ᱵᱟᱹᱭᱥᱟᱹᱛ ᱵᱚᱸᱜᱟ ᱠᱩᱱᱟᱹᱢᱤ ᱪᱟᱸᱫᱚᱨᱮ
ᱟᱢᱜᱮᱢ ᱚᱢᱚᱱ ᱞᱮᱱᱟ,
ᱰᱟᱦᱟᱨᱰᱤ ᱟᱹᱛᱩ ᱱᱚᱸᱫᱚ ᱵᱟᱹᱠᱷᱩᱞ ᱨᱮ
ᱟᱢᱜᱮᱢ ᱢᱚᱦᱮᱭᱮᱱᱟ ᱾᱾
ᱪᱩᱱᱩ ᱧᱩᱛᱩᱢ ᱡᱟᱱᱟᱢ ᱛᱟᱨᱟ
ᱟᱢᱜᱮᱢ ᱛᱟᱦᱮᱸᱠᱟᱱᱟ,
ᱨᱟᱜ ᱟᱛᱮᱢ ᱨᱟᱹᱲ ᱠᱮᱜ ᱛᱮ
ᱨᱚᱜᱷᱩᱢ ᱦᱩᱭᱮᱱᱟ ᱾᱾
 
ᱥᱤᱥᱩ ᱵᱟᱞᱚᱠ ᱠᱷᱚᱱᱜᱮ ᱟᱢᱫᱚ
ᱮᱦᱚᱵ ᱞᱮᱜ-ᱟᱢ ᱤᱛᱩᱱ,
ᱨᱩᱜᱷᱩ ᱧᱩᱛᱩᱢ ᱛᱮᱢ ᱥᱚᱵᱷᱟᱭᱮᱱ
ᱟᱢᱟᱜ ᱥᱟᱹᱨᱤ ᱧᱩᱛᱩᱢ ᱾᱾
ᱤᱛᱩᱱ ᱟᱥᱲᱟ ᱨᱮ ᱵᱟᱢ ᱵᱩᱡᱷᱟᱹᱣ ᱞᱮᱜ
ᱳᱰᱤᱭᱟ ᱯᱟᱹᱨᱥᱤ ᱟᱲᱟᱝ,
ᱵᱮᱱᱟᱣ ᱞᱟᱹᱜᱤᱫ ᱮᱢ ᱢᱚᱱᱮᱞᱮᱜ
ᱡᱟᱱᱟᱢ ᱯᱟᱹᱨᱥᱤ ᱟᱲᱟᱝ ᱾᱾
 
ᱥᱟᱹᱨᱤ ᱛᱮᱜᱮᱢ ᱵᱮᱱᱟᱣ ᱠᱮᱜ-ᱟ
ᱥᱟᱱᱛᱟᱲ ᱯᱟᱹᱨᱥᱤ ᱪᱤᱠᱤ,
ᱫᱤᱥᱚᱢ ᱡᱟᱠᱮᱢ ᱡᱷᱟᱞᱠᱟᱣ ᱠᱮᱜ-ᱟ
ᱟᱹᱨᱥᱤ ᱞᱮᱠᱱᱟ ᱯᱟᱹᱨᱥᱤ ᱾᱾
ᱟᱢᱟᱜ ᱠᱟᱹᱢᱤ ᱦᱚᱨᱟ ᱧᱮᱞ ᱛᱮ
ᱪᱤᱨᱜᱟᱹᱞᱚᱜ-ᱟ ᱡᱤᱣᱤ ᱢᱚᱱᱮ,
ᱟᱹᱫᱷᱩᱲ ᱦᱚᱲᱢᱚ ᱨᱟᱹᱥᱠᱟᱹ ᱢᱚᱱᱮ
ᱚ~ᱨᱟᱭ ᱜᱷᱟᱱᱮ ᱜᱷᱟᱱᱮ ᱾᱾
 
ᱟᱢᱜᱮ ᱨᱟᱹᱜᱷᱩᱢ ᱨᱚᱦᱚᱭ ᱞᱮᱜ-ᱟ
ᱵᱤᱫᱩ ᱪᱟᱱᱫᱟᱱ ᱛᱷᱩᱢ ᱛᱮ,
ᱯᱟᱹᱨᱥᱤ ᱯᱚᱦᱟᱨᱮ ᱯᱷᱩᱴᱟᱹᱣ ᱮᱱᱟ
ᱡᱮᱸᱜᱮᱫ ᱪᱤᱠᱤ ᱵᱟᱦᱟ ᱛᱮ ᱾᱾
ᱪᱤᱠᱤ ᱤᱛᱟᱹᱢ ᱮᱨ ᱠᱮᱜ-ᱟ
ᱥᱟᱶᱦᱮᱫᱥ ᱥᱟᱠᱚᱣᱟ ᱵᱟᱹᱫᱽᱨᱮ,
ᱥᱟᱞᱮ ᱯᱤᱪᱷᱤᱞᱮ ᱤᱨᱟᱜ-ᱟ
ᱫᱤᱱᱜᱮ ᱥᱟᱶᱦᱟᱭ ᱮᱫ ᱨᱮ ᱾᱾
 
ᱧᱮᱞ ᱡᱚᱝ ᱛᱮ ᱯᱚᱨᱚᱭ ᱯᱚᱨᱚᱭ
ᱥᱚ~ᱠᱟᱱ ᱫᱚᱸᱜᱚᱭ ᱫᱚᱸᱜᱚᱭ,
ᱪᱤᱠᱤ ᱵᱟᱦᱟᱢᱟ ᱫᱟᱞᱟᱭ ᱫᱟᱞᱟᱭ
ᱦᱟᱞᱟᱝ ᱠᱟᱛᱮ ᱞᱮ ᱢᱟᱞᱟᱭ ᱾᱾
ᱥᱟᱶᱛᱟ ᱥᱟᱶᱦᱮᱫ ᱢᱟᱱ ᱪᱤᱠᱤ
ᱟᱢᱜᱮᱛᱟᱞᱮᱢ ᱫᱚᱦᱚᱭ,
ᱯᱟᱹᱨᱥᱤ ᱯᱚᱦᱟᱞᱮ ᱡᱚᱛᱚᱱ ᱡᱤᱭᱟᱹᱲ
ᱫᱤᱥᱚᱢ ᱜᱚᱴᱟᱞᱮ ᱨᱚᱦᱚᱭ ᱾᱾
 
ᱡᱮᱸᱜᱮᱫ ᱡᱮᱸᱜᱮᱫ ᱧᱮᱞᱚᱜ ᱠᱟᱱᱟ
ᱪᱤᱠᱤ ᱯᱟᱹᱨᱥᱤ ᱯᱚᱦᱟ,
ᱠᱷᱮᱨᱣᱟᱲ ᱦᱚᱯᱚᱱ ᱠᱚ ᱢᱟᱞᱟ ᱮᱫ-ᱟ
ᱚᱞᱪᱤᱠᱤ ᱵᱟᱦᱟ, ᱾᱾
ᱥᱟᱦᱟᱣ ᱞᱮᱜ-ᱟᱢ ᱯᱟᱹᱨᱥᱤ ᱠᱷᱟᱹᱛᱤᱨ
ᱛᱤᱱᱟᱹᱝ ᱦᱟᱨᱠᱮᱛ ᱥᱟᱥᱮᱛ,
ᱯᱟᱥᱱᱟᱣᱮᱱᱟ ᱚᱱᱟ ᱠᱷᱟᱹᱛᱤᱨ
ᱜᱚᱴᱟ ᱫᱤᱥᱚᱢ ᱡᱮᱸᱜᱮᱫ ᱾᱾
 
ᱟᱹᱫᱤᱢ ᱡᱟᱹᱛᱤ ᱞᱟᱹᱜᱤᱫ ᱥᱟᱹᱨᱤ
ᱟᱢ ᱜᱮ ᱪᱟᱸᱫᱚ ᱢᱟᱨᱥᱟᱞ,
ᱥᱟᱶᱛᱟ ᱥᱮᱨᱣᱟ ᱫᱷᱚᱨᱚᱢ ᱞᱟᱹᱜᱤᱫ
ᱟᱢᱜᱮ ᱵᱟᱹᱛᱤᱢ ᱟᱨᱥᱟᱞ ᱾᱾
ᱟᱢᱜᱮ ᱨᱟᱹᱜᱷᱩᱢ ᱞᱟᱹᱭᱟᱫ ᱞᱮᱭᱟ
ᱟᱵᱚ ᱠᱷᱮᱨᱣᱟᱲ ᱱᱟᱜᱟᱢ,
ᱡᱟᱹᱛᱤ ᱫᱷᱚᱨᱚᱢ ᱵᱟᱱᱪᱟᱣ ᱞᱟᱹᱜᱤᱫ
ᱠᱚᱭᱚᱜ ᱮᱫ-ᱟ ᱞᱮ ᱟᱜᱟᱢ ᱾᱾
 
ᱦᱟᱺᱰᱤ ᱯᱟᱹᱨᱣᱟᱹ ᱵᱟᱹᱜᱤ ᱠᱟᱛᱮ
ᱧᱩᱭ ᱯᱮᱥᱮ ᱥᱟᱶᱦᱮᱫ ᱨᱟᱥᱟ,
ᱜᱚᱴᱟ ᱯᱟᱲᱟ ᱞᱟᱹᱭ ᱟᱹᱪᱩᱨᱯᱮ
ᱛᱤᱱᱟᱹᱝ ᱦᱮᱲᱮᱢ ᱠᱟᱥᱟ ᱾᱾
ᱳᱰᱤᱥᱟ ᱟᱥᱟᱢ ᱡᱷᱟᱨᱠᱟᱸᱰ ᱵᱮᱸᱜᱚᱞ
ᱜᱚᱴᱟᱜᱮ ᱟᱢᱟᱜ ᱢᱩᱴᱷᱟᱹᱱ,
ᱵᱟᱝᱞᱟᱫᱮᱥ ᱱᱮᱯᱟᱞ ᱥᱟᱶᱛᱮ
ᱟᱨ ᱦᱚᱸ ᱧᱮᱞᱚᱜ ᱠᱟᱱᱟ ᱵᱷᱩᱴᱟᱱ ᱾᱾
 
ᱟᱢᱜᱮ ᱜᱩᱨᱩᱢ ᱮᱢᱟᱫ ᱵᱚᱱᱟ
ᱫᱷᱟᱹᱨᱛᱤ ᱛᱟᱞᱟᱨᱮ ᱩᱯᱩᱨᱩᱢ,
ᱪᱤᱠᱤ ᱨᱮᱝᱜᱮᱡ ᱵᱟᱹᱱᱩᱜ ᱛᱟᱞᱮ
ᱡᱷᱚᱛᱚᱣᱟᱜ ᱛᱮᱜᱮ ᱥᱩᱯᱩᱨᱩᱱ ᱾᱾
ᱪᱤᱠᱤ ᱠᱷᱟᱹᱛᱤᱨ ᱞᱮ ᱫᱟᱲᱟᱱ ᱠᱟᱱᱟ
ᱜᱚᱴᱟ ᱯᱟᱲᱟ ᱜᱚᱴᱟ ᱫᱤᱥᱚᱢ,
ᱯᱟᱹᱨᱥᱤ ᱠᱷᱟᱹᱛᱤᱨ ᱞᱮ ᱩᱰᱟᱹᱣᱜ ᱠᱟᱱᱟ
ᱥᱮᱨᱢᱟ ᱨᱤᱢᱤᱞ ᱪᱮᱛᱟᱱ ᱾᱾
 
ᱥᱚᱨᱮᱥ ᱠᱷᱟᱹᱛᱤᱨ ᱪᱤᱠᱤ ᱟᱢᱟᱜ
ᱥᱚᱨᱠᱟᱨ ᱮ ᱦᱟᱛᱟᱣ ᱠᱮᱜ-ᱟ
ᱚᱱᱟ ᱠᱷᱟᱹᱛᱤᱨ ᱟᱹᱫᱤᱢ ᱡᱟᱹᱛᱤ,
ᱡᱷᱚᱛᱚᱠᱚ ᱦᱟᱛᱟᱣ ᱠᱮᱜ-ᱟ ᱾᱾
ᱟᱢ ᱫᱚ ᱜᱩᱨᱩ ᱦᱚᱢ ᱵᱮᱱᱟᱣ ᱮᱱᱟ
ᱯᱟᱹᱨᱥᱤ ᱥᱤᱧ ᱪᱟᱸᱫᱚ,
ᱡᱚᱛᱚᱱ ᱫᱚᱦᱚᱭᱟᱞᱮ ᱟᱢᱟᱜ
ᱵᱟᱞᱮ ᱰᱷᱤᱞᱟᱹᱣ ᱚᱪᱚ ᱾᱾
 
ᱨᱩᱯ ᱫᱟᱱᱟᱝ ᱮᱱᱛᱟᱢ ᱜᱩᱨᱩ ᱦᱚ
ᱢᱚᱦᱚᱸᱨ ᱢᱮᱴᱟᱣ ᱮᱱ ᱛᱟᱢ,
ᱡᱟᱹᱯᱤᱫ ᱮᱵᱷᱮᱱ ᱢᱮᱫ ᱫᱟᱜ ᱡᱚᱨᱚᱜ
ᱜᱩᱱ ᱵᱤᱨᱫᱟᱹ ᱩᱭᱦᱟᱹᱨᱚᱜ ᱾᱾
ᱱᱮᱦᱚᱨ ᱟᱢᱟᱞᱮ ᱡᱚᱦᱟᱨ ᱟᱢᱟᱞᱮ
ᱱᱚᱶᱟ ᱫᱷᱟᱹᱨᱛᱤ ᱫᱷᱩᱲᱤ ᱠᱷᱚᱱ,
ᱟᱛᱟᱝ ᱠᱟᱜ-ᱢᱮ ᱛᱟᱞᱮ
ᱥᱮᱨᱢᱟ ᱥᱟᱹᱜᱤᱧ ᱠᱷᱚᱱ ᱾᱾
 
ᱦᱚᱭ ᱡᱤᱣᱤ ᱦᱟᱥᱟ ᱦᱚᱲᱢᱚ
ᱦᱟᱥᱟᱨᱮ ᱢᱮᱥᱟᱭᱮᱱ ᱛᱟᱢ,
ᱡᱟᱱᱟᱢ ᱨᱩᱣᱟᱹᱲᱚᱜ ᱢᱮ ᱟᱵᱚ ᱥᱟᱶᱛᱟᱨᱮ
ᱢᱟᱹᱱᱢᱤ ᱨᱩᱯᱛᱮ ᱟᱢ ᱾
*****

Facebook
Twitter
WhatsApp
Telegram

ᱢᱩᱪᱟᱹᱫ ᱢᱩᱪᱟᱹᱫ ᱢᱩᱪᱟᱹᱫ

ᱟᱨᱦᱚᱸ ᱧᱮᱞᱢᱮ

ᱦᱟᱹᱨᱥᱩᱲ ᱛᱟᱨᱟᱥᱤᱧ

ᱯᱩᱪᱷᱤᱢ ᱱᱟᱠᱷᱟ ᱨᱮ ᱦᱟᱥᱩᱨᱮᱱᱮ ᱵᱮᱲᱟ ᱵᱤᱨ ᱵᱩᱨᱩ ᱛᱮ ᱩᱠᱩᱭᱮᱱᱮ ᱾ ᱥᱚᱨᱮᱥ ᱥᱤᱸᱜᱟᱹᱲᱮ ᱦᱮᱡ ᱮᱱ ᱮᱥᱮᱫ ᱠᱟᱛᱮ ᱥᱮᱨᱢᱟ ᱠᱷᱚᱱ ᱱᱟᱯᱟᱭ ᱵᱷᱟᱵᱱᱟ ᱥᱟᱶᱛᱮ ᱾ ᱮᱱᱮᱡ ᱡᱚᱝ ᱠᱚ

Read More »

ᱟᱹᱰᱤᱜᱮ ᱡᱤᱭᱟᱹᱲᱜᱮ

  ᱟᱨᱟᱣ ᱟᱠᱟᱱ ᱵᱟᱦᱟ ᱢᱟᱞᱟ ᱵᱟᱭᱰᱤᱝ ᱠᱟᱸᱪ ᱦᱟᱱᱟᱥᱟᱦᱟᱨᱮ ᱟᱢᱟᱜ ᱢᱚᱦᱚᱨ ᱟᱨ ᱢᱩᱴᱷᱟᱹᱱ ᱡᱟᱦᱟᱸ ᱞᱮᱠᱟᱭ ᱠᱚᱭᱚᱜ ᱟᱠᱟᱫ ᱡᱮᱢᱚᱱ ᱤᱧᱜᱮᱢ ᱠᱚᱭᱚᱜ ᱟᱠᱟᱫᱤᱧ ᱟᱹᱰᱤᱜᱮ ᱡᱤᱭᱟᱹᱲᱜᱮ ᱾   ᱵᱚᱸᱜᱟ

Read More »

ᱱᱟᱶᱟᱱᱟᱜ

ᱚᱱᱚᱬᱦᱮ
ᱵᱟᱞᱤᱭᱟ ᱢᱟᱹᱸᱨᱰᱤ

ᱨᱟᱹᱥᱠᱟᱹ

ᱟᱭᱚ ᱠᱚᱞᱮ ᱠᱷᱚᱱ ᱡᱟᱱᱟᱢ ᱛᱟᱭᱚᱢ ᱫᱷᱟᱨᱛᱤ ᱟᱭᱚ ᱥᱟᱹᱜᱩᱱ ᱫᱟᱨᱟᱢ ᱥᱟᱶᱛᱮ ᱡᱟᱱᱟᱢ ᱟᱭᱚ ᱠᱚᱞᱮ ᱩᱨᱜᱩᱢ ᱦᱟᱸᱵᱩᱫ ᱵᱩᱡᱷᱟᱹᱣ ᱜᱚᱫᱚᱜ ᱟᱹᱰᱤ ᱨᱟᱹᱥᱠᱟᱹ ᱾ ᱨᱮᱜᱮᱸᱡ ᱛᱮᱛᱟᱝ ᱨᱮ ᱮᱴᱠᱮᱴᱚᱬᱮ ᱨᱮ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ
ᱚᱱᱚᱬᱦᱮ
ᱫᱩᱞᱟᱨᱟᱢ ᱥᱚᱨᱮᱱ

ᱚᱠᱛᱚ

ᱚᱠᱛᱚ ᱫᱚ ᱦᱤᱡᱩᱜᱼᱟ ᱚᱠᱛᱚ ᱫᱚ ᱯᱟᱨᱚᱢᱚᱜ ᱚᱠᱛᱚ ᱫᱚ ᱵᱟᱝ ᱟᱠᱚᱴᱚᱜᱼᱟ ᱾ ᱚᱠᱛᱚ ᱢᱤᱫ ᱫᱷᱟᱣ ᱯᱟᱨᱚᱢ ᱪᱟᱞᱟᱣ ᱞᱮᱱᱠᱷᱟᱱ ᱫᱚᱦᱚᱲᱟ ᱫᱚ ᱟᱫᱚ ᱵᱟᱝ ᱨᱩᱣᱟᱲᱟ᱿᱑᱿ ᱵᱮᱨ ᱫᱚᱭ ᱨᱟᱠᱟᱵᱼᱟ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ
ᱚᱱᱚᱬᱦᱮ
ᱵᱟᱞᱤᱭᱟ ᱢᱟᱹᱸᱨᱰᱤ

ᱪᱮᱫᱟᱜ ᱮᱢ ᱨᱟᱜᱟ ?

ᱮ ᱠᱷᱮᱨᱣᱟᱲ! ᱮ ᱠᱷᱮᱨᱣᱟᱲ! ᱱᱟᱥᱮ ᱩᱭᱦᱟᱹᱨ ᱢᱮᱥᱮ ᱡᱟᱱᱟᱢ ᱫᱤᱥᱚᱢ ᱠᱚ ᱨᱮᱡᱮᱜ ᱢᱮᱨᱮ ᱪᱮᱫᱟᱜ ᱮᱢ ᱨᱟᱜᱟ ? ᱮ ᱠᱷᱮᱨᱣᱟᱲ! ᱮ ᱠᱷᱮᱨᱣᱟᱲ! ᱱᱟᱥᱮ ᱩᱭᱦᱟᱹᱨ ᱢᱮᱥᱮ ᱦᱚᱠ ᱟᱹᱭᱫᱟᱹᱨ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ

ᱵᱩᱜᱤ ᱰᱟᱦᱟᱨ

ᱥᱤᱨᱩ ᱫᱚ ᱢᱤᱫ ᱡᱩᱣᱟᱹᱱ ᱦᱚᱲ ᱠᱟᱱᱟᱭ, ᱟᱹᱛᱩ ᱨᱮᱱ ᱢᱤᱫ ᱥᱟᱫᱷᱟᱨᱚᱱ ᱠᱚᱲᱟ ᱾ ᱩᱱᱤᱭᱟᱜ ᱡᱤᱭᱚᱱ ᱫᱚ ᱟᱞᱜᱟ ᱟᱨ ᱥᱟᱹᱨᱤ ᱜᱮᱭᱟ, ᱢᱮᱱᱠᱷᱟᱱ ᱛᱤᱱᱟᱹᱜ ᱜᱟᱱ ᱜᱟᱛᱮ ᱠᱚᱣᱟᱜ ᱚᱨᱥᱚᱝ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ