ᱚᱱᱚᱞᱤᱭᱟᱹ ᱥᱟᱢ ᱦᱟᱸᱫᱟᱜ ᱦᱟᱜ ᱡᱟᱱᱟᱢ ᱫᱤᱥᱚᱢ ᱫᱚ ᱳᱰᱤᱥᱟ ᱯᱚᱱᱚᱛ ᱢᱩᱭᱩᱨᱵᱷᱚᱸᱡᱽ ᱦᱚᱱᱚᱛ ᱥᱚᱨᱜᱚᱰᱟ ᱥᱩᱨ ᱵᱟᱹᱞᱤ-ᱟᱢ ᱾ ᱟᱡ ᱟᱯᱟᱛ ᱧᱩᱛᱩᱢ ᱯᱷᱩᱨᱢᱟᱹᱞ ᱦᱟᱸᱥᱫᱟᱜ ᱟᱨ ᱟᱭᱚ ᱧᱩᱛᱩᱢ ᱯᱟᱨᱵᱚᱛᱤ ᱦᱟᱸᱥᱫᱟᱜ ᱠᱟᱱᱟ ᱾ᱯᱮ ᱥᱮᱨᱢᱟ ᱩᱢᱮᱨ ᱨᱮ ᱟᱡ ᱟᱡᱟᱜ ᱢᱮᱫ ᱨᱮᱱᱟᱜ ᱟᱨᱥᱟᱟᱞ ᱮ ᱟᱫ ᱠᱮᱫ ᱨᱮᱦᱚᱸ ᱟᱡᱟᱜ ᱜᱮᱭᱟᱱ ᱨᱮᱱᱟᱜ ᱵᱟᱹᱛᱤ ᱫᱚ ᱵᱟᱭ ᱤᱬᱤᱡ ᱟᱠᱟᱫᱟ ᱾ ᱜᱚᱢᱠᱮ ᱥᱟᱢ ᱦᱟᱸᱥᱫᱟ ᱥᱟᱶᱦᱮᱫ ᱞᱟᱠᱪᱟᱨ ᱥᱟᱶ ᱟᱹᱰᱤᱜᱟᱱ ᱜᱩᱬ ᱛᱮ ᱯᱮᱨᱮᱡ ᱟᱠᱟᱱ ᱵᱟᱰᱚᱦᱤ ᱠᱟᱱᱟᱭ᱾ᱜᱚᱢᱠᱮ ᱥᱟᱢ ᱒᱐᱐᱖ ᱨᱮ ᱮᱞ ᱮᱥ ᱵᱤ ᱮᱢ ᱠᱚᱞᱮᱡᱽ ᱠᱚᱨᱚᱱᱰᱤ ᱠᱷᱚᱱ ᱵᱤ ᱮ ᱯᱟᱥ ᱟᱠᱟᱫᱟᱭ ᱟᱨ ᱒᱐᱐᱙ ᱥᱟᱞ ᱨᱮ ᱮᱢ ᱮ ᱯᱟᱥ ᱟᱠᱟᱫᱟᱭ ᱾ᱟᱡᱟᱜ ᱚᱱᱚᱬᱦᱮ ᱯᱚᱛᱚᱵ ᱚᱱᱚᱞ ᱵᱚᱸᱜᱟ ᱥᱮᱨᱮᱧ ᱯᱩᱛᱷᱤ ᱟᱹᱰᱤᱜᱮ ᱦᱚᱲ ᱠᱚ ᱠᱩᱥᱤᱭᱟᱫ ᱛᱟᱦᱮᱸᱫ ᱾ ᱚᱞ ᱛᱚᱞ ᱥᱟᱶ ᱥᱮᱨᱮᱧ ᱟᱨ ᱨᱩ ᱚᱨᱚᱝ ᱨᱤᱱᱤᱡ ᱨᱩᱥᱤᱠᱟ ᱠᱟᱱᱟᱭ ᱾ ᱟᱡᱟᱜ ᱥᱮᱨᱮᱧ ᱟᱠᱟᱥᱵᱟᱬᱤ ᱡᱟᱢᱥᱮᱫᱽᱯᱩᱨ ᱟᱨ ᱟᱠᱟᱥᱵᱟᱬᱤ ᱵᱟᱨᱤᱯᱚᱫᱟ ᱠᱷᱚᱱ ᱨᱤᱞᱮ ᱟᱠᱟᱱᱟ ᱾ᱦᱮᱢᱟᱞ ᱵᱩᱨᱩᱜ ᱦᱚᱸ ᱫᱮᱡ ᱟᱬᱜᱚ ᱟᱠᱟᱱᱟᱭ ᱾ ᱡᱷᱟᱹᱞ ᱫᱚᱱ , ᱩᱥᱩᱞ ᱫᱚᱱ, ᱯᱟᱭᱨᱟᱜ ᱞᱮᱠᱟᱱ ᱠᱷᱮᱞᱚᱸᱰ ᱨᱮ ᱟᱡ ᱯᱟᱨᱩᱠᱷᱤᱭᱟᱹ ᱢᱮᱱᱟᱭᱟ ᱾ ᱡᱷᱟᱨᱠᱟᱸᱰ ᱨᱮᱱᱟᱜ ᱠᱨᱤᱠᱮᱴ ᱫᱚᱲ ᱨᱮᱦᱚᱸ ᱟᱡ ᱠᱷᱮᱞᱚᱸᱰᱤᱭᱟᱹᱭ ᱛᱟᱦᱮᱸ ᱭᱟ ᱾ ᱱᱤᱛᱚᱜ ᱚᱱᱚᱞᱤᱭᱟᱹ ᱜᱚᱢᱠᱮ ᱱᱤᱛᱚᱜ ᱵᱤᱡᱚᱛᱚᱲᱟ ᱵᱞᱚᱠ ᱨᱮᱱᱟᱜ ᱥᱚᱨᱜᱚᱰᱟ ᱯᱩᱨᱚᱥᱠᱟᱨ ᱢᱚᱰᱮᱞ ᱥᱠᱩᱞ ᱨᱤᱱᱤᱡ ᱢᱟᱪᱮᱛ ᱞᱮᱠᱟᱛᱮ ᱵᱟᱦᱟᱞ ᱟᱠᱟᱱᱟᱭ ᱾