ᱵᱚ ᱟᱵᱚ ᱜᱮ
ᱵᱟᱵᱚ ᱜᱟᱯᱟᱱᱚᱜ
ᱦᱤᱨᱤᱡ ᱯᱟᱥᱤᱨ ᱢᱚᱱᱮ
ᱪᱤᱠᱟ ᱛᱮᱫᱚᱢ ᱡᱩᱢᱤᱫᱚᱜ….!!
ᱟᱯᱟᱱ ᱟᱯᱤᱱ ᱩᱭᱦᱟᱹᱭ
ᱢᱟᱱᱟᱣ ᱵᱟᱛᱟᱣ ᱵᱟᱱᱩᱜ
ᱦᱤᱥᱟ ᱛᱮ ᱫᱤᱱᱢᱟ ᱪᱟᱞᱟᱜ
ᱪᱤᱠᱟ ᱛᱮᱫᱚᱢ ᱡᱩᱢᱤᱫᱚᱜ….!!
ᱵᱩᱜᱤ ᱵᱟᱹᱲᱤᱡ ᱵᱤᱪᱟ.ᱨ
ᱚᱠᱚᱭ ᱴᱷᱮᱱ ᱦᱚᱸ ᱵᱟᱱᱩᱜ
ᱨᱮᱨᱟᱲ ᱢᱚᱱᱮ ᱥᱟᱨᱟᱜᱮ
ᱪᱤᱠᱟ ᱛᱮᱫᱚᱢ ᱡᱩᱢᱤᱫᱚᱜ….!!
ᱡᱟᱛᱨᱟ ᱯᱟᱛᱟᱢ ᱫᱟᱲᱟᱱ
ᱦᱟᱺᱰᱤ ᱨᱮᱜᱮᱢ ᱪᱟᱯᱚᱜ
ᱱᱤᱥᱟ ᱟᱛᱮᱢ ᱦᱤᱥᱟᱜ ᱟᱢ
ᱪᱤᱠᱟ ᱛᱮᱫᱚᱢ ᱡᱩᱢᱤᱫᱚᱜ….!!
ᱥᱟᱜᱟᱹᱭ ᱨᱮ ᱧᱚᱞᱷᱟᱫ ᱮᱱ
ᱜᱚᱲᱚ ᱜᱚᱯᱚᱲᱚ ᱵᱟᱱᱩᱜ
ᱮᱛᱠᱟ ᱥᱤᱠᱤᱲ ᱜᱮ ᱢᱮᱱᱟᱜ
ᱪᱤᱠᱟ ᱛᱮᱫᱚᱢ ᱡᱩᱢᱤᱫᱚᱜ….!!
ᱥᱩᱞᱩᱠ ᱵᱟᱱᱩᱜ ᱥᱚᱸᱥᱟᱨ ᱨᱮ
ᱢᱩᱞᱩᱠ ᱪᱤᱠᱟᱛᱮ ᱧᱮᱞᱚᱜ
ᱦᱚᱲ ᱠᱟᱴᱟ ᱜᱮᱢ ᱚᱻᱚᱨ
ᱪᱤᱠᱟ ᱛᱮᱫᱚᱢ ᱡᱩᱢᱤᱫᱚᱜ….!!
ᱥᱤᱠᱱᱟᱹᱛ ᱛᱮᱫᱚ ᱢᱟᱬᱟᱝ ᱨᱮ
ᱥᱮᱪᱮᱫ ᱥᱤᱠᱷᱟᱣ ᱵᱟᱱᱩᱜ
ᱟᱠᱤᱞᱤᱭᱟ ᱠᱚᱫᱚ ᱨᱟᱢᱟᱵᱷᱤᱱᱟ
ᱪᱤᱠᱟ ᱛᱮᱫᱚᱢ ᱡᱩᱢᱤᱫᱚᱜ….!!
ᱡᱷᱚᱛᱚ ᱜᱮ ᱟᱭᱩᱨᱤᱭᱟ ᱠᱟᱱ
ᱜᱟᱹᱭᱩᱨ ᱠᱚᱫᱚ ᱠᱚ ᱞᱟᱢᱟᱴᱚᱜ
ᱦᱚᱠ ᱨᱮᱫᱚ ᱯᱩᱪᱩᱡ ᱟᱠᱟ
ᱪᱤᱠᱟ ᱛᱮᱫᱚᱢ ᱡᱩᱢᱤᱫᱚᱜ….!!
ᱥᱩᱥᱟᱹᱨᱤᱭᱟ ᱠᱚ ᱛᱷᱟᱨᱮᱼᱛᱷᱟᱨ
ᱠᱟᱛᱷᱟ ᱠᱟᱛᱷᱟ ᱛᱮ ᱥᱟᱸᱜᱷᱟᱜ
ᱛᱩᱞᱟᱭᱮᱛᱮ ᱵᱟᱨᱟᱵᱟᱹᱨᱤ
ᱪᱤᱠᱟ ᱛᱮᱫᱚᱢ ᱡᱩᱢᱤᱫᱚᱜ….!!
ᱢᱟᱺᱡᱷᱤ ᱢᱟᱯᱟᱸᱡᱤ ᱯᱟᱨᱜᱟᱱᱟ
ᱠᱟᱰᱟ ᱵᱷᱮᱰᱟ ᱞᱮᱠᱟ ᱚᱯᱚᱴᱚᱜ
ᱛᱤᱱ ᱨᱮᱦᱚᱸ ᱠᱟᱛᱷᱟ ᱵᱟᱭ ᱯᱟᱴᱟᱜ
ᱪᱤᱠᱟ ᱛᱮᱫᱚᱢ ᱡᱩᱢᱤᱫᱚᱜ….!!
ᱱᱚᱸᱠᱟ ᱟᱫᱚ ᱛᱤᱱᱟᱝ ᱫᱤᱱ
ᱟᱵᱟ ᱟᱵᱚ ᱨᱮ ᱞᱟᱹᱰᱷᱟᱹᱭ ᱛᱩᱯᱩᱫ
ᱥᱟᱶᱛᱟ ᱵᱟᱹᱫ ᱨᱮ ᱫᱩᱞᱟᱹᱲ ᱤᱛᱟ
ᱮᱨ ᱟᱛᱮ ᱫᱮᱵᱚ ᱡᱩᱢᱤᱫ ᱦᱟᱹᱡᱩᱜ ᱿
