ᱚᱱᱚᱞᱤᱭᱟᱹ ᱢᱟᱱ ᱟᱫᱤᱛᱭᱚ ᱠᱩᱢᱟᱨ ᱢᱟᱱᱰᱤ ᱫᱚ ᱯᱟᱪᱮ ᱵᱮᱸᱜᱚᱞ ᱯᱚᱱᱚᱛ ᱵᱟᱱᱠᱩᱨᱟ ᱦᱚᱱᱚᱛ ᱥᱟᱨᱮᱸᱜᱟ ᱥᱩᱨ ᱵᱩᱨᱩᱜᱷᱩᱴᱩ ᱟᱹᱛᱩᱨᱮ ᱑᱙ ᱡᱩᱞᱟᱭ ᱑᱙᱗᱔ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱱᱤᱛ ᱫᱷᱟᱹᱵᱤᱡ ᱟᱡ ᱱᱤᱡᱚᱨ-ᱟᱜ ᱡᱤᱭᱚᱱ ᱪᱩᱨᱤᱛ ᱥᱟᱶ ᱟᱹᱰᱤᱜᱟᱱ ᱚᱱᱚᱬᱦᱮ ᱚᱞ ᱟᱠᱟᱫᱟᱭ ᱾ ᱟᱡ ᱑᱙ ᱥᱟᱞ ᱩᱢᱮᱨ ᱨᱮ ᱟᱡ ᱟᱡᱟᱜ ᱯᱩᱭᱞᱩ ᱚᱱᱦᱚᱬᱮ “ᱟᱢ ᱫᱚ ᱚᱠᱚᱭ ᱠᱟᱱᱟᱢ “ ᱮ ᱚᱞ ᱞᱮᱫ-ᱟ ᱾ ᱒᱐᱑᱑ ᱥᱟᱞ ᱨᱮ ᱟᱡ ᱟᱡᱟᱜ ᱚᱱᱦᱚᱬᱮ ᱯᱚᱛᱚᱵ “ᱵᱟᱱᱪᱟᱣ ᱞᱟᱹᱲᱦᱟᱹᱭ” ᱞᱟᱹᱜᱤᱫ ᱠᱮᱱᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱟᱹᱭ ᱟᱛᱟᱝ ᱞᱮᱫ-ᱟ ᱾᱒᱐᱑᱒ ᱥᱟᱞ ᱨᱮ ᱵᱷᱟᱨᱚᱛᱤᱭᱚ ᱵᱷᱟᱥᱟ ᱯᱚᱨᱤᱥᱚᱫᱽ ᱯᱟᱥᱴᱟ ᱠᱷᱚᱱ ᱭᱩᱵᱟ ᱯᱩᱨᱚᱥᱠᱟᱨ ᱥᱤᱨᱯᱟᱹᱭ ᱟᱢᱮᱴ ᱟᱠᱟᱫᱟ ᱾ᱚᱱᱟ ᱥᱟᱶ ᱚᱱᱚᱞᱤᱭᱟᱹ ᱜᱚᱢᱠᱮ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱜᱟᱶᱛᱟ ᱠᱷᱚᱱ ᱟᱭᱟᱢ ᱢᱟᱱ ᱥᱟᱨᱦᱟᱣ ᱥᱟᱶ ᱥᱤᱨᱯᱟᱹᱭ ᱧᱟᱢ ᱟᱠᱟᱫᱟ ᱾ᱟᱡᱟᱜ ᱧᱩᱛᱩᱢᱟᱱ ᱯᱚᱛᱚᱵ ᱠᱚᱫᱚ ᱦᱭᱩᱜ ᱠᱟᱱᱟ ; ᱤᱯᱤᱞ, ᱵᱟᱱᱪᱟᱣ ᱰᱟᱦᱟᱨ , ᱥᱚᱨᱮᱥ ᱥᱤᱨᱡᱚᱱᱨᱮ ᱡᱟᱱᱟᱢ ᱟᱭᱚ, ᱟᱹᱠᱤᱞ ᱟᱦᱞᱟ, ᱢᱤᱫ ᱚᱱᱦᱚᱲᱤᱭᱟᱹ ᱡᱤᱭᱚᱱᱨᱮ, ᱢᱟᱱᱢᱤ, ᱥᱤᱯᱟᱹᱦᱤ,ᱵᱟᱱᱪᱟᱣ ᱞᱟᱹᱲᱦᱟᱹᱭ, ᱠᱷᱮᱨᱣᱟᱲ ᱥᱟᱶᱛᱟᱨᱮ ᱚᱱᱚᱞᱤᱭᱟᱹ ᱠᱚᱣᱟᱜ ᱡᱤᱭᱚᱱ ᱮᱱᱮᱢ, ᱞᱩᱜᱩᱵᱩᱨᱩ ᱜᱷᱟᱱᱴᱟᱵᱟᱹᱲᱤ, ᱥᱮᱨᱮᱧ ᱟᱠᱷᱲᱟᱨᱮ ᱠᱷᱮᱨᱣᱟᱲ ᱦᱚᱯᱚᱱ ᱮᱢᱟᱱ ᱾ᱱᱤᱛᱚᱜ ᱚᱱᱚᱞᱤᱭᱟᱹ ᱜᱚᱢᱠᱮ ᱫᱚ ᱥᱤ ᱟᱭᱤ ᱮᱥ ᱮᱯᱷ ( CISF ) ᱨᱮ ᱠᱚᱱᱮᱥᱴᱵᱚᱲ ᱢᱮᱱᱟᱭᱟ ᱾