ᱤᱧᱟᱜ ᱚᱞ ᱡᱩᱫᱤ ᱟᱢᱟᱜ ᱢᱚᱱᱮ ᱨᱮ ᱞᱟᱜᱟᱜ
ᱮᱱᱠᱷᱟᱱ ᱫᱩᱞᱟ.ᱲ ᱨᱮᱭᱟᱜ ᱟᱡᱷᱟᱸᱴ ᱦᱚᱸ ᱥᱟᱦᱟᱜ
ᱱᱟᱥᱮ ᱜᱟᱭᱜᱚᱢ ᱤᱫᱤ ᱢᱮ ᱢᱚᱱᱮ ᱛᱮ ᱚᱞ ᱪᱮᱛᱟᱱ
ᱢᱤᱫ ᱢᱤᱫ ᱴᱟᱝ ᱟ.ᱲᱟ. ᱨᱮ ᱟᱢ ᱜᱮ ᱢᱮᱱᱟᱢᱟ ᱾
ᱞᱩᱴᱤ ᱠᱤᱱ ᱨᱮ ᱢᱮᱥᱠᱚᱡ ᱟᱛᱮᱜ ᱯᱟᱲᱦᱟᱣ ᱢᱮ
ᱚᱴᱟᱜ ᱤᱫᱤ ᱢᱮ ᱞᱟᱪᱷᱟ ᱥᱟᱠᱟᱢ ᱫᱩᱞᱟ.ᱲ ᱮᱢ ᱧᱟᱢ
ᱟᱞᱜᱟᱭ ᱢᱮ ᱢᱚᱱᱮ ᱟᱢᱟᱜ ᱟᱴᱠᱟᱨ ᱢᱮ ᱥᱟ.ᱜᱟ.ᱭ
ᱵᱟ.ᱱᱩᱜᱼᱟ ᱟᱲᱤᱥ ᱵᱮᱡᱟᱨ ᱢᱮᱱᱟᱜᱼᱟ ᱱᱤᱨᱟ.ᱭ ᱾
ᱫᱩᱲᱩᱵ ᱨᱮ ᱩᱭᱦᱟ.ᱨ ᱨᱮ ᱥᱟᱱᱟᱢ ᱴᱷᱟᱶ ᱨᱮ
ᱫᱩᱞᱟ.ᱲ ᱢᱮᱱᱟᱜᱼᱟ ᱯᱟᱲᱦᱟᱣ ᱢᱮ ᱤᱧᱟᱜ ᱚᱞ ᱨᱮ
ᱥᱟᱺᱜᱤᱧ ᱠᱷᱚᱱ ᱜᱮ ᱟᱢ ᱫᱚ ᱩᱭᱦᱟ.ᱨ ᱫᱚᱦᱚᱭ ᱢᱮ
ᱠᱚᱭᱚᱜ ᱨᱮ ᱨᱤᱯᱤᱫ ᱞᱮᱠᱟ ᱥᱟᱶ ᱨᱮ ᱛᱟᱦᱮᱸᱱᱟ ᱢᱮ
ᱱᱚᱱᱚᱞ ᱥᱟᱵᱽ ᱠᱚᱛᱮᱜ ᱫᱟᱢᱟᱱ ᱟ.ᱲᱟ. ᱠᱚ ᱜᱟᱨ ᱤᱫᱤ ᱢᱮ
ᱟᱜᱟᱢ ᱨᱮ ᱟ.ᱲᱟ. ᱠᱚᱭᱚᱜ ᱛᱚᱨᱟ ᱫᱤᱥᱟ. ᱨᱩᱣᱟ.ᱲ ᱢᱮ
ᱵᱟᱰᱟᱜ ᱵᱩᱰᱟᱜ ᱞᱩᱴᱤ ᱛᱮ ᱥᱟᱰᱮ ᱤᱫᱤ ᱢᱮ
ᱤᱧᱮᱢ ᱫᱤᱥᱟ.ᱧ ᱨᱮᱫᱚ ᱤᱧᱟᱜ ᱮᱢ ᱞᱟᱪᱷᱟ ᱟᱨᱦᱚᱸ ᱯᱟᱲᱦᱟᱣ ᱢᱮ ᱾
