ᱚᱱᱚᱞᱤᱭᱟ. ᱢᱟᱹᱱᱤᱡ ᱥᱟᱨᱳ ᱦᱟᱸᱥᱫᱟᱜ ᱡᱟᱱᱟᱢ ᱡᱷᱟᱨᱠᱟᱸᱰ ᱯᱚᱱᱚᱛ ᱨᱮᱱᱟᱜ ᱵᱳᱠᱟᱨᱳ ᱥᱴᱤᱞ ᱥᱤᱴᱤ ᱦᱚᱱᱚᱛ ᱨᱮᱱᱟᱜ ᱢᱚᱨᱚᱯᱷᱟᱨᱤ ᱛᱷᱟᱱᱟ ᱨᱮᱱᱟᱜ ᱵᱟᱦᱟᱜᱟᱲ ᱵᱟᱸᱥᱜᱚᱰᱟ ᱟᱹᱛᱩ ᱨᱮ ᱦᱩᱭ ᱞᱮᱱᱟ ᱾ ᱟᱯᱟᱛ ᱧᱩᱛᱩᱢ ᱯᱤᱛᱷᱚ ᱦᱟᱸᱥᱫᱟᱜ ᱟᱨ ᱟᱭᱚ ᱧᱩᱛᱩᱢ ᱥᱤᱢᱟᱨᱤ ᱦᱟᱸᱥᱫᱟᱜ ᱾ᱱᱤᱛᱚᱜ ᱟᱡ ᱜᱩᱨᱩ ᱜᱳᱢᱠᱮ ᱯᱚᱱᱰᱮᱛ ᱨᱚᱜᱷᱩᱱᱟᱛ ᱢᱩᱨᱢᱩ ᱮᱠᱟᱰᱮᱢᱤ ᱟᱨ ᱴᱨᱟᱭᱵᱟᱞ ᱠᱚᱞᱪᱚᱨᱟᱞ ᱥᱳᱥᱟᱭᱤᱴᱤ ᱡᱟᱢᱥᱮᱫᱽᱯᱩᱨ ᱨᱤᱱᱤᱡ ᱠᱳᱰᱤᱱᱮᱴᱚᱨ ᱞᱮᱠᱟᱛᱮ ᱠᱤᱱ ᱠᱟᱹᱢᱤ ᱠᱟᱱᱟᱭ ᱾ ᱟᱡᱟᱜ ᱟᱹᱰᱤᱜᱟᱱ ᱠᱟᱹᱦᱱᱤ ᱟᱨ ᱚᱱᱦᱚᱬᱮ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱯᱷᱟᱛᱟᱢ ᱨᱮ ᱯᱟᱨᱥᱟᱞ ᱟᱠᱟᱱᱟ ᱾ ᱟᱡ ᱥᱚᱨᱚᱛ ᱪᱚᱱᱫᱽᱨᱚ ᱪᱟᱴᱳᱯᱟᱫᱷᱭᱟᱭ-ᱟ ᱩᱯᱚᱱᱭᱟᱥ ᱫᱮᱵᱫᱟᱥ ᱟᱨ ᱥᱤ ᱟᱨ ᱢᱟᱡᱷᱤ ᱭᱟᱜ ᱯᱚᱛᱚᱵ “ᱡᱷᱟᱟᱨᱠᱚᱸᱰ ᱠᱤ ᱥᱟᱱᱛᱟᱲ ᱛᱮ ᱢᱤᱴᱤ”- “ᱡᱷᱟᱨᱠᱳᱸᱰ ᱨᱮᱱᱟᱜ ᱦᱟᱥᱟ ᱫᱷᱩᱲᱤ” ᱛᱚᱨᱡᱚᱢᱟ ᱟᱠᱟᱫᱟᱭ ᱾ ᱒᱐᱑᱔ ᱥᱟᱞᱨᱮ ᱟᱡᱟ ᱛᱚᱨᱡᱚᱢᱟ ᱩᱯᱚᱱᱭᱟᱥ “ᱫᱮᱵᱫᱟᱥ” ᱞᱟᱹᱜᱤᱫ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱱᱟᱣᱟᱫᱤᱞᱞᱤ ᱯᱟᱦᱟᱴᱟ ᱠᱷᱚᱱ ᱢᱟᱱ-ᱥᱟᱨᱦᱟᱣ ᱮ ᱧᱟᱢ ᱟᱠᱟᱫᱟ ᱾ ᱚᱱᱟ ᱥᱟᱶ ᱟᱡ ᱠᱷᱚᱵᱚᱨ ᱠᱟᱜᱚᱡᱽ, ᱵᱷᱟᱨᱚᱛ ᱡᱟᱠᱟᱛ ᱚᱱᱚᱞᱤᱭᱟᱹ ᱜᱟᱶᱛᱟ-ᱡᱷᱟᱲᱜᱨᱟᱢ, ᱵᱷᱟᱨᱚᱛ ᱡᱟᱠᱟᱛ ᱚᱱᱚᱞᱤᱭᱟᱹ ᱜᱟᱶᱛᱟ-ᱥᱟᱢᱟᱝ ᱥᱤᱝᱵᱷᱩᱢ, ᱨᱟᱥᱠᱟ,ᱴᱟᱴᱟ ᱥᱴᱤᱞ ᱡᱟᱢᱥᱮᱫᱯᱩᱨ ᱮᱢᱟᱱ ᱠᱷᱚᱱ ᱢᱟᱱ ᱥᱟᱨᱦᱟᱣ ᱮ ᱧᱟᱢ ᱟᱠᱟᱫᱟ ᱾ ᱥᱟᱶᱦᱮᱫᱽ ᱞᱟᱦᱟᱱᱛᱤ ᱞᱮᱠᱟᱛᱮ ᱟᱡ “ᱱᱟᱣᱟ ᱛᱟᱨᱟᱥ” , “ᱥᱟᱹᱜᱩᱱ ᱵᱮᱣᱟᱨᱟ” “ᱥᱟᱸᱜᱷᱟᱨᱤᱭᱟᱹ” ᱮᱢᱟᱱ ᱯᱷᱟᱛᱟᱢ ᱨᱤᱱᱤᱡ ᱡᱚᱜ ᱥᱟᱯᱲᱮᱫ ᱠᱟᱱᱟᱭ ᱥᱟᱶᱛᱮ ᱫᱤᱥᱚᱢ ᱡᱟᱦᱮᱨ ᱠᱚᱨᱱᱰᱤ ᱟᱨ ᱵᱷᱟᱨᱚᱛ ᱡᱟᱠᱟᱛ ᱚᱱᱚᱞᱤᱭᱟᱹ ᱜᱟᱶᱛᱟ-ᱡᱷᱟᱲᱜᱨᱟᱢ, ᱵᱷᱟᱨᱚᱛ ᱡᱟᱠᱟᱛ ᱚᱱᱚᱞᱤᱭᱟᱹ ᱜᱟᱶᱛᱟ- ᱥᱟᱢᱟᱝ ᱥᱤᱝᱵᱷᱩᱢ ᱨᱤᱱᱤᱡ ᱡᱤᱭᱚᱱᱵᱷᱩᱨ ᱥᱚᱦᱮᱫᱤᱭᱟᱹ ᱠᱟᱱᱟᱭ ᱾