ᱥᱮᱨᱢᱟ ᱵᱟᱨᱟᱝ ᱵᱟᱨᱟᱝ ᱛᱤᱱᱟᱹᱝ ᱪᱚᱨᱚᱠ
ᱦᱮᱸᱫᱮ ᱨᱤᱢᱤᱞ ᱛᱮ ᱫᱟᱯᱟᱞ ᱮᱥᱮᱫ ᱟᱹᱰᱤ ᱜᱮ ᱱᱟᱯᱟᱭ
ᱦᱩᱰᱩᱨ ᱵᱤᱡᱽᱞᱤ ᱫᱟᱜ ᱮ ᱡᱟᱹᱲᱤᱭᱟ
ᱫᱷᱟᱹᱨᱛᱤ ᱨᱮᱱᱟᱝ ᱥᱟᱱᱟᱢ ᱥᱟᱹᱜᱟᱹᱭ ᱡᱤᱭᱟᱹᱲᱚᱜ ᱠᱟᱱ
ᱛᱚᱯᱚᱞ ᱟᱠᱟᱱ ᱡᱚᱴᱟᱣ ᱥᱟᱹᱜᱟᱹᱭ
ᱦᱟᱨᱟ ᱡᱩᱣᱟᱹᱱᱚᱜ ᱠᱟᱱ
ᱯᱚᱴᱟᱣ ᱢᱚᱱᱮ ᱡᱤᱣᱤ ᱦᱚᱸ ᱦᱟᱨᱟ ᱦᱟᱹᱨᱤᱭᱟᱹᱲᱚᱜᱼᱟ ᱾
ᱧᱩᱛᱟᱹᱛ ᱨᱮᱦᱚᱸ ᱢᱟᱨᱥᱟᱞ ᱨᱮᱦᱚᱸ
ᱛᱟᱲᱟᱢ ᱦᱩᱭᱩᱜ ᱫᱩᱠᱷ ᱵᱤᱯᱚᱫᱽ
ᱥᱮᱴᱮᱨ ᱦᱩᱭᱩᱜ ᱥᱟᱺᱜᱤᱧ ᱨᱮᱦᱚᱸ ᱰᱟᱦᱟᱨ
ᱛᱚᱯᱚᱞ ᱟᱠᱟᱱ ᱡᱚᱴᱟᱣ ᱥᱟᱹᱜᱟᱹᱭ
ᱛᱤᱥ ᱦᱚᱸ ᱵᱟᱝᱜᱮ ᱨᱟᱯᱟᱜᱚᱜᱼᱟ ᱾
ᱱᱚᱶᱟ ᱥᱟᱹᱜᱟᱹᱭ ᱵᱟᱝᱜᱮ ᱠᱷᱚᱡᱟᱨᱚᱜ
ᱞᱟᱹᱰᱩ ᱢᱤᱴᱷᱟᱹᱭ ᱜᱩᱲ ᱜᱚᱛᱚᱢ
ᱵᱟᱝᱜᱮ ᱛᱩᱞᱟᱹᱭ ᱨᱮᱸᱜᱮᱡ ᱠᱤᱥᱟᱹᱬ
ᱥᱤᱵᱤᱞ ᱟᱲᱟᱝ ᱠᱟᱛᱷᱟ ᱟᱨ ᱡᱚᱵᱟᱵᱽ
ᱦᱤᱨᱤ ᱦᱤᱯᱤᱨᱤ ᱦᱚᱨᱛᱮ ᱯᱟᱨᱚᱢᱚᱜ
ᱧᱮᱯᱮᱞ ᱪᱤᱱᱦᱟᱹᱯ ᱨᱚᱯᱚᱲ ᱫᱟᱯᱨᱟᱢ ᱜᱮ ᱡᱚᱴᱟᱣ ᱿᱿
***
