ᱚᱠᱟᱨᱮᱪᱚ ᱯᱟᱞᱮ ᱫᱚᱦᱚ ᱞᱮᱫ ᱡᱷᱚᱜ ᱦᱟᱲᱟᱢᱟᱜ ᱦᱟᱯᱟ ᱨᱮᱫᱚ ᱥᱤᱢᱤᱡ ᱞᱟᱴᱠᱟᱣ ᱞᱮᱱᱟ ᱾ ᱟᱫᱚ ᱚᱱᱟ ᱜᱮ ᱱᱷᱟᱜ ᱮ ᱥᱟᱵ ᱥᱚᱡᱷᱮᱭᱮᱜ-ᱟ ᱢᱟ ᱥᱤᱢᱤᱡ ᱫᱚ ᱠᱚᱞᱮᱡᱽ ᱠᱚᱲᱟ ᱥᱟᱹᱞᱠᱷᱩᱣᱟᱜ ᱫᱚᱛᱚ ᱨᱮ ᱡᱮᱨᱮᱲ ᱮᱱᱟ ᱾ ᱥᱤᱢᱤᱡ ᱫᱚ ᱥᱚ ᱠᱮᱫᱮ ᱠᱷᱟᱱ ᱨᱟᱹᱜᱤ ᱛᱮ ᱥᱟᱹᱞᱠᱷᱩ ᱚᱱᱟ ᱦᱟᱯᱟ ᱩᱱᱤ ᱦᱟᱲᱟᱢ ᱮ ᱨᱮᱡ ᱠᱮᱫᱮᱭᱟ ᱾ ᱮᱴᱟᱜ ᱦᱚᱲ ᱦᱟᱸᱦᱟᱸ ᱦᱟᱸᱦᱟᱸ ᱢᱮᱱ ᱵᱟᱲᱟᱭ ᱛᱮᱜᱮ ᱥᱟᱹᱞᱠᱷᱩ ᱦᱟᱯᱟ ᱫᱚ ᱵᱟᱥ ᱜᱟᱹᱰᱤ ᱠᱷᱚᱱᱟᱜ ᱞᱟᱛᱟᱨ ᱥᱮᱫ ᱮ ᱪᱟᱯᱟᱫ ᱜᱤᱰᱤ ᱠᱟᱫ ᱟ ᱾
ᱠᱚᱱᱰᱚᱠᱴᱚᱨ ᱱᱚᱶᱟ ᱠᱟᱛᱷᱟᱭ ᱵᱟᱰᱟᱭ ᱠᱮᱫ ᱠᱷᱟᱱ ᱵᱟᱥ ᱜᱟᱹᱰᱤ ᱛᱤᱝᱜᱩ ᱠᱟᱛᱮ ᱦᱟᱲᱟᱢ ᱦᱟᱯᱟ ᱠᱚ ᱦᱟᱞᱟᱝ ᱟᱹᱜᱩ ᱟᱫᱮᱭᱟ ᱾
ᱜᱟᱹᱰᱤ ᱟᱨᱦᱚᱸ ᱫᱟᱹᱲ ᱮ ᱮᱦᱚᱵ ᱠᱮᱜ-ᱟ ᱾ ᱩᱱᱤ ᱦᱟᱲᱟᱢ ᱥᱟᱹᱞᱠᱷᱩ ᱛᱩᱞᱩᱡ ᱮ ᱢᱮᱱ ᱠᱮᱜ-ᱟ, “ᱤᱠᱟᱹ ᱠᱟᱹᱧ ᱢᱮᱭᱟ ᱵᱟᱹᱵᱩ, ᱵᱟᱰᱟᱭ ᱛᱩᱞᱩᱡ ᱫᱚ ᱱᱚᱶᱟ ᱦᱟᱯᱟ ᱨᱮ ᱥᱤᱢᱤᱡ ᱵᱟᱹᱧ ᱞᱟᱴᱠᱟᱣ ᱟᱠᱟᱜ-ᱟ ᱾ ᱢᱤᱫᱴᱟᱝ ᱠᱟᱛᱷᱟ ᱩᱭᱦᱟᱹᱨ ᱫᱚᱦᱚ ᱠᱟᱜ ᱢᱮ- ᱟᱢ ᱦᱚᱸᱢ ᱦᱟᱲᱟᱢᱚᱜ ᱜᱮᱭᱟ, ᱟᱢ ᱦᱚᱸ ᱢᱤᱫ ᱫᱤᱱ ᱦᱤᱞᱚᱜ ᱠᱟᱹᱲᱯᱩ ᱦᱟᱯᱟ ᱥᱟᱵ ᱦᱩᱭᱩᱟᱢ ᱜᱮᱭᱟ ᱾”
***
