ᱠᱮᱱᱮ ᱠᱚᱛᱮ ᱨᱚᱲ ᱞᱟᱸᱫᱟ ᱛᱮ ;
ᱱᱮᱰᱟ ᱟᱫᱤᱧᱟᱢ ᱱᱤᱪᱚᱞ ᱵᱮᱲᱟ ,
ᱦᱤᱨᱤᱡ – ᱯᱟ.ᱥᱤᱨ ᱢᱚᱱᱮ ᱪᱷᱟᱸᱫᱟ ᱛᱮ;
ᱥᱤᱵᱤᱞ ᱟᱫᱤᱧᱟᱢ ᱱᱟᱣᱟ ᱯᱮᱲᱟ |᱑|
 
ᱡᱩᱣᱟ.ᱱ ᱢᱚᱱᱮ ᱟᱠᱚᱴ ᱞᱮᱱ ᱛᱮ;
ᱮᱯᱮᱢ ᱞᱮᱱᱟ ᱞᱟᱝ ᱥᱤᱵᱤᱞ ᱫᱩᱞᱟ.ᱲ,
ᱛᱮᱛᱟᱝ ᱢᱚᱱᱮ ᱥᱟᱨᱥᱟᱣ ᱞᱮᱱ ᱛᱮ;
ᱥᱚᱝ ᱞᱮᱜ-ᱟ ᱞᱟᱝ ᱯᱮᱨᱮᱡ ᱩᱢᱟ.ᱲ |᱒|
 
ᱨᱟᱜ ᱦᱚᱢᱚᱨ ᱢᱟᱭᱟ ᱡᱟ.ᱨᱤ ᱛᱮ ;
ᱠᱩᱠᱢᱩ ᱞᱮᱜ -ᱟᱢ ᱥᱟ.ᱨᱤ – ᱥᱟ.ᱨᱤ ,
ᱥᱟᱸᱣᱛᱟ ᱥᱚᱢᱟᱡᱽ ᱛᱚᱞ ᱟ.ᱨᱤ ᱛᱮ;
ᱥᱟᱡᱟᱣ ᱠᱤᱫᱤᱧᱟᱢ ᱡᱤᱣᱤ ᱡᱩᱨᱤ |᱓|
 
ᱟᱢᱟᱜ ᱨᱟ.ᱥᱠᱟ. ᱠᱩᱥᱤ ᱵᱟ.ᱥᱤ ᱛᱮ;
ᱥᱟᱡᱟᱣ ᱞᱤᱫᱤᱧᱟᱢ ᱜᱷᱟᱨᱚᱸᱡᱽ ᱞᱩᱠᱷᱤ,
ᱵᱟᱞᱮ ᱵᱮᱠᱮᱨ ᱦᱚᱵᱚᱨ ᱪᱮᱛᱟᱱ ᱨᱮᱜᱮ;
ᱜᱚᱝ ᱟᱫᱤᱧᱟᱢ ᱜᱚᱨᱚᱡᱽ ᱪᱷᱩᱴᱠᱤ |᱔|
 
ᱠᱚᱸᱵᱚᱫ-ᱠᱚᱸᱵᱚᱫ ᱦᱟᱱᱦᱟᱨ-ᱦᱚᱧᱦᱟᱨ;
ᱥᱤᱧ ᱧᱤᱫᱟ. ᱠᱷᱟᱴᱟᱵ ᱛᱩᱞᱩᱡ,
ᱨᱤᱯᱤᱫ – ᱡᱟ.ᱯᱤᱫ ᱤᱨᱤᱞ -ᱟᱡᱷᱱᱟᱨ;
ᱥᱤᱠᱤᱲᱮᱱ ᱛᱟ.ᱧ ᱞᱟᱸᱫᱟ ᱢᱩᱞᱩᱡ|᱕|
 
ᱢᱮᱴᱟᱣᱮᱱᱟ ᱥᱤᱸᱫᱩᱨ ᱵᱟᱦᱟ;
ᱨᱟ.ᱯᱩᱫ ᱮᱱ ᱥᱚᱸᱛᱚᱠ ᱥᱟᱠᱚᱢ,
ᱛᱟᱦᱮᱸ ᱭᱮᱱᱟᱢ ᱤᱧᱠᱷᱚᱱ ᱥᱟᱦᱟ;
ᱦᱟ.ᱴᱤᱧ ᱮᱱ ᱜᱤᱛᱤᱡ ᱯᱟᱨᱠᱚᱢ |᱖|
 
ᱥᱚᱱᱮᱨ ᱜᱷᱟᱨᱚᱸᱡᱽ ᱟᱢᱫᱚᱢ ᱫᱟᱥᱟᱣᱟ;
ᱛᱚᱯᱚᱞ ᱠᱟᱛᱷᱟ ᱟᱨᱦᱚᱸᱢ ᱨᱟ.ᱯᱩᱫ,
ᱦᱤᱨᱚᱢ ᱥᱤᱠᱤᱲ ᱚᱦᱚᱧ ᱥᱟᱦᱟᱣᱟ;
ᱚᱠᱟᱨᱤᱧ ᱛᱟᱦᱮᱸᱱ ᱫᱟᱜ ᱡᱟ.ᱯᱩᱫ |᱗|
 
ᱵᱟᱝ ᱮᱢ ᱩᱭᱦᱟ.ᱨ ᱫᱩᱞᱟ.ᱲ ᱢᱟᱭᱟ;
ᱦᱚᱱ ᱦᱚᱯᱚᱱ ᱨᱟᱜ ᱦᱚᱢᱚᱨ,
ᱵᱟ.ᱱᱩᱜ ᱛᱟᱢ ᱤᱧᱨᱮ ᱠᱟ.ᱡ ᱦᱚᱸ ᱫᱟᱭᱟ;
ᱥᱟᱦᱟ ᱥᱟᱸᱜᱤᱧ ᱭᱮᱱᱟᱢ ᱡᱚᱵᱚᱨ |᱘|
 
ᱡᱤᱣᱤ ᱡᱤᱛᱟ. ᱛᱟᱦᱮᱸᱱ ᱨᱮᱜᱮ,
ᱯᱟᱴᱮᱫ ᱮᱱ ᱥᱤᱞᱯᱤᱧ ᱚᱲᱟᱜ ᱫᱩᱣᱟ.ᱨ ;
ᱟᱯᱟᱛ ᱡᱤᱣᱤᱫ ᱛᱟᱦᱮᱸᱱ ᱨᱮᱜᱮ;
ᱜᱤᱫᱽᱨᱟ ᱯᱤᱫᱽᱨᱟ. ᱢᱟ ᱡᱤᱸᱛᱟ. ᱴᱩᱣᱟ.ᱨ |᱙|
***