ᱜᱩᱨᱩ ᱜᱚᱢᱠᱮ ᱟᱢ
ᱢᱚᱦᱮᱥᱣᱚᱨ ᱥᱚᱨᱮᱱ
June 5, 2021
ᱵᱟᱹᱭᱥᱟᱹᱛ ᱵᱚᱸᱜᱟ ᱠᱩᱱᱟᱹᱢᱤ ᱪᱟᱸᱫᱚᱨᱮ ᱟᱢᱜᱮᱢ ᱚᱢᱚᱱ ᱞᱮᱱᱟ, ᱰᱟᱦᱟᱨᱰᱤ ᱟᱹᱛᱩ ᱱᱚᱸᱫᱚ ᱵᱟᱹᱠᱷᱩᱞ ᱨᱮ ᱟᱢᱜᱮᱢ ᱢᱚᱦᱮᱭᱮᱱᱟ ᱾᱾ ᱪᱩᱱᱩ ᱧᱩᱛᱩᱢ ᱡᱟᱱᱟᱢ ᱛᱟᱨᱟ ᱟᱢᱜᱮᱢ ᱛᱟᱦᱮᱸᱠᱟᱱᱟ, ᱨᱟᱜ ᱟᱛᱮᱢ ᱨᱟᱹᱲ
ᱢᱚᱦᱮᱥᱣᱚᱨ ᱥᱚᱨᱮᱱ (ᱚᱱᱚᱞᱤᱭᱟᱹ)
ᱚᱱᱚᱞᱤᱭᱟᱹ ᱢᱚᱦᱮᱥᱣᱚᱨ ᱥᱚᱨᱮᱱᱟᱜ ᱡᱟᱱᱟᱢ ᱫᱤᱥᱚᱢ ᱫᱚ ᱳᱰᱤᱥᱟ ᱯᱚᱱᱚᱛ ᱢᱩᱭᱩᱨᱵᱷᱚᱸᱡᱽ ᱦᱚᱱᱚᱛ ᱩᱫᱩᱲᱟ ᱛᱷᱟᱱᱟ ᱛᱟᱹᱨᱤ ᱨᱮ ᱢᱮᱱᱟᱜ ᱡᱟᱢᱚᱰᱤᱦᱟ ᱟᱹᱛᱩ ᱾ ᱟᱡ ᱵᱚᱸᱜᱟ ᱛᱟᱞᱟ ᱟᱯᱟᱛ ᱧᱩᱛᱩᱢ ᱞᱟᱞᱢᱳᱦᱚᱱ ᱥᱚᱨᱮᱱ ᱟᱨ ᱟᱭᱚ ᱧᱩᱛᱩᱢ ᱵᱟᱞᱦᱤ ᱥᱚᱨᱮᱱ᱾ ᱱᱤᱛᱚᱜ ᱟᱡ ᱫᱚ ᱠᱚᱴᱚᱠ ᱦᱚᱱᱚᱛ ᱡᱚᱜᱚᱱᱱᱟᱛᱷᱯᱩᱨ ᱥᱚᱨᱠᱟᱨ ᱦᱟᱥᱯᱟᱛᱟᱞ ᱨᱮ ᱯᱷᱟᱨᱢᱟᱥᱤᱥᱴ ᱢᱮᱱᱟᱭᱟ ᱾ ᱜᱚᱢᱠᱮ ᱢᱚᱦᱮᱥᱣᱚᱨ ᱥᱚᱨᱮᱱ ᱥᱟᱶᱦᱮᱫ ᱞᱟᱠᱪᱟᱨ ᱥᱟᱶ ᱥᱟᱶᱛᱟ ᱟᱨ ᱫᱷᱚᱨᱢ ᱪᱮᱛᱟᱱᱨᱮ ᱟᱹᱰᱤᱜᱮ ᱨᱟᱹᱥᱠᱟᱹ ᱟᱨ ᱜᱚᱨᱚᱡ ᱢᱮᱱᱟᱜ-ᱟ ᱾ ᱱᱤᱛᱚᱜ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱳᱰᱤᱥᱟ ᱪᱟᱸᱜᱟ ᱨᱮᱱ ᱡᱚᱜ ᱥᱩᱛᱨᱮᱛ ᱢᱮᱱᱟᱭᱟ ᱾ ᱟᱡᱟᱜ ᱚᱞ ᱛᱚᱞ ᱟᱨ ᱥᱟᱶᱛᱟ ᱥᱩᱥᱟᱹᱨ ᱮᱱᱮᱢ ᱠᱷᱟᱹᱛᱤᱨ ᱟᱡ ᱟᱭᱟᱢ ᱥᱤᱨᱯᱟᱹ ᱟᱨ ᱢᱟᱱ ᱮ ᱧᱟᱢ ᱟᱠᱟᱫ-ᱟ ᱾ ᱚᱱᱟᱠᱚ ᱢᱩᱫ ᱨᱮ ᱦᱩᱭᱩᱜ ᱠᱟᱱᱟ; ᱳᱰᱤᱥᱟ ᱥᱚᱨᱠᱟᱨ ᱯᱟᱦᱟᱴᱟ ᱠᱷᱚᱱ ᱒᱐᱑᱔ ᱥᱟᱞ ᱨᱮ ᱡᱚᱱᱚᱡᱟᱛᱤ ᱯᱨᱚᱛᱤᱵᱷᱟ ᱥᱚᱱᱢᱟᱱ ᱮ ᱧᱟᱢ ᱟᱠᱟᱫ-ᱟ ᱾ ᱒᱐᱑᱙ ᱨᱮ ᱵᱷᱚᱸᱡᱲ ᱫᱤᱥᱚᱢ ᱥᱚᱨᱚᱛ ᱨᱮᱱᱟᱜ ᱥᱟᱱᱛᱟᱲᱤ ᱥᱟᱶᱦᱮᱫ ᱞᱟᱦᱟᱱᱛᱤ ᱜᱟᱶᱛᱟ ᱯᱟᱦᱟᱴᱟ ᱠᱷᱚᱱ “ᱥᱟᱶᱛᱟ ᱤᱯᱤᱞ ᱢᱟᱱ” ᱮ ᱧᱟᱢ ᱟᱠᱟᱫ-ᱟ ᱾ ᱒᱐᱑᱘ ᱥᱟᱞ ᱨᱮ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱠᱷᱚᱱ ᱜᱩᱨᱩ ᱜᱚᱢᱠᱮ ᱨᱚᱜᱷᱩᱱᱟᱛ ᱢᱩᱨᱢᱩ ᱢᱟᱱ ᱥᱤᱨᱯᱟᱹᱭ ᱧᱟᱢ ᱟᱠᱟᱫ-ᱟ ᱾
ᱥᱤᱠᱟᱹᱨᱤᱭᱟᱹ, ᱢᱚᱬᱮ ᱠᱚᱣᱟᱜ ᱫᱷᱚᱨᱢ ᱫᱚᱨᱵᱟᱨ , ᱥᱮᱪᱮᱫ ᱥᱟᱶᱛᱟᱨᱤᱱ ᱟᱱᱫᱷᱟ ᱢᱟᱹᱱᱢᱤ ᱟᱡᱟᱜ ᱪᱷᱟᱯᱟ ᱥᱚᱫᱚᱨ ᱟᱠᱟᱱ ᱛᱤᱱᱟᱹᱜ ᱜᱟᱱ ᱯᱚᱛᱚᱵ ᱧᱩᱛᱩᱢ ᱠᱟᱱᱟ ᱾ ᱚᱱᱚᱞᱤᱭᱟᱹ ᱢᱚᱦᱮᱥᱣᱚᱨ ᱥᱚᱨᱮᱱ “ᱫᱩᱞᱟᱹᱲ ᱢᱟᱭᱟ” ᱟᱨ “ᱫᱷᱚᱨᱚᱢ ᱫᱚᱨᱵᱟᱨ ” ᱧᱩᱛᱩᱢ ᱛᱮ ᱵᱟᱨᱭᱟ ᱥᱟᱱᱛᱟᱲ ᱯᱷᱤᱞᱤᱢ ᱨᱮᱱᱟᱜ ᱠᱟᱹᱦᱱᱤ ᱦᱚᱸᱭ ᱚᱞ ᱟᱠᱟᱫ-ᱟ ᱾
