ᱠᱩᱝᱠᱟ.ᱞ ᱴᱚᱞᱟ ᱥᱟᱜᱟᱲ ᱜᱟᱹᱰᱤ
ᱞᱟᱫᱮᱭᱟᱠᱩ ᱴᱩᱠᱩᱪ ᱴᱷᱮᱞᱤ
ᱥᱟᱜᱟᱲᱮ ᱞᱟᱜᱟᱭ ᱢᱟᱢᱚ ᱦᱟᱨᱩ
ᱥᱟᱣᱛᱮᱭ ᱪᱟᱞᱟᱜ ᱵᱷᱟᱹᱜᱱᱟᱹᱢ ᱠᱟᱹᱨᱩ।
ᱫᱩᱲᱩᱵ ᱠᱟᱱᱟᱠᱚ ᱥᱤᱸᱜᱤ ᱢᱟᱦᱟᱨᱮ
ᱰᱩᱝᱨᱤ-ᱵᱩᱨᱩ ᱦᱟᱱᱟ ᱥᱟᱦᱟ ᱨᱮ।
ᱵᱮᱯᱟᱨᱤᱭᱟᱹ ᱛᱩᱢᱟᱹᱞ ᱛᱟᱢᱟᱞ ᱟ.ᱜᱩ ᱠᱟᱛᱮ
ᱴᱚᱞᱟᱨᱮᱱ ᱦᱚᱱ ᱦᱟᱛᱟᱣ ᱟᱠᱩ ᱵᱟᱪᱷᱟᱣ ᱟᱛᱮ।
ᱟᱞᱩ, ᱵᱮᱸᱜᱟᱲ, ᱯᱚᱴᱚᱞ, ᱢᱩᱞᱟᱹ
ᱟᱠᱷᱨᱤᱧ ᱟᱠᱚ ᱛᱩᱢᱟᱹᱞ ᱦᱩᱞᱟᱹ
ᱛᱩᱲᱤ, ᱢᱟᱥᱨᱤ, ᱦᱚᱞᱚᱝ, ᱢᱟᱹᱨᱤᱪ
ᱵᱚᱠᱚ ᱵᱤᱞᱚᱢᱟ ᱥᱮᱱᱚᱜ ᱜᱷᱟᱲᱤᱪ।
ᱢᱟᱞᱦᱤ ᱵᱮᱱᱟᱣ ᱯᱷᱟᱹᱛᱭᱟᱹᱜ ᱡᱷᱩᱲᱤ
ᱟᱠᱷᱨᱤᱧ ᱮᱫᱟᱠᱚ ᱛᱩᱲᱤ ᱜᱷᱩᱲᱤ।
ᱴᱩᱠᱩᱪ ᱯᱮᱨᱮᱡ ᱠᱷᱮᱡᱩᱨ ᱛᱟᱹᱲᱤ
ᱨᱚ ᱠᱚ ᱟᱵᱼᱟ ᱵᱷᱤᱲᱤ ᱵᱷᱤᱲᱤ।
ᱢᱟᱱᱰᱤ ᱠᱤᱥᱟᱹᱬ ᱦᱚᱯᱚᱱ ᱮᱨᱟ
ᱧᱮᱧᱮᱞ ᱞᱟᱜᱤᱫ ᱟᱭᱢᱟ ᱠᱚᱲᱟ।
ᱯᱷᱮᱱᱴᱚᱲ ᱵᱟᱱᱟᱢ ᱠᱚᱴᱟᱵ ᱟᱛᱮ
ᱨᱟᱢᱩᱭ ᱠᱚᱠᱚᱭ ᱟᱲᱟᱝ ᱠᱟᱛᱮ

(ᱱᱚᱣᱟ ᱚᱱᱚᱲᱦᱮ ᱫᱚ ᱠᱚᱵᱤ ᱜᱩᱨᱩ ᱨᱚᱵᱤᱱᱫᱚᱨᱚ ᱱᱟᱛᱷ ᱴᱷᱟᱠᱩᱨ ᱼᱟ ᱵᱟᱝᱞᱟ ᱚᱱᱲᱦᱮ “ᱦᱟᱴ “ ᱠᱷᱚᱱ ᱛᱚᱨᱡᱚᱢᱟ ᱦᱚᱣ ᱟᱠᱟᱱᱟ। ᱚᱱᱚᱲᱦᱮ ᱨᱮ ᱢᱚᱡ ᱟᱡᱚᱢ ᱟᱹᱭᱠᱟᱹᱣ ᱞᱟᱜᱤᱫ ᱮᱴᱟᱜ ᱮᱴᱟᱜ ᱟᱹᱲᱟᱹ ᱠᱚ ᱞᱟᱜᱟᱣ ᱦᱚᱭ ᱠᱟᱱᱟ)