ᱦᱤᱦᱤᱲᱤ ᱼᱯᱤᱯᱲᱤ ᱡᱟᱱᱟᱢ ᱡᱟᱹᱛᱤ
ᱴᱩᱰᱟᱹᱝ ᱮᱱᱟᱢ ᱥᱤᱧ ᱚᱛ ᱫᱤᱥᱚᱢ
ᱢᱟᱨᱥᱟᱞ ᱠᱮᱫᱟᱢ ᱵᱟᱛᱤ।
ᱵᱤᱨ ᱵᱩᱨᱩ ᱜᱟᱰᱟ ᱥᱚᱰᱚᱜ
ᱯᱷᱟᱨᱪᱟ ᱞᱮᱫᱟᱢ ᱟᱢᱜᱮ ᱡᱚᱛᱚ
ᱵᱮᱱᱟᱣ ᱠᱮᱫᱟᱢ ᱟᱵᱟᱫ ᱵᱟᱹᱭᱦᱟᱹᱲ
ᱪᱟᱥ ᱞᱮᱫᱟᱭᱮᱢ ᱦᱚᱲᱳ ᱦᱟᱹᱨᱭᱟᱹᱲ।
ᱛᱟᱦᱮᱭᱱᱟᱢ ᱱᱤᱨᱟᱹᱭ ᱥᱩᱞᱩᱠ
ᱪᱮᱸᱬᱮ ᱪᱩᱯᱨᱤ ᱞᱮᱠᱟ ᱪᱮᱨᱚ ᱵᱮᱨᱚ।
ᱦᱚᱭ ᱦᱤᱸᱥᱤᱫ ᱯᱟᱞᱴᱟᱣ ᱮᱱ
ᱦᱟᱭᱨᱮ ᱪᱮᱫ ᱟᱱᱟᱴ ᱥᱮᱴᱮᱨ ᱮᱱ
ᱦᱚᱭ ᱵᱟᱱᱩᱜ ᱫᱟᱜ ᱵᱟᱱᱩᱜ
ᱡᱷᱟᱡᱨᱟ ᱮᱱᱟ ᱠᱚᱲᱟᱢ ᱨᱩᱠᱷᱟᱹᱲ ᱨᱮ।
ᱪᱮᱴᱮᱨ ᱵᱤᱡᱞᱤ ᱫᱟᱜ ᱫᱚ ᱵᱟᱝ ᱠᱟᱱ

ᱤᱝᱨᱮᱡ ᱠᱚᱣᱟᱜ ᱵᱮ ᱵᱟᱲᱤᱡ ᱠᱟᱢᱤ ᱠᱟᱱ।
ᱧᱮᱞᱛᱮ ᱢᱮᱫ ᱫᱟᱜ ᱡᱚᱨᱚᱜᱼᱟ
ᱠᱚᱲᱟᱢ ᱯᱷᱩᱞᱟᱼᱟ ᱨᱟᱜᱤᱛᱮ
ᱛᱷᱟᱨᱤ ᱫᱟᱠᱟ ᱠᱚ ᱥᱚᱦᱚᱨ ᱜᱤᱰᱤ ᱞᱮᱫᱟ
ᱥᱟᱵ ᱞᱮᱫᱟ ᱠᱚ ᱟᱜᱼᱥᱟᱨᱼᱠᱟᱯᱤ ᱵᱚᱨᱞᱚᱝ ᱜᱮ
ᱚᱦᱚ ᱠᱮᱫᱟᱠᱚ ᱦᱩᱞᱮ ᱦᱩᱞᱮ
ᱞᱟᱹᱲᱦᱟᱹᱭ ᱮᱱᱟᱠᱚ ᱜᱩᱞᱤᱼᱥᱟᱨ ᱟᱛᱮ ।
ᱜᱚᱡ ᱡᱚᱠᱷᱚᱢ ᱮᱱᱟᱠᱚ ᱵᱤᱨ ᱦᱩᱞᱜᱟᱹᱨᱤᱭᱟ.
ᱞᱤᱸᱡᱤ ᱮᱱᱟ ᱱᱟᱦᱮᱞ ᱫᱟᱜ ᱞᱮᱠᱟ ᱢᱟᱭᱟᱢ
ᱢᱤᱫ ᱢᱤᱫ ᱦᱚᱲᱟᱜ ᱴᱷᱟᱯ ᱢᱟᱭᱟᱢ
ᱯᱷᱨᱜᱟᱹᱞ ᱰᱟᱦᱟᱨᱮ ᱩᱫᱩᱜ ᱟᱢ
ᱯᱷᱩᱨᱜᱟᱹᱞ ᱰᱟᱦᱟᱨᱮ ᱩᱫᱩᱜ ᱟᱢ।