ᱧᱩᱛ ᱧᱤᱫᱟ. ᱠᱷᱟᱲᱟᱝ ᱠᱷᱩᱪᱟ.ᱝ ᱢᱚᱦᱰᱟ ᱟᱠᱟᱱᱟ.ᱧ

ᱟ.ᱛᱩ ᱴᱞᱟ ᱠᱚᱨᱮ  ᱵᱟᱝ ᱢᱟ, ᱰᱟ.ᱱ ᱫᱚ ᱤᱧ ᱜᱮ ᱠᱟᱱᱟ.ᱧ᱾
ᱚᱠᱟ.ᱧ ᱥᱮᱱᱚᱜ ᱪᱮᱫ ᱤᱧ ᱪᱮᱠᱟᱭ ᱱᱤᱛ ᱫᱚ?
ᱞᱤᱭ ᱟ.ᱧ ᱢᱮ ᱥᱮᱨᱢᱟ ᱪᱚᱴ ᱪᱟᱸᱫᱚ᱾
ᱚᱡᱷᱟ ᱥᱚᱠᱷᱟ, ᱡᱟᱱ ᱜᱩᱨᱩ ᱨᱮᱫᱽ ᱥᱟᱠᱟᱢ ᱨᱮ,
ᱤᱧ ᱠᱚ ᱴᱷᱟ.ᱣᱠᱟ. ᱠᱤᱫᱤᱧ ᱰᱟ.ᱱ- ᱥᱩᱱᱩᱢ ᱪᱤᱛᱟ.ᱨ ᱨᱮ᱾
ᱨᱩᱣᱟ. ᱦᱟ.ᱥᱩ ᱨᱚᱜ ᱟᱡᱟᱨ….
ᱜᱩᱡᱩᱜ ᱠᱟᱱ ᱠᱚ – ᱥᱤᱢ, ᱥᱩᱠᱨᱤ, ᱰᱟ.ᱝᱨᱤ ᱠᱟᱰᱟ ᱤᱧ ᱠᱷᱟ.ᱛᱤᱨ᱾
ᱟᱸᱡᱚᱢ ᱜᱮᱭᱟ.ᱧ ᱥᱩᱦᱮᱫ ᱮᱜᱮᱨ ᱠᱚᱫᱚ
ᱫᱟᱜ ᱞᱩ ᱜᱷᱟᱴ, ᱛᱩᱯᱩᱱ ᱜᱷᱟᱴ ᱠᱚᱨᱮ…
ᱦᱮᱨᱮᱞ, ᱜᱤᱫᱽᱨᱟ.ᱡᱚᱢ ᱠᱟᱛᱮ ᱦᱚᱸ….
ᱵᱟᱝ ᱵᱷᱟᱛᱟᱣ ᱞᱮᱱ ᱛᱟᱭ  ᱞᱟᱡ ᱛᱟᱭ ᱮᱱᱦᱚᱸ ᱾
ᱱᱤᱨᱢᱟᱭᱟ ᱩᱱᱟᱜ ᱨᱟᱯᱟᱜᱮᱫᱚ….!!
ᱪᱷᱩᱴᱟ.ᱣ ᱢᱮᱱᱟᱭ ᱱᱤᱛ ᱟᱨ ᱦᱚᱸ….?
ᱞᱩᱴᱤ,ᱢᱚᱪᱟ ᱞᱮᱢᱮᱨ ᱞᱮᱢᱮᱨ
ᱪᱟᱵᱟ ᱵᱚᱱᱟᱭ ᱞᱟᱜᱟᱭᱮᱯᱮ
ᱵᱷᱤᱴᱟ.  ᱢᱟ.ᱴᱤ ᱪᱟᱰᱟᱭᱮᱯᱮ᱾
ᱵᱟᱝ ᱠᱷᱟᱱ ᱫᱚ ᱡᱤᱭᱤᱫ ᱛᱮᱜᱮ ᱥᱮᱸᱜᱮᱞ ᱟᱭ ᱯᱮ
ᱟᱛᱟᱨ ᱛᱚᱨᱚᱡ ᱮᱯᱮ……
ᱫᱚᱨᱵᱟᱨ ᱵᱤᱪᱟ.ᱨ ᱛᱟᱞᱟ ᱠᱩᱞᱦᱤ ᱨᱮ,
ᱟ.ᱛᱩ ᱴᱚᱞᱟ ᱢᱚᱲᱮ ᱦᱚᱲ ᱥᱟᱶᱨᱮ᱾
ᱱᱟᱨᱚᱡ, ᱱᱮᱦᱚᱨ ᱞᱮᱱᱟ.ᱧ ᱢᱚᱲᱮ ᱦᱚᱲ ᱴᱷᱮᱱ
ᱡᱚᱲ ᱛᱤ ᱠᱟᱛᱮ ᱤᱠᱟ.ᱧ ᱠᱷᱚᱡ ᱞᱮᱫᱟ
ᱢᱟ.ᱡᱷᱤ ᱵᱟᱵᱟ ᱴᱷᱮᱱ᱾
ᱰᱟ.ᱱ ᱫᱚ ᱵᱟᱵᱟ ᱵᱟ.ᱧ ᱵᱟᱰᱟᱭ ᱜᱮᱭᱟ
ᱚᱠᱟ ᱞᱮᱠᱟ ᱰᱟ.ᱱ ᱫᱚ…..!!
ᱡᱷᱟ.ᱨᱱᱤ ᱢᱟᱱᱛᱟᱨ ᱨᱩᱢᱩᱜ ᱪᱮᱫ ᱜᱮ ᱵᱟ.ᱧ ᱵᱟᱰᱟᱭ᱾
ᱨᱮᱫᱽ ᱥᱟᱠᱟᱢ ᱥᱩᱱᱩᱢ ᱛᱮᱜᱮ —
ᱴᱷᱟ.ᱣ ᱠᱟ.  ᱠᱤᱫᱤᱧ ᱟᱯᱮ ᱵᱟ.ᱱ ᱫᱚ !
ᱥᱮᱱᱚᱜ ᱠᱟᱱᱟ.ᱧ ᱨᱩᱣᱟ.ᱲᱟ ᱟᱫᱚ
ᱛᱤᱥ ᱦᱚ ᱵᱟᱝ ᱜᱮᱧ ᱨᱩᱣᱟ.ᱲ ᱱᱚᱣᱟ ᱟ.ᱛᱩ ᱛᱮᱫᱚ!
ᱛᱟᱦᱮᱱ ᱯᱮ ᱡᱚᱛᱚ ᱱᱟᱯᱟᱭ ᱛᱮᱜᱮ
ᱟ.ᱛᱩ ᱴᱚᱞ ᱟᱯᱚᱥ ᱡᱚᱛᱚ ᱠᱚᱜᱮ᱾
ᱵᱟ.ᱜᱤᱭᱟ.ᱫᱟᱧ ᱚᱛ ᱦᱟᱥᱟ ᱚᱲᱟᱜ ᱫᱩᱣᱟᱨ ᱡᱚᱛᱚ᱾
ᱤᱫᱤᱭᱮᱫ ᱛᱤᱧᱟ.ᱧ  ᱵᱟ.ᱱ ᱵᱤᱨᱫᱟ. ᱡᱷᱟᱨ.ᱱᱤ ᱢᱟᱱᱛᱟᱨ ᱡᱚᱛᱚ᱾