ᱡᱟᱱᱟᱢ ᱚᱲᱟᱜ ᱨᱮᱢ ᱪᱷᱟᱹᱴᱭᱟᱹᱨᱚᱜ
ᱮᱴᱟᱜ ᱫᱷᱚᱱ ᱟᱢ ᱫᱚ
ᱡᱟᱶᱟᱭ ᱚᱲᱟᱜ ᱨᱮᱢ ᱪᱷᱟᱹᱴᱭᱟᱹᱨᱚᱜ
ᱮᱴᱟᱜ ᱦᱚᱯᱚᱱ ᱮᱨᱟ ᱟᱢ ᱫᱚ ᱾

ᱥᱟᱶᱛᱟ ᱞᱟᱠᱪᱟᱨ ᱵᱟᱧᱪᱟᱣ ᱧᱩᱛᱩᱢ ᱛᱮ
ᱮᱱᱮᱡ ᱟᱠᱷᱲᱟ ᱠᱚ ᱵᱷᱮᱡᱟ ᱢᱮ
ᱚᱞ ᱯᱟᱲᱦᱟᱣ ᱠᱷᱚᱱ ᱠᱚ ᱥᱟᱦᱟ ᱢᱮ
ᱛᱟᱭᱚᱢ ᱫᱟᱨᱟᱢ ᱥᱟᱶᱛᱟ ᱟᱢ ᱫᱚ
ᱢᱩᱨᱩᱠ ᱮ ᱪᱷᱟᱹᱴᱭᱟᱹᱨ ᱢᱮ ᱾

ᱜᱤᱫᱽᱨᱟᱹ ᱵᱟᱝ ᱠᱚ ᱚᱢᱚᱱᱚᱜ ᱨᱮ
ᱟᱢᱟᱜ ᱜᱮ ᱫᱚᱥ ᱠᱚ ᱧᱮᱞ
ᱥᱟᱹᱜᱩᱱ ᱠᱟᱹᱢᱤ ᱨᱮᱢ ᱚᱥᱟᱹᱜᱩᱱᱚᱜ
ᱟᱴᱠᱩᱲᱟᱹ ᱠᱚ ᱪᱷᱟᱹᱴᱭᱟᱹᱨ ᱢᱮ ᱾

ᱵᱟᱝ ᱠᱚ ᱥᱩᱨ ᱚᱪᱚᱣᱟᱢ ᱵᱤᱪᱟᱹᱨ ᱟᱪᱟᱨ
ᱢᱤᱪᱷᱤᱞ ᱢᱤᱫᱩᱱ ᱨᱮ
ᱟᱢ ᱫᱚ ᱠᱩᱲᱤ ᱞᱮᱞᱦᱟ ᱩᱲᱤ
ᱦᱚᱦᱟᱜ ᱠᱚ ᱪᱷᱟᱹᱴᱭᱟᱹᱨ ᱢᱮ ᱾

ᱱᱚᱶᱟ ᱫᱚ ᱚᱠᱟ ᱞᱮᱠᱟᱱ ᱨᱟᱭᱨᱤᱛ
ᱥᱟᱶᱛᱟ ᱟᱹᱨᱤ ᱨᱤᱛ ᱵᱤᱦᱤᱛ
ᱜᱚᱰᱟ ᱰᱟᱹᱦᱤ ᱨᱮ ᱮᱱᱮᱡ ᱚᱪᱚ ᱠᱟᱛᱮ
ᱱᱟᱹᱪᱱᱤ ᱠᱚ ᱪᱷᱟᱹᱴᱭᱟᱹᱨ ᱢᱮ ᱾

ᱦᱚᱲᱟᱜ ᱠᱟᱛᱷᱟ ᱟᱸᱡᱚᱢ ᱱᱟᱯᱟᱭ ᱜᱮ
ᱟᱹᱭᱩᱨ ᱯᱟᱸᱡᱟ ᱡᱚᱝ ᱦᱚᱸ ᱵᱩᱜᱤ ᱜᱮ
ᱵᱩᱜᱤ ᱵᱟᱹᱲᱤᱡ ᱡᱚᱠᱷᱟ ᱡᱚᱝ ᱦᱚᱸ
ᱟᱢ ᱞᱟᱹᱜᱤᱫ ᱫᱚ ᱟᱹᱰᱤ ᱥᱟᱹᱨᱤ ᱜᱮ ᱾

ᱟᱢ ᱫᱚᱢ ᱟᱭᱳ ᱠᱟᱱᱟ
ᱥᱮᱪᱮᱫ ᱵᱮᱜᱚᱨ ᱦᱚᱨᱮᱢ ᱠᱮᱪᱮᱫ ᱟᱱᱟ
ᱥᱟᱱᱟᱢ ᱯᱟᱲᱟᱢ ᱮᱱᱟ ᱢᱟᱱᱟ
ᱤᱠᱷᱟᱹᱱ ᱴᱷᱤᱠᱟᱹᱭ ᱢᱮ ᱟᱢ ᱫᱚ ᱡᱚᱛᱚᱢ ᱜᱟᱱᱟ ᱾
᱾

ᱪᱷᱟᱹᱴᱭᱟᱹᱨᱚᱜ ᱢᱮ ᱜᱩᱱ ᱛᱮ ᱥᱟᱨᱮᱲ
ᱟᱢ ᱠᱚ ᱞᱤᱪᱟᱹᱲ ᱢᱮ ᱟᱞᱚᱢ ᱮᱨᱮᱲ
ᱥᱟᱶᱛᱮ ᱵᱷᱤᱛ ᱯᱤᱸᱰᱟᱹ ᱯᱚᱛᱟᱣ ᱡᱮᱨᱮᱲ
ᱪᱷᱟᱹᱴᱭᱟᱹᱨᱚᱜ ᱢᱮ ᱥᱟᱱᱟᱢ ᱛᱮ ᱥᱟᱨᱮᱲ ᱾
***