ᱮᱢᱟᱫ ᱫᱤᱧᱟᱢ ᱦᱟᱨᱢᱟᱞᱟ
ᱟᱹᱰᱤ ᱫᱩᱞᱟᱹᱲ ᱛᱮ
ᱤᱧᱮᱢ ᱥᱤᱵᱤᱞ ᱟᱫᱤᱧ
ᱟᱹᱰᱤ ᱜᱚᱨᱚᱡᱽ ᱛᱮ ᱾

ᱠᱩᱠᱢᱩ ᱞᱮᱜ ᱟᱢ ᱯᱟᱞᱮ
ᱤᱧ ᱥᱟᱶ ᱟᱲᱟᱜ ᱫᱩᱣᱟᱹᱨ ᱞᱟᱹᱜᱤᱱ
ᱵᱟᱯᱞᱟ ᱧᱟᱯᱟᱢ ᱠᱟᱛᱮ
ᱥᱩᱞᱩᱠ ᱥᱚᱝᱥᱟᱨ ᱵᱮᱱᱟᱣ ᱢᱮᱱᱛᱮ ᱾

ᱤᱠᱷᱟᱹᱱ ᱯᱮᱲᱟ ᱫᱟᱫᱟ
ᱟᱢᱫᱚ ᱫᱤᱠᱩ ᱯᱮᱲᱟ
ᱟᱢᱟᱜ ᱱᱚᱡᱚᱨ ᱫᱚ ᱯᱟᱞᱮ
ᱤᱧᱟᱜ ᱨᱩᱯ ᱢᱚᱦᱚᱨ ᱨᱮᱜᱮ ᱾

ᱚᱦᱚᱧ ᱯᱩᱨᱟᱹᱣ ᱠᱮᱢᱟ ᱟᱢᱟᱜ
ᱢᱚᱱᱮᱨ ᱠᱩᱠᱢᱩ
ᱵᱟᱝᱜᱮᱧ ᱵᱮᱱᱟᱣ ᱠᱮᱭᱟ
ᱟᱢ ᱥᱟᱶ ᱚᱲᱟᱜ ᱫᱩᱣᱟᱹᱨ ᱾

ᱤᱧᱟᱜ ᱫᱩᱞᱟᱹᱲ ᱫᱚ ᱫᱟᱫᱟ
ᱤᱧᱟᱜ ᱫᱷᱚᱨᱚᱢ ᱨᱮ ᱢᱮᱱᱟᱜ
ᱤᱧᱟᱜ ᱫᱩᱞᱟᱹᱲ ᱫᱚ ᱫᱟᱫᱟ
ᱤᱧᱟᱜ ᱪᱤᱠᱤ ᱯᱟᱹᱨᱥᱤ ᱨᱮ ᱢᱮᱱᱟᱜ

ᱟᱞᱚᱢ ᱤᱢᱟᱹᱧ ᱦᱟᱨᱢᱟᱞᱟ
ᱟᱞᱚᱢ ᱱᱚᱡᱚᱨ ᱤᱧᱟᱜ ᱨᱩᱯ ᱢᱚᱦᱚᱨ
ᱤᱧᱟᱜ ᱫᱷᱚᱨᱚᱢ ᱥᱟᱞᱟᱜ ᱥᱟᱹᱜᱟᱹᱭ
ᱚᱦᱚᱧ ᱛᱚᱯᱟᱜ ᱠᱮ ᱾

ᱮ ᱯᱮᱲᱟ ᱫᱟᱫᱟ
ᱟᱢᱫᱚ ᱫᱤᱠᱩ ᱯᱮᱲᱟ
ᱫᱩ ᱨᱩᱣᱟᱹᱲ ᱡᱚᱝ ᱢᱮ ᱾