥᱤ ᱴᱚᱞᱟ ᱡᱮᱛᱮ ᱠᱚᱛᱮ ᱦᱳ ᱚᱞᱪᱤᱠ ᱵᱚ ᱚᱞᱟ ᱟᱹᱛᱩ ᱴᱚᱞᱟ

Read More »

ᱦᱩᱞ

ᱟᱫᱚ ᱵᱟᱵᱚᱱ ᱛᱟᱦᱮᱸᱱ ᱦᱟᱺᱰᱤ ᱯᱟᱹᱨᱣᱟᱹ ᱨᱮ ᱵᱩᱞ, ᱚᱠᱛᱚ ᱥᱮᱴᱮᱨ ᱟᱠᱟᱱ ᱫᱮ ᱞᱚᱜᱚᱱ ᱵᱚᱱ ᱦᱩᱞ ᱿ ᱦᱚᱠ ᱟᱹᱭᱫᱟᱹᱨ ᱧᱟᱢ ᱞᱟᱜᱤᱛ ᱥᱟᱶᱛᱟ ᱥᱮᱸᱜᱮᱞ ᱵᱚ ᱡᱩᱞ, ᱴᱟᱢᱟᱠ ᱨᱮᱜᱲᱟ

Read More »

ᱱᱟᱶᱟᱱᱟᱜ

ᱵᱟᱦᱟ ᱵᱚᱝᱜᱟ

ᱢᱟᱜ ᱵᱚᱝᱜᱟ ᱯᱚᱨᱚᱢ ᱮᱱᱟ ᱯᱷᱟᱜᱩᱱ ᱵᱚᱞᱚᱭᱮᱱ, ᱵᱤᱨ ᱵᱩᱨᱩ ᱨᱮ ᱱᱚᱣᱟ ᱱᱚᱣᱟ ᱥᱟᱠᱟᱢ ᱥᱟᱜᱮᱱ‌ ᱮᱱ᱾ ᱵᱤᱨ ᱵᱩᱨᱩ ᱨᱮ ᱵᱟᱦᱟ ᱭᱮᱱᱟ ᱤᱪᱟᱹᱜ, ᱢᱩᱨᱩᱫ, ᱥᱟᱨᱡᱚᱢ, ᱫᱟᱞᱟᱭ ᱫᱟᱞᱟᱭ ᱜᱮᱞᱟᱭᱮᱱᱟ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ

ᱵᱷᱩᱞᱟᱹᱣ ᱵᱟᱹᱦᱩ

ᱥᱚᱦᱚᱨᱟᱭ ᱪᱟᱸᱫᱚᱭ ᱧᱤᱨ ᱠᱟᱱᱟ ᱟᱨ ᱟᱜᱷᱟᱬ ᱪᱟᱸᱫᱚ ᱦᱚᱸᱭ ᱧᱚᱦᱚᱜ ᱜᱚᱫᱚᱜ ᱠᱟᱱᱟ ᱾ ᱪᱟᱥ ᱵᱟᱥ ᱠᱟᱹᱢᱤ ᱡᱟᱠᱮ ᱡᱮᱢᱚᱱ ᱜᱷᱩᱴᱩ ᱵᱟᱹᱫ ᱠᱚᱨᱮᱱᱟᱜ ᱦᱩᱲᱩ ᱠᱚᱫᱚ ᱠᱚ ᱥᱟᱢᱴᱟᱣ ᱥᱟᱭ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ

ᱢᱩᱦᱤᱢ ᱟᱲᱟᱝ

ᱱᱚᱣᱟ ᱧᱩᱛᱟᱹᱛ ᱟᱦᱞᱟ ᱛᱮᱞᱮ ᱛᱮᱱ ᱟᱠᱟᱱ ᱮᱱᱦᱚᱸ ᱢᱮᱱᱟ ᱞᱮ ᱠᱚᱪᱞᱚᱱ ᱦᱚᱞᱟᱝ᱿ ᱢᱟᱱᱣᱟ ᱮᱞ ᱛᱮᱞᱮ ᱠᱷᱟᱴᱚᱭᱮᱱ ᱛᱱᱟ ᱛᱮᱲᱚᱝ ᱱᱟᱦᱟᱪᱟᱨ ᱯᱷᱮᱫᱽ ᱨᱮᱞᱮ ᱵᱚᱞᱚᱭᱮᱱ᱿ ᱵᱩᱠᱟᱹ ᱛᱚᱯᱟ ᱡᱟᱱᱟᱢ ᱦᱟᱥᱟ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ