ᱩᱯᱨᱩᱢ
ᱵᱤᱨᱢᱟᱹᱞᱤ ( ᱤ-ᱯᱟᱛᱷᱟᱢ ) – ᱢᱤᱫ ᱱᱟᱶᱟ ᱩᱭᱦᱟᱹᱨ ᱱᱟᱶᱟ ᱠᱩᱠᱢᱩ ᱤᱫᱤ ᱠᱟᱛᱮ
ᱫᱤᱥᱚᱢ ᱜᱚᱴᱟ ᱢᱚᱦᱠᱟᱣᱚᱜ ᱟᱸᱥ ᱛᱮ ᱯᱷᱩᱴᱟᱹᱣ ᱥᱚᱫᱚᱨᱮᱱᱟ ᱥᱟᱶᱦᱮᱫ ᱯᱟᱛᱷᱟᱢ ᱨᱩᱯ ᱨᱮ ᱾
ᱱᱟᱶᱟ ᱢᱟᱨᱮ ᱚᱱᱚᱞᱤᱭᱟᱹ, ᱟᱱᱚᱬᱦᱤᱭᱟᱹ ᱠᱚᱣᱟᱜ ᱜᱟᱵᱟᱱ ᱱᱚᱱᱚᱞ ᱠᱟᱹᱲᱤ ᱛᱮ ᱨᱚᱝ ᱠᱟᱛᱮ
ᱥᱟᱱᱛᱟᱲᱤ ᱥᱟᱶᱦᱮᱫ ᱵᱟᱜᱟᱱ ᱥᱚᱵᱷᱟᱭ ᱞᱟᱹᱜᱤᱱ ᱛᱮ ᱫᱤᱥᱟᱹᱭ ᱫᱚᱦᱚ ᱠᱮᱫᱼᱟ ᱾
ᱯᱟᱲᱦᱟᱣ ᱢᱮ ᱚᱞ ᱠᱳᱞ ᱢᱮ ᱥᱟᱶᱛᱮ ᱵᱤᱨᱢᱟᱹᱞᱤ ᱥᱚᱻᱥᱚᱸᱫᱷᱟᱲ ᱫᱤᱥᱚᱢ ᱦᱚᱲ ᱠᱚ ᱛᱟᱞᱟ ᱨᱮ ᱯᱟᱥᱱᱟᱣ ᱢᱮ ᱾
ᱩᱱᱩᱭᱦᱟᱹᱨ
ᱱᱚᱶᱟ ᱫᱚ ᱢᱤᱫ ᱤ-ᱯᱟᱛᱷᱟᱢ ᱠᱟᱱᱟ, ᱚᱱᱟᱛᱮ ᱱᱚᱶᱟ ᱯᱟᱲᱦᱟᱣ ᱞᱟᱹᱜᱤᱫ ᱜᱚᱱᱚᱝ / ᱵᱷᱮᱫᱟ ᱮᱢ ᱵᱟᱝ ᱦᱩᱭᱩᱜᱼᱟ
ᱟᱨ ᱚᱱᱚᱞᱤᱭᱟᱹ ᱠᱚ ᱦᱚᱸ ᱠᱩᱲᱟᱹᱭ ᱵᱟᱝ ᱠᱚ ᱮᱢ ᱟᱠᱟᱱᱟ ᱾
“ᱵᱤᱱ ᱜᱚᱱᱚᱝ ᱛᱮ ᱯᱚᱲᱦᱚᱱᱤᱭᱟᱹ ᱠᱚ ᱴᱷᱮᱱ ᱚᱱᱚᱞᱤᱭᱟᱹ ᱠᱚᱣᱟᱜ ᱚᱱᱚᱞ ᱥᱮᱴᱮᱨ ᱜᱮ
ᱟᱞᱮᱭᱟᱜ ᱢᱩᱬ ᱩᱱᱩᱭᱦᱟᱹᱨ ᱟᱨ ᱡᱚᱥ ᱾”
ᱥᱟᱯᱲᱟᱣ ᱠᱟᱹᱢᱤᱭᱟᱹ
ᱟᱨ ᱚᱥᱣᱚᱱᱤ ᱵᱚᱱᱡᱚᱱ ᱢᱩᱨᱢᱩ
ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮᱱᱟᱜ ᱠᱩᱞᱤᱼᱟᱱᱟ ᱵᱚᱞᱚᱠ ᱛᱚᱞᱠᱷᱚ ᱟᱹᱛᱩ ᱨᱮ ᱡᱟᱱᱟᱢ ᱾ ᱱᱤᱛᱚᱜ ᱟᱹᱥᱩᱞᱚᱜ ᱞᱮᱠᱟ ᱱᱟᱞᱦᱟ ᱫᱚ ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱨᱮ ᱰᱮᱯᱩᱴᱤ ᱢᱮᱱᱡᱚᱨ ᱞᱮᱠᱱᱟᱛᱮ ᱢᱮᱱᱟᱭᱟ ᱾ ᱱᱚᱣᱟ ᱥᱟᱶ ᱠᱩᱞᱤᱼᱟᱱᱟ ᱵᱚᱞᱚᱠ ᱨᱮ ᱢᱤᱥᱚᱱ ᱚᱞᱪᱤᱠᱤ ᱒᱐᱒᱕ ᱨᱤᱱᱤᱡ ᱟᱹᱜᱩᱣᱟᱹᱱ ᱠᱟᱱᱟᱭ | ᱣᱤᱠᱤᱯᱤᱰᱤᱭᱟ ᱟᱨ ᱜᱽᱞᱳᱵᱟᱞ ᱵᱷᱚᱭᱮᱥ ᱞᱮᱠᱟᱱᱟᱜ ᱡᱮᱜᱮᱛᱟᱹᱨᱤ ᱣᱮᱵᱽ ᱪᱷᱟᱢᱰᱟ ᱨᱤᱱ ᱪᱟᱪᱞᱟᱣᱤᱭᱟᱹ ᱠᱟᱱᱟᱭ ᱾
ᱪᱟᱪᱞᱟᱣᱤᱭᱟᱹ
ᱯᱷᱟᱹᱜᱩ ᱵᱟᱥᱠᱮ
ᱡᱟᱱᱟᱢ ᱫᱤᱥᱚᱢ ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱵᱟᱺᱜᱽᱨᱤᱯᱳᱥᱤ ᱵᱚᱞᱚᱠ ᱵᱷᱳᱲᱟᱜᱟᱹᱰᱤᱭᱟᱹ ᱟᱹᱛᱩ ᱾ ᱱᱤᱛᱚᱜ ᱳᱰᱤᱥᱟ ᱥᱚᱨᱠᱟᱨᱟᱜ ᱯᱩᱭᱩᱞᱩ ᱚᱞ ᱤᱛᱩᱱ ᱟᱥᱲᱟ ᱨᱮ ᱢᱟᱪᱮᱛ ᱞᱮᱠᱟᱛᱮ ᱵᱟᱦᱟᱞ ᱢᱮᱱᱟᱭᱟ ᱾ ᱥᱟᱱᱛᱟᱲ ᱥᱟᱶᱦᱮᱫ ᱨᱮ ᱧᱩᱛᱩᱢᱟᱱ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱠᱟᱱᱟᱭᱟ ᱾ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱯᱷᱟᱛᱟᱢ ᱨᱮ ᱟᱡᱟᱜ ᱚᱱᱦᱚᱬᱮ ᱯᱟᱨᱥᱟᱞ ᱟᱠᱟᱱᱟ ᱾ ᱱᱤᱭᱟᱹᱠᱚ ᱥᱟᱶ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱨᱤᱱ ᱵᱩᱱᱤᱭᱟᱹᱫᱽ ᱮᱱᱮᱢᱤᱭᱟᱹ ᱠᱷᱚᱱ ᱢᱤᱫ ᱦᱚᱲ ᱠᱟᱱᱟᱭ ᱾
ᱥᱟᱯᱲᱮᱛ
ᱨᱟᱢᱡᱤᱛ ᱴᱩᱰᱩ
ᱨᱟᱢᱡᱤᱛ ᱴᱩᱰᱩ ᱫᱚ ᱤᱱᱴᱚᱨᱱᱮᱴ ᱟᱨᱵᱟᱝ ᱰᱤᱡᱤᱴᱟᱞ ᱡᱮᱜᱮᱛ ᱨᱮ ᱚᱞᱪᱤᱠᱤ ᱪᱷᱟᱨᱟᱣ ᱯᱟᱥᱱᱟᱣ ᱠᱟᱹᱢᱤ ᱟᱹᱱᱤᱡ ᱧᱩᱛᱩᱢᱟᱱ ᱡᱩᱣᱟᱹᱱ ᱟᱹᱜᱩᱣᱟᱹᱱ ᱠᱟᱱᱟᱭ ᱾ ᱱᱩᱭ ᱫᱚ ᱰᱤᱡᱤᱴᱟᱞ ᱪᱷᱟᱢᱰᱟᱨᱮ ᱠᱟᱹᱢᱤ ᱠᱟᱱ "ᱚᱞᱪᱤᱠᱤ ᱴᱮᱠ" ᱨᱤᱱᱤᱡ ᱵᱩᱱᱤᱭᱟᱹᱫᱤᱭᱟᱹ ᱥᱚᱦᱮᱫ ᱠᱟᱱᱟᱭ ᱥᱟᱶᱛᱮ ᱣᱤᱠᱤᱢᱤᱰᱤᱭᱟ, ᱳ ᱯᱷᱟᱣᱱᱰᱮᱥᱚᱱ , ᱢᱟᱨᱡᱤᱱᱟᱞᱟᱭᱤᱡᱽᱰ ᱠᱚᱢᱩᱱᱤᱴᱤ ᱠᱟᱣᱱᱥᱤᱞ ᱮᱢᱟᱱ ᱜᱟᱶᱛᱟ ᱠᱚᱨᱮ ᱥᱮᱞᱮᱫ ᱢᱮᱱᱟᱭᱟ ᱟᱨ ᱚᱞᱪᱤᱠᱤ ᱨᱮᱱᱟᱜ ᱦᱟᱨᱟ ᱵᱩᱨᱩ ᱥᱟᱶ ᱟᱫ ᱤᱫᱤᱜ ᱟᱠᱟᱱ ᱮᱴᱟᱜ ᱯᱟᱹᱨᱥᱤ ᱠᱚᱨᱮᱱᱟᱜ ᱦᱟᱨᱟ ᱵᱩᱨᱩ ᱟᱨ ᱰᱤᱡᱤᱴᱟᱭᱤᱡᱮᱥᱚᱱ ᱞᱟᱹᱜᱤᱫ ᱛᱮ ᱠᱟᱹᱢᱤ ᱪᱷᱩᱴᱟᱹᱣ ᱟᱠᱟᱱᱟᱭ ᱾
ᱣᱮᱵᱽ ᱥᱟᱯᱲᱮᱛ
- ᱥᱟᱱᱫᱮᱥ -
ᱯᱨᱤᱛᱷᱤᱵᱤ ᱢᱟᱡᱷᱤ
ᱢᱟᱱᱚᱛᱟᱱ ᱚ.ᱵ.ᱢᱩᱨᱢᱩ
ᱯ.ᱵᱟᱥᱠᱮ
ᱨ.ᱴᱩᱰᱩ
ᱦᱤᱡᱩᱜ ᱠᱟᱱ ᱜᱩᱨᱩ ᱜᱚᱢᱠᱮ ᱡᱟᱱᱟᱢ ᱢᱟᱹᱦᱤᱛ ᱦᱤᱞᱚᱜ ᱯᱩᱭᱞᱩ ᱥᱟᱱᱛᱟᱲᱤ e-magazine 'ᱵᱤᱨ ᱢᱟᱹᱞᱤ ' ᱩᱪᱷᱟᱱ ᱥᱚᱫᱚᱨ ᱵᱟᱰᱟᱭ ᱧᱟᱢ ᱠᱟᱛᱮ ᱟᱹᱰᱤᱧ ᱨᱟᱹᱥᱠᱟ. ᱮᱱᱟ. ᱱᱚᱣᱟ e-magazine ᱩᱪᱷᱟᱹᱱ ᱨᱮ ᱟᱯᱮ ᱵᱟᱠᱚᱣᱟᱜ ᱠᱩᱨᱩᱢᱩᱴᱩ ᱟᱹᱰᱤ ᱥᱟᱹᱜᱩᱱᱚᱜ ᱢᱟ ᱢᱮᱱᱛᱤᱧ ᱟᱸᱥᱚᱜ ᱠᱟᱱᱟ. ᱱᱚᱣᱟ ᱞᱟᱹᱜᱤᱛ ᱢᱟᱨᱟᱝ ᱵᱩᱨᱩ ᱟᱨ ᱜᱩᱨᱩ ᱜᱚᱢᱠᱮ ᱛᱷᱩᱢ ᱮᱢᱟᱯᱮ ᱢᱮᱱᱛᱮ ᱱᱮᱦᱚᱨ ᱠᱤᱫᱟᱹᱧ.
ᱡᱚᱦᱟᱨ.
ᱯᱨᱤᱛᱷᱤᱵᱤ ᱢᱟᱡᱷᱤ(ᱦᱟᱸᱥᱫᱟᱜ)
ᱪᱚᱭᱛᱚᱱᱭᱚ ᱯᱨᱚᱥᱟᱫᱽ ᱢᱟᱡᱷᱤ
ᱯᱟ.ᱦᱤᱞ ᱫᱚ ᱨᱮᱞ, ᱩᱰᱟ.ᱱ ᱜᱟ.ᱰᱤ ᱟᱨ ᱥᱤᱱᱮᱢᱟ ᱴᱤᱠᱤᱥ ᱠᱤᱨᱤᱧ ᱞᱟᱜᱤᱫ ᱴᱤᱠᱚᱴ ᱠᱩᱴᱨᱤ ᱥᱟᱡᱟᱝ ᱨᱮ ᱟ.ᱰᱤ ᱜᱷᱟ.ᱲᱤᱠ ᱫᱷᱟᱹᱲ ᱨᱮ ᱛᱤᱸᱜᱩᱱ ᱯᱟᱲᱟᱣᱜ ᱠᱟᱱ ᱛᱟᱦᱮᱸᱜ ᱾ ᱚᱱᱠᱟ ᱜᱮ ᱧᱩᱛᱩᱢᱟᱱ ᱯᱩᱛᱷᱤ ᱯᱟᱛᱷᱟᱢ ᱠᱚᱦᱚᱸ ᱵᱩᱦᱤ ᱫᱚᱠᱟᱱ ᱵᱟᱢ ᱥᱮᱱ ᱞᱮᱱ ᱠᱷᱟᱱ ᱠᱤᱨᱤᱧ ᱵᱟᱢ ᱧᱟᱢᱟ ᱾ ᱢᱮᱱᱠᱷᱟᱱ ᱡᱩᱜᱽ ᱵᱚᱫᱚᱞ ᱮᱱᱟ ᱾ ᱱᱤᱛ ᱫᱚ ᱩᱱᱩᱫᱩᱜ ᱟᱨ ᱠᱚᱲ ᱠᱟ.ᱭᱫᱟ. ( Information and Technology) ᱡᱩᱜᱽ ᱪᱟᱞᱟᱜ ᱠᱟᱱᱟ ᱾ ᱚᱲᱟᱜ ᱨᱮ ᱫᱩᱲᱩᱵ ᱠᱟᱛᱮ ᱟᱨ ᱵᱟᱝᱠᱷᱟᱱ ᱡᱟᱦᱟᱸ ᱠᱷᱚᱱ ᱜᱮ ᱢᱚᱵᱟᱭᱤᱞ ᱯᱷᱩᱱ ᱛᱮ ᱡᱚᱯᱚᱲᱟᱣ ᱡᱟ.ᱞᱤ (Internet )ᱡᱩᱨ ᱛᱮ ᱠᱤᱨᱤᱧ ᱟᱨ ᱠᱷᱮᱡᱟ ᱦᱩᱭ ᱠᱮ ᱠᱟᱱᱟ ᱾ ᱚᱱᱟ ᱥᱩᱢᱩᱝ ᱦᱚᱸ ᱵᱟᱝ, ᱮᱢᱟᱱ ᱛᱮᱭᱟᱜ ᱯᱩᱛᱷᱤ ᱯᱟᱛᱷᱟᱢ ᱦᱚᱸ ᱚᱱᱟ ᱡᱚᱱᱚᱲᱟᱣ ᱡᱟᱞᱟᱢ ᱛᱩᱞ ᱞᱮᱠᱷᱟᱱ ᱞᱮᱠᱟᱱ ᱞᱮᱠᱟᱱᱟᱜ ᱧᱟᱢᱚᱜ ᱠᱟᱱᱟ ᱟᱨ ᱱᱟᱦᱟᱸᱜ ᱠᱚᱲᱟ ᱠᱩᱲᱤ ᱚᱱᱠᱟᱱᱟᱜ ᱜᱮ ᱵᱟᱹᱲᱛᱤ ᱠᱚ ᱜᱚᱨᱚᱡ ᱟᱜ ᱠᱟᱱᱟ ᱾ ᱱᱚᱱᱠᱟᱱ ᱵᱮᱲᱟ ᱨᱮ, E-magazine ᱨᱮᱭᱟᱜ ᱞᱚᱲᱟ ᱞᱟ.ᱠᱛᱤ ᱟ.ᱰᱤ ᱛᱮᱫ ᱢᱮᱱᱟᱜ ᱟ ᱾
ᱥᱨᱤᱭᱟᱱ ᱵᱟ.ᱵᱩ ᱚᱥᱣᱚᱱᱤ ᱨᱚᱸᱡᱚᱱ ᱢᱩᱨᱢᱩ,ᱯᱷᱟ.ᱜᱩ ᱵᱟᱥᱠᱮ ᱟᱨ ᱨᱟᱢᱡᱤᱛ ᱴᱩᱰᱩ ᱡᱚᱴᱟᱣ ᱠᱟᱛᱮ, “ᱵᱤᱨᱢᱟ.ᱞᱤ” ᱧᱩᱛᱩᱢ ᱛᱮ E-magazine ᱜᱩᱨᱩ ᱠᱩᱱᱟ.ᱢᱤ ( ᱐᱗.᱐᱕.᱒᱐᱒᱐ ) ᱥᱟ.ᱨᱫᱤ ᱢᱟᱦᱟ ᱦᱤᱞᱚᱜ ᱠᱚ ᱩᱪᱷᱟ.ᱱ ᱮᱦᱚᱵ ᱮᱜ ᱟ ᱾
ᱱᱩᱠᱩ ᱥᱟᱱᱟᱢ ᱡᱩᱞᱩᱢ ᱡᱩᱣᱟ.ᱱ ᱠᱚᱲᱟ ᱠᱩᱧ ᱛᱷᱩᱢᱟ ᱠᱚ ᱠᱟᱱᱟ, ᱟᱠᱚ ᱛᱤ ᱛᱮ ᱨᱚᱦᱚᱭ ᱵᱤᱨ ᱢᱟ.ᱞᱤ ᱵᱟᱦᱟ ᱵᱟᱥᱱᱟ ᱜᱚᱴᱟ ᱢᱚᱦᱠᱟᱣᱜ ᱢᱟ ᱟᱨ ᱡᱚᱛᱚ ᱦᱚᱲ ᱥᱚ ᱠᱚᱢᱟ ᱾
-ᱪᱚᱭᱛᱚᱱᱭᱚ ᱯᱨᱚᱥᱟᱫᱽ ᱢᱟᱡᱷᱤ ,(ᱜᱟᱹᱠᱩᱲ ᱚᱱᱞᱤᱭᱟᱹ)
ᱠᱚᱱᱵᱷᱮᱱᱚᱨ , ᱠᱮᱱᱫᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ
K-6, KalingaVihar Bhubaneswar
Odisha - 751019
ᱯᱚᱫᱽᱢᱚᱥᱨᱤ ᱰᱨᱹ ᱫᱚᱢᱚᱭᱚᱱᱛᱤ ᱵᱮᱥᱨᱟ
ᱜᱩᱨᱩ ᱜᱚᱢᱠᱮᱭᱟᱜ ᱡᱟᱱᱟᱢ ᱢᱟᱦᱟᱨᱮ ᱯᱩᱭᱞᱩ ᱥᱟᱱᱛᱟᱲᱤ e-magazine 'ᱵᱤᱨᱢᱟ. ᱞᱤ' ᱩᱪᱷᱟᱹᱱ ᱥᱚᱫᱚᱨᱚᱜ ᱟ ᱵᱟᱰᱟᱭ ᱠᱟᱛᱮ ᱢᱚᱱᱮ ᱡᱤᱣᱤ ᱛᱤᱧ ᱨᱟ. ᱥᱠᱟ. ᱛᱮ ᱪᱮᱦᱮᱞ ᱪᱮᱯᱮᱞ ᱮᱱᱟ᱾ᱱᱤᱛᱟᱜ ᱚᱠᱛᱚᱨᱮ ᱱᱚᱝᱠᱟᱱ ᱯᱟᱛᱷᱟᱢ ᱨᱮᱭᱟᱜ ᱞᱟ. ᱠᱛᱤ ᱫᱚ ᱵᱟ. ᱲᱛᱤ ᱜᱮᱭᱟ᱾'ᱵᱤᱨᱢᱟ. ᱞᱤ' ᱨᱮᱭᱟᱜ ᱫᱚᱜᱚᱸᱭ ᱫᱚᱜᱚᱸᱭ ᱥᱚ ᱫᱮᱥ ᱵᱤᱫᱟᱹᱥ ᱫᱷᱟ. ᱵᱤᱡ ᱢᱚᱦᱠᱟᱣ ᱥᱮᱴᱮᱨᱚᱜ ᱢᱟ ᱚᱱᱟᱜᱮ ᱟᱸᱥ ᱫᱚ᱾ᱚᱥᱣᱚᱱᱤ ᱵᱚᱧᱡᱚᱱ ᱢᱩᱨᱢᱩ,ᱯᱷᱟ. ᱜᱩ ᱵᱟᱥᱠᱮ ᱟᱨ ᱨᱟᱢᱡᱤᱛ ᱴᱩᱰᱩ(ᱦᱚᱯᱚᱱ ᱵᱟ. ᱵᱩ)ᱞᱮᱠᱟᱱ ᱡᱩᱣᱟᱹᱱ ᱠᱚ ᱱᱤᱛᱨᱤᱱ ᱥᱟᱶᱦᱮᱫ ᱫᱩᱞᱟ. ᱲᱤᱭᱟ. ᱠᱚᱣᱟᱜ ᱢᱚᱱᱮ ᱛᱩᱱᱩᱢ ᱧᱟᱢ ᱠᱟᱛᱮ e-magazine ᱥᱟᱯᱲᱟᱣ ᱞᱟ. ᱜᱤᱫ ᱯᱟᱴᱷᱮᱠᱚ ᱠᱮᱴᱮᱡ ᱟᱠᱟᱫᱛᱮ ᱥᱟᱨᱦᱟᱣ ᱤᱧ ᱪᱟᱞ ᱟᱠᱚ ᱠᱟᱱᱟ᱾
ᱰᱨᱹ ᱫᱚᱢᱚᱭᱚᱱᱛᱤ ᱵᱮᱥᱨᱟ (ᱜᱟᱹᱠᱩᱲ ᱚᱱᱚᱞᱤᱭᱟᱹ)
ᱟᱥᱳᱥᱤᱭᱮᱴ ᱯᱨᱚᱯᱷᱮᱥᱚᱨ
ᱮᱢ ᱯᱤ ᱥᱤ ᱚᱴᱳᱱᱳᱢᱚᱥ ᱠᱚᱞᱮᱡᱽ,ᱵᱟᱨᱤᱯᱚᱫᱟ
ᱜᱚᱬᱮᱥ ᱴᱷᱟᱹᱠᱩᱨ ᱦᱟᱸᱥᱫᱟ
ᱡᱚᱦᱟᱨ-
ᱵᱤᱨᱢᱟᱹᱞᱤ emagazine ᱯᱟᱛᱷᱟᱢ ᱩᱪᱷᱟᱹᱱᱚᱜ ᱠᱟᱱ ᱵᱟᱰᱟᱭ ᱧᱟᱢ ᱠᱟᱛᱮ ᱢᱚᱱᱮ ᱡᱤᱣᱤ ᱨᱮ ᱟᱹᱰᱤ ᱨᱟᱹᱥᱠᱟᱹᱧ ᱟᱹᱭᱠᱟᱹᱣ ᱠᱮᱫ-ᱟ ᱾
ᱱᱟᱦᱟᱜ ᱚᱠᱛᱚ ᱨᱮ ᱱᱚᱝᱠᱟᱱᱟ emagazine ᱫᱚ ᱟᱹᱰᱤ ᱜᱮ ᱞᱟᱹᱠᱛᱤ ᱢᱮᱱᱟᱜ ᱟᱠᱟᱫ-ᱟ ᱾ ᱥᱟᱱᱟᱢ ᱠᱚᱜᱮ ᱥᱟᱬᱮᱥ ᱡᱩᱜᱽ ᱥᱟᱶ ᱛᱟᱲᱟᱢ ᱟᱠᱟ ᱢᱮᱱᱟᱜ ᱵᱚᱱᱟ ᱾ ᱱᱚᱝᱠᱟᱱ ᱚᱠᱛᱚ ᱨᱮ ᱤ-ᱯᱟᱛᱷᱟᱢ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱᱟ ᱾
ᱤᱧ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱟᱭᱢᱟ ᱥᱟᱨᱦᱟᱣ ᱟᱨ ᱛᱷᱩᱢ ᱤᱧ ᱪᱟᱞ ᱠᱮᱫ-ᱟ ᱾ ᱱᱚᱶᱟ ᱠᱟᱹᱢᱤᱦᱚᱨᱟ ᱥᱟᱱᱛᱟᱲᱤ ᱥᱟᱶᱦᱮᱫ ᱮ ᱦᱟᱨᱟᱵᱩᱨᱩᱭᱟ ᱢᱮᱱᱛᱤᱧ ᱢᱚᱱᱮᱭᱮᱫ-ᱟ ᱾
ᱤᱧᱜᱮ
ᱜᱚᱱᱮᱥ ᱴᱷᱟᱠᱩᱨ ᱦᱟᱸᱥᱫᱟ
ᱟᱭᱟᱨ ᱢᱟᱬᱛᱮ ᱥᱩᱛᱨᱮᱛ
ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱾
ᱢᱚᱫᱚᱱ ᱢᱚᱦᱳᱱ ᱥᱚᱨᱮᱱ
ᱤᱧ ᱱᱚᱶᱟ ᱱᱚᱸᱰᱮ ᱢᱮᱱ ᱞᱟᱹᱜᱤᱫ ᱟᱹᱰᱤᱛᱮᱫ ᱨᱟᱹᱥᱠᱟᱹᱧ ᱟᱴᱠᱟᱨᱮᱫᱼᱟ ᱪᱤ, ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱱᱟᱝ ᱯᱩᱭᱞᱩ ᱩᱛᱟᱹᱨ e-magazine “ᱵᱤᱨᱢᱟᱹᱞᱤ” ᱱᱤᱭᱟᱹ ᱥᱮᱨᱢᱟ ᱨᱮᱱᱟᱜ ᱜᱩᱨᱩ ᱠᱩᱱᱟᱹᱢᱤ ᱠᱷᱚᱱ ᱩᱪᱷᱟᱹᱱ ᱮᱛᱚᱦᱚᱵᱚᱜ ᱠᱟᱱᱟ᱾ ᱱᱚᱝᱠᱟᱱᱟᱜ ᱢᱤᱫᱴᱟᱝ ᱞᱟᱹᱠᱛᱤ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱹᱜᱤᱫ ᱛᱮᱫᱚ ᱟᱹᱰᱤ ᱞᱟᱦᱟᱠᱷᱚᱱᱜᱮ ᱯᱟᱨᱥᱟᱞ ᱨᱮᱱᱟᱜ ᱞᱟᱹᱠᱛᱤ ᱛᱟᱦᱮᱸ ᱠᱟᱱᱟ, ᱛᱚᱵᱮ ᱡᱟᱦᱟᱸᱜᱮ ᱮᱴᱠᱮᱴᱚᱬᱮ ᱛᱟᱦᱮᱸ ᱠᱟᱱ ᱨᱮᱦᱚᱸ ᱟᱹᱰᱤ ᱛᱟᱭᱚᱢ ᱛᱮ ᱨᱮᱦᱚᱸ ᱱᱚᱝᱠᱟᱱ ᱯᱟᱛᱷᱟᱢ ᱥᱟᱥᱟᱯᱲᱟᱣ ᱨᱮᱱᱟᱜ ᱠᱩᱨᱩᱢᱩᱴᱩ ᱥᱟᱵ ᱟᱠᱟᱱ ᱠᱷᱟᱹᱛᱤᱨ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱟᱨ ᱢᱤᱫ ᱫᱷᱟᱯ ᱮ ᱞᱟᱦᱟ ᱟᱠᱟᱱᱟ ᱢᱮᱱᱛᱮ ᱢᱮᱱ ᱜᱟᱱᱚᱜᱼᱟ᱾ ᱥᱟᱬᱮᱥ ᱟᱨ ᱠᱟᱹᱨᱤᱜᱚᱞ ᱨᱮᱱᱟᱜ ᱦᱩᱭ ᱟᱠᱟᱱ/ᱦᱩᱭᱩᱜ ᱠᱟᱱ ᱟᱹᱰᱤᱛᱮᱫ ᱞᱟᱦᱟᱱᱛᱤ ᱵᱮᱲᱟᱨᱮ e-magazine ᱨᱮᱭᱟᱜ ᱞᱚᱲᱟ ᱫᱚ ᱟᱹᱰᱤ ᱛᱮᱫ ᱜᱮ ᱢᱮᱱᱟᱜ ᱟᱠᱟᱱᱟ᱾ ᱮᱴᱟᱜ ᱯᱟᱹᱨᱥᱤ ᱛᱮᱦᱚᱸ ᱟᱹᱰᱤ ᱞᱟᱦᱟ ᱠᱷᱚᱱ ᱜᱮ ᱱᱚᱶᱟᱠᱚ ᱫᱚ ᱯᱟᱨᱥᱟᱞ ᱦᱤᱡᱩᱜ ᱠᱟᱱᱟ᱾ e-library, e-book ᱮᱢᱟᱱ ᱠᱚᱦᱚᱸᱯᱟᱹᱴᱷᱩᱣᱟᱹ ᱠᱚ ᱵᱟᱠᱷᱨᱟ ᱡᱷᱤᱡ ᱢᱮᱱᱟᱜ ᱟᱠᱟᱫᱼᱟ᱾ e-paper ᱥᱮ ᱵᱮᱣᱨᱟ ᱥᱟᱠᱟᱢ ᱦᱚᱸ ᱱᱤᱛ ᱞᱮᱠᱟᱱ ᱱᱟᱝᱜᱮ ᱧᱟᱢᱚᱜ ᱠᱟᱱᱟ᱾ ᱛᱤ ᱯᱷᱮᱰ ᱨᱮ ᱥᱮ ᱛᱤ ᱠᱚᱴᱟᱵ ᱨᱮ ᱱᱤᱛ ᱱᱚᱣᱟᱠᱚ ᱫᱚ ᱢᱮᱫ ᱥᱟᱢᱟᱝ ᱨᱮᱚᱯᱮᱞᱚᱜ ᱠᱟᱱᱟ᱾ ᱱᱤᱛ ᱞᱮᱠᱟᱱ ᱤᱱᱴᱮᱨᱱᱮᱴ ᱡᱩᱜᱽ ᱨᱮ ᱱᱚᱶᱟᱜᱮ ᱠᱟᱱᱟ ᱥᱟᱬᱮᱥ ᱟᱨ ᱠᱟᱹᱨᱤᱜᱚᱞ ᱨᱮᱱᱟᱜ ᱟᱹᱰᱤ ᱢᱟᱨᱟᱜ ᱮᱱᱮᱢ᱾
ᱨᱟᱹᱥᱠᱟᱹ ᱟᱴᱠᱟᱨᱚᱜ ᱠᱟᱱᱟ ᱛᱮᱦᱮᱧ ᱜᱩᱨᱩ ᱜᱚᱢᱠᱮᱭᱟᱜ ᱥᱟᱹᱜᱩᱱ ᱡᱟᱱᱟᱢ ᱢᱟᱦᱟᱸ ᱢᱟᱱᱟᱣ ᱛᱟᱠᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱭᱟᱜ ᱯᱩᱭᱞᱩ ᱩᱛᱟᱹᱨ e-magazine, ᱚᱠᱟᱫᱚ ᱢᱤᱫ ᱥᱟᱶᱦᱮᱫ ᱯᱟᱛᱷᱟᱢ ᱠᱟᱱᱟ, ᱯᱟᱹᱴᱷᱩᱣᱟᱹ ᱠᱚ ᱥᱟᱢᱟᱝ ᱨᱮ ᱯᱩᱭᱞᱩ ᱩᱛᱟᱹᱨ ᱛᱮ ᱥᱚᱫᱚᱨᱚᱜ ᱠᱟᱱᱟ᱾ ᱛᱮᱦᱮᱧ ᱱᱚᱶᱟ ᱦᱚᱸ ᱩᱭᱦᱟᱹᱨ ᱦᱤᱡᱩᱜ ᱠᱟᱱᱟ ᱟᱵᱚᱣᱟᱜ ᱯᱟᱹᱨᱥᱤ ᱛᱮ ᱚᱞ ᱪᱤᱠᱤ ᱯᱚᱛᱚᱵ ᱨᱮᱭᱟᱜ e-library (ᱯᱚᱛᱚᱵ ᱢᱩᱨᱟᱹᱭ) ᱟᱨ e-book (ᱯᱚᱛᱚᱵ) ᱦᱚᱸ ᱚᱞ ᱪᱤᱠᱤ ᱨᱤᱱ ᱯᱟᱹᱴᱷᱩᱣᱟᱹ ᱵᱟᱠᱷᱨᱟ ᱞᱚᱜᱚᱱᱛᱮ ᱧᱟᱢᱚᱜ ᱨᱮᱭᱟᱜ ᱠᱩᱨᱩᱢᱩᱴᱩ ᱦᱩᱭᱩᱜ ᱢᱟ᱾ ᱱᱮᱛᱟᱨ ᱡᱩᱜᱽ ᱥᱟᱶ ᱯᱟᱱᱛᱮ ᱠᱟᱛᱮ ᱛᱟᱲᱟᱢ ᱠᱟᱛᱮ ᱪᱟᱞᱟᱜ ᱦᱩᱭᱩᱜ ᱠᱷᱟᱱ ᱟᱵᱚᱨᱤᱱ ᱯᱟᱹᱴᱷᱩᱣᱟᱹ ᱠᱚ ᱞᱟᱹᱜᱤᱫ ᱦᱚᱸ ᱚᱠᱛᱚ ᱨᱮᱭᱟᱜ ᱟᱱᱟᱴ ᱢᱮᱱᱟᱜᱼᱟ ᱪᱤᱠᱟᱹᱛᱮ, ᱱᱤᱛᱚᱜ ᱫᱚ ᱥᱟᱱᱟᱢ ᱠᱚᱜᱮ ᱦᱟᱱᱟ ᱱᱷᱟᱶᱟ ᱵᱟᱹᱭ ᱨᱮᱠᱚ ᱛᱟᱦᱮᱸᱱ ᱠᱟᱱᱟ ᱥᱟᱨᱟᱜᱷᱟᱹᱲᱤᱜᱮ ᱟᱨ ᱚᱸᱰᱮ ᱠᱷᱚᱱ ᱡᱟᱦᱟᱱ ᱛᱤᱱ ᱩᱰᱟᱹᱝ ᱚᱠᱛᱚ ᱠᱚ ᱩᱰᱩᱠ ᱫᱟᱲᱮᱭᱟᱜ ᱠᱷᱟᱱ ᱤᱱᱴᱮᱨᱱᱮᱴ ᱨᱮ ᱧᱟᱢᱚᱜ ᱠᱟᱱ ᱯᱟᱲᱦᱟᱣ ᱨᱮᱱᱟᱜ ᱫᱟᱣ ᱦᱟᱛᱟᱣ ᱟᱠᱚᱣᱟᱜ ᱯᱚᱛᱚᱵ ᱯᱟᱲᱦᱟᱣ ᱨᱮᱱᱟᱜ ᱛᱮᱛᱟᱝ ᱠᱚ ᱢᱮᱴᱟᱣ ᱫᱟᱲᱮᱭᱟᱜᱼᱟ᱾
ᱛᱮᱦᱮᱧᱟᱜ ᱱᱚᱶᱟ e-magazine ᱯᱟᱨᱥᱟᱞ ᱫᱚ ᱚᱞ ᱪᱤᱠᱤ ᱨᱮᱭᱟᱜ Mission-2025 ᱞᱟᱹᱜᱤᱫ ᱛᱮᱦᱚᱸ ᱟᱹᱰᱤ ᱢᱟᱨᱟᱝ ᱩᱥᱠᱩᱨ ᱜᱮ ᱠᱟᱱᱟ᱾
ᱜᱩᱨᱩ ᱜᱚᱢᱠᱮ ᱟᱜ ᱡᱟᱱᱟᱢ ᱢᱟᱦᱟᱸᱨᱮ ᱟᱡᱟᱜ ᱯᱟᱸᱡᱟ ᱯᱚᱨᱟᱭᱱᱤ ᱨᱮ ᱤᱧᱟᱜ ᱡᱤᱣᱤ ᱨᱮᱱᱟᱜ ᱜᱟᱹᱦᱤᱨ ᱩᱢᱟᱹᱬ ᱤᱧ ᱥᱚᱫᱚᱨ ᱮᱫᱼᱟ ᱟᱨ ᱤᱧ ᱡᱚᱲ ᱛᱤ ᱟᱛᱮᱧ ᱱᱮᱦᱚᱸᱨ ᱮᱫᱼᱟ ᱜᱩᱨᱩ ᱜᱚᱢᱠᱮ, ᱢᱟᱨᱟᱝ ᱵᱳᱨᱳ, ᱡᱟᱦᱮᱨ ᱟᱭᱳ, ᱢᱚᱬᱮᱠᱚ ᱛᱩᱨᱩᱭᱠᱚ ᱴᱷᱮᱱ “ᱵᱤᱨ ᱢᱟᱹᱞᱤ” ᱨᱤᱱ ᱥᱟᱥᱟᱯᱲᱟᱣ ᱠᱩᱢᱩᱴᱨᱤᱱ ᱥᱟᱱᱟᱢ ᱥᱚᱦᱮᱫ ᱠᱚ ᱪᱮᱛᱟᱱ ᱨᱮ ᱥᱚᱱᱮᱨ ᱛᱷᱩᱢ ᱠᱚ ᱡᱟᱹᱲᱤ ᱢᱟ ᱟᱨ ᱱᱚᱶᱟ ᱨᱮᱭᱟᱜ ᱟᱜᱟᱢ ᱰᱟᱦᱟᱨ ᱥᱩᱜᱩᱲ ᱠᱚᱜ ᱢᱟ, ᱱᱚᱶᱟ ᱯᱟᱛᱷᱟᱢ ᱦᱚᱸ ᱥᱩᱫᱟᱹᱭ ᱞᱟᱹᱜᱤᱫ ᱡᱤᱭᱟᱹᱲ ᱠᱚᱜ ᱢᱟ᱾ ᱱᱚᱸᱰᱮ ᱞᱟᱹᱭ ᱛᱟᱨᱟ ᱜᱟᱱᱚᱜᱼᱟ, ᱜᱚᱨᱚᱡ ᱟᱨ ᱯᱟᱲᱦᱟᱣ ᱨᱮᱱᱟᱜ ᱥᱟᱱᱟᱝ ᱛᱟᱦᱮᱸᱱ ᱠᱷᱟᱱ, ᱱᱚᱶᱟ ᱯᱟᱛᱷᱟᱢ ᱦᱚᱸ ᱥᱩᱫᱟᱹᱭ ᱞᱟᱹᱜᱤᱫ ᱡᱤᱣᱟᱹᱲ ᱛᱟᱦᱮᱸᱱᱟ ᱱᱚᱶᱟᱨᱮ ᱫᱚ ᱪᱮᱫ ᱦᱤᱫᱤᱡ ᱜᱮ ᱵᱟᱝ ᱛᱟᱦᱮᱸᱱᱟ᱾ᱢᱩᱪᱟᱹᱫ ᱨᱮ “ᱵᱤᱨ ᱢᱟᱹᱞᱤ” ᱥᱟᱥᱟᱯᱲᱟᱣ ᱠᱩᱢᱩᱴ ᱨᱤᱱ ᱥᱟᱱᱟᱢ ᱥᱚᱦᱮᱫ ᱠᱚ, ᱚᱱᱚᱞᱤᱭᱟᱹ ᱠᱚ, ᱯᱟᱹᱴᱷᱩᱣᱟᱹ ᱠᱚ ᱟᱨ ᱱᱚᱶᱟ ᱪᱮᱛᱟᱱᱨᱮ ᱵᱩᱜᱤ ᱟᱸᱥ ᱟᱨ ᱩᱭᱦᱟᱹᱨ ᱫᱚᱦᱚ ᱟᱠᱟᱫ ᱥᱟᱱᱟᱢ ᱠᱚᱜᱮ ᱤᱧᱟᱜ ᱜᱚᱰ ᱟᱨ ᱡᱚᱦᱟᱨ ᱤᱧ ᱪᱟᱞ ᱟᱠᱚᱠᱟᱱᱟ᱾
ᱤᱧᱜᱮ
(ᱢᱚᱫᱚᱱ ᱢᱳᱦᱚᱱ ᱥᱚᱨᱮᱱ)
ᱟᱭᱟᱨ ᱠᱚᱱᱵᱷᱮᱱᱚᱨ
ᱥᱟᱱᱛᱟᱲᱤ ᱫᱤᱥᱟᱹ ᱩᱫᱩᱜ ᱵᱳᱨᱰ
ᱥᱟᱦᱤᱛᱭᱚ ᱟᱠᱟᱫᱮᱢᱤ, ᱱᱟᱶᱟ ᱫᱤᱞᱞᱤ
ᱢᱟᱞᱚᱛᱤ ᱢᱩᱨᱢᱩ
'ᱵᱤᱨᱢᱟ.ᱞᱤ' ᱤᱞᱮᱠᱴᱨᱤᱱᱠ ᱯᱟᱛᱷᱟᱢ (e-megazine) ᱥᱟᱱᱛᱟᱲᱤ ᱛᱮ ᱩᱪᱷᱟ.ᱱ ᱥᱚᱫᱚᱨ ᱵᱮᱣᱨᱟ ᱟᱸᱡᱚᱢ ᱠᱟᱛᱮ ᱟ.ᱰᱤ ᱨᱟ.ᱥᱠᱟ.ᱧ ᱵᱩᱡᱷᱟ.ᱣ ᱠᱮᱫ-ᱟ ᱾ ᱱᱚᱶᱟ ᱞᱟ.ᱜᱤᱫ ᱠᱩᱨᱩᱢᱩᱴᱩ ᱟᱠᱟᱫ ᱥᱟᱱᱟᱢ ᱠᱟ.ᱢᱤᱭᱟ. ᱟ.ᱰᱤ ᱟ.ᱰᱤᱧ ᱥᱟᱨᱦᱟᱣ ᱮᱫ ᱠᱚᱣᱟ ᱾
ᱰᱤᱡᱤᱴᱟᱞ ᱡᱩᱜᱽ ᱨᱮ ᱥᱟᱱᱛᱟᱲᱤ ᱯᱟ,ᱨᱥᱤ ᱥᱟᱶᱦᱮᱫ ᱫᱚ 'ᱵᱤᱨᱢᱟ.ᱞᱤ' ᱦᱚᱛᱮᱛᱮ ᱰᱤᱡᱤᱴᱟᱞᱤᱡᱽ ᱞᱟᱦᱟᱱᱛᱤ ᱦᱩᱭᱩᱜ-ᱟ ᱢᱮᱱᱛᱤᱧ ᱟᱸᱥᱚᱜ ᱠᱟᱱᱟ ᱾
ᱵᱤᱨᱢᱟ.ᱞᱤ ᱜᱷᱟᱨᱚᱸᱡ ᱥᱟ.ᱜᱩᱱ ᱛᱷᱩᱢ ᱾
ᱢᱟᱞᱚᱛᱤ ᱢᱩᱨᱢᱩ,
ᱯᱟᱨᱥᱟᱞᱮᱛ ᱟᱨ ᱥᱟᱯᱲᱮᱛ, ᱯᱷᱟ.ᱜᱩᱱ,
ᱵᱷᱩᱵᱚᱱᱮᱥᱚᱨ,
ᱢᱟ. ᱖.᱕.᱒᱐᱒᱐ ᱾
ᱰᱨᱹ ᱜᱚᱝᱜᱟᱫᱷᱚᱨ ᱦᱟᱸᱥᱫᱟ
ᱚᱠᱛᱚ ᱪᱟᱸᱠ ᱞᱮᱛᱟᱲ ᱜᱩᱰᱨᱟ.ᱣ ᱟᱠᱟ ᱢᱮᱱᱟᱜ ᱟ ᱢᱮᱱᱛᱮ ᱡᱚᱛᱚᱵᱚ ᱵᱟᱰᱟᱭᱟ᱾ᱚᱱᱟ ᱥᱟᱶᱛᱮ ᱱᱤᱛᱚᱜᱟᱜ ᱡᱟᱦᱟᱸ ᱢᱟᱨᱮᱜ ᱠᱟᱱᱟ ᱟᱨ ᱚᱱᱟ ᱴᱷᱟᱶᱨᱮ ᱱᱟᱶᱟᱱᱟᱜ ᱴᱷᱟᱶ ᱮ ᱦᱟᱛᱟᱣ ᱮᱫᱟ᱾ᱡᱟᱦᱟᱸ ᱯᱩᱛᱷᱤ ᱯᱟᱛᱷᱟᱢ ᱠᱚ ᱦᱚᱛᱮᱛᱮ ᱜᱮᱭᱟᱱᱵᱚ ᱞᱟᱥᱮᱨᱮᱫ ᱛᱟᱦᱮᱸᱫ,ᱚᱱᱟᱦᱚᱸ ᱱᱤᱛᱫᱚ ᱤ-ᱵᱩᱠ ᱤ-ᱢᱮᱜᱟᱡᱤᱱ ᱥᱮᱫ ᱮᱱ ᱜᱮᱭᱟ᱾ᱠᱚᱢᱯᱣᱩᱴᱚᱨ, ᱞᱟᱯᱴᱚᱯ, ᱢᱳᱵᱟᱭᱤᱞ ᱡᱩᱜᱽᱨᱮ ᱱᱤᱛᱚᱜᱤᱡ ᱡᱩᱣᱟ.ᱱ ᱠᱚ ᱵᱤᱥᱛᱥ ᱚᱠᱛᱚ ᱚᱱᱟᱨᱮᱜᱮᱠᱚ ᱠᱷᱮᱢᱟᱣ ᱮᱫᱟ᱾ᱚᱱᱠᱟᱨᱮ ᱟᱵᱚᱣᱟᱜ ᱯᱩᱛᱷᱤ ᱯᱟᱛᱷᱟᱢ ᱚᱱᱠᱟᱱᱟᱜ ᱵᱟᱵᱚ ᱥᱟᱯᱲᱟᱣ ᱠᱷᱟᱱ ᱟᱵᱚᱨᱤᱱ ᱟᱜᱟᱢ ᱜᱟᱬᱟ ᱠᱚᱴᱷᱮᱫ ᱡᱟ.ᱛᱤᱭᱟ.ᱨᱤ ᱥᱟᱸᱫᱮᱥ ᱵᱟᱭ ᱥᱮᱴᱮᱨ ᱫᱟᱲᱮᱭᱟᱜ ᱜᱮᱭᱟ᱾ᱯᱟᱞᱮ ᱱᱚᱶᱟᱠᱚ ᱩᱭᱦᱟ.ᱨ ᱧᱟᱢ ᱠᱟᱛᱮᱜᱮ ᱢᱟ.ᱱ ᱚᱥᱣᱤᱱᱤ ᱵᱚᱧᱡᱚᱱ ᱢᱩᱨᱢᱩ, ᱢᱟ.ᱱ ᱯᱷᱟᱜᱩ ᱵᱟᱥᱠᱮ ᱟᱨ ᱢᱟ.ᱱ ᱨᱟᱢᱡᱤᱛ ᱴᱩᱰᱩ ᱫᱟᱨᱟᱭ ᱜᱩᱨᱩ ᱢᱟᱺᱦᱤᱛ ᱠᱷᱚᱱᱠᱚ ᱚᱰᱚᱠᱮᱜ ᱟ "ᱵᱤᱨᱢᱟ.ᱞᱤ" ᱧᱩᱛᱩᱢᱛᱮ ᱢᱤᱫ ᱤ-ᱯᱟᱛᱷᱟᱢ᱾ ᱟᱠᱚᱣᱟᱜ ᱚᱱᱟ ᱠᱩᱨᱩᱢᱩᱴᱩ ᱥᱟᱨᱠᱚᱜ ᱥᱟ.ᱜᱩᱱ ᱠᱚᱜ ᱢᱟ᱾
ᱰᱨ. ᱜᱚᱝᱜᱟᱫᱷᱚᱨ ᱦᱟᱸᱥᱫᱟ (ᱜᱟᱹᱠᱩᱲ ᱚᱱᱚᱞᱤᱭᱟᱹ)
ᱥᱟᱯᱲᱮᱫ
ᱥᱟᱶᱦᱮᱫ ᱟᱲᱟᱝ
