ᱵᱷᱟᱵᱽᱱᱟ :-
-ᱦᱤᱨᱮᱱᱫᱽᱨᱚ ᱢᱟᱱᱰᱤ
ᱱᱟᱯᱟᱭ ᱛᱮᱜᱮ ᱛᱟᱸᱦᱮᱱ ᱵᱤᱱ
ᱤᱧ ᱫᱩᱧ ᱠᱟᱢᱤᱭᱮᱫᱟ᱾
ᱟᱵᱤᱱᱟᱜ ᱱᱟᱯᱟᱭ ᱜᱮᱛᱚ
ᱤᱧᱤᱧ ᱠᱷᱚᱡᱽ ᱟᱠᱟᱫᱟ᱾᱾
ᱤᱧ ᱵᱟᱰᱟᱭᱟᱹᱧ ᱟᱢᱫᱚ
ᱢᱮᱱᱟᱢᱟ ᱟᱰᱤ ᱵᱷᱟᱵᱽᱱᱟ ᱨᱮ᱾
ᱫᱩᱠᱷ ᱫᱚ ᱤᱧ ᱦᱩᱧ ᱵᱩᱡᱷᱟᱹᱣ ᱜᱮᱭᱟ
ᱯᱷᱳᱱ ᱵᱟᱝ ᱜᱟᱱᱚᱜ ᱟ ᱵᱟᱨᱮ ᱵᱟᱨᱮ᱾᱾
ᱵᱮᱴᱤ ᱧᱮᱞᱮᱢᱮ ᱵᱷᱟᱜᱤ ᱞᱮᱠᱟ
ᱪᱮᱛ ᱠᱚᱭ ᱪᱤᱠᱟᱹᱭ-ᱮᱫᱟ᱾
“ᱵᱟᱵᱟᱻ ᱵᱟᱵᱟ” ᱵᱮᱴᱤᱭᱟᱜ ᱦᱚᱦᱚ
ᱤᱧ ᱫᱩᱧ ᱫᱤᱥᱟᱹᱭᱮᱫ-ᱟ᱾᱾
ᱱᱚᱣᱟ ᱚᱠᱛᱚ ᱨᱮ ᱤᱧ
ᱟᱵᱤᱱ ᱠᱷᱚᱱ ᱟᱰᱤ ᱥᱟᱸᱜᱤᱧ ᱨᱮ᱾
ᱠᱤᱨᱭᱟᱹᱧ ᱦᱟᱛᱟᱣ ᱟᱠᱟᱫᱟᱜᱳ
ᱫᱤᱥᱚᱢ ᱵᱟᱧᱪᱟᱣ ᱠᱟᱹᱢᱤ ᱨᱮ᱾᱾
ᱟᱢᱟᱜ ᱚᱱᱟ ᱦᱚᱦᱚ ᱟᱲᱟᱝ
ᱟᱡᱚᱢᱚᱜ ᱠᱟᱱᱟ ᱯᱷᱳᱱᱛᱮ᱾
ᱵᱮᱴᱤᱭᱟᱜ ᱫᱚ ᱢᱤᱨᱩ ᱟᱲᱟᱝ
“ᱵᱟᱵᱟ ᱢᱮᱱᱟᱢᱟ ᱚᱠᱟᱞᱮ?”
ᱮ, ᱜᱳ ᱟᱡᱚᱢ ᱢᱮ
ᱮᱠᱫᱚᱢ ᱱᱟᱯᱟᱭ ᱛᱮ ᱛᱟᱸᱦᱮᱱ ᱵᱤᱱ᱾
ᱟᱵᱤᱱᱟᱜ ᱠᱟᱛᱷᱟ ᱫᱤᱥᱟᱹᱛᱮ
ᱡᱟᱲᱤᱭᱮᱫᱟᱭ ᱢᱮᱫ ᱠᱤᱱ᱾᱾
ᱪᱟᱞᱟᱜ ᱨᱮᱸᱦᱩᱧ ᱢᱤᱫ ᱜᱷᱟᱲᱤᱡ
ᱧᱟᱯᱟᱢ ᱚᱲᱟᱜ ᱛᱮ᱾
ᱜᱟᱱᱟᱰᱤ ᱠᱷᱚᱱ ᱵᱟᱦᱮᱨ ᱫᱷᱟᱨᱮ
ᱢᱮᱫ ᱫᱟᱜ ᱥᱟᱨᱥᱟᱜ ᱨᱚᱲ ᱨᱚᱲᱛᱮ᱾᱾
ᱵᱮᱴᱤ ᱛᱤᱧᱮ ᱫᱟᱹᱲ ᱟᱜᱩᱭᱟ
ᱵᱟᱵᱟ ᱵᱟᱵᱟ ᱦᱚᱦᱚ ᱠᱟᱛᱮᱜ᱾
ᱟᱫᱚᱨ ᱥᱟᱱᱟᱧᱟ ᱥᱳᱱᱟ ᱵᱮᱴᱤ
ᱠᱳᱞᱮᱨᱮ ᱦᱚᱵᱚᱨ ᱠᱟᱛᱮᱜ᱾᱾
ᱵᱟᱹᱧ ᱫᱟᱲᱮᱭᱟᱭ ᱦᱮᱢ-ᱦᱚᱵᱚᱨ
ᱨᱟᱜᱟᱭ ᱡᱳᱨ ᱡᱳᱨ ᱛᱮ᱾
ᱟᱢᱟᱜ ᱦᱚᱸ ᱡᱳᱨ ᱢᱚᱱᱮᱭ ᱨᱟᱜᱽ
ᱤᱧᱟᱜ ᱛᱟᱸᱦᱮᱱ ᱵᱷᱟᱵᱽᱱᱟ ᱛᱮ᱾᱾
