ᱯᱚᱛᱚᱵ ᱧᱩᱛᱩᱢ ᱺ ᱢᱚᱬᱮ ᱤᱥᱤ ᱨᱩᱛᱤ ᱠᱹᱟᱦᱱᱤ
ᱥᱟᱯᱲᱟᱣ ᱨᱮᱺ ᱥᱟᱹᱜᱩᱱ ᱦᱮᱢᱵᱨᱚᱢ ᱟᱨ ᱫᱷᱚᱱᱚᱧᱡᱚᱭ ᱢᱩᱨᱢᱩ
ᱪᱷᱟᱯᱟ ᱥᱚᱫᱚᱨ ᱨᱮᱼ ᱛᱟᱣᱨᱮᱱ ᱯᱚᱵᱞᱤᱠᱮᱥᱚᱱ, ᱱᱟᱣᱟ ᱫᱤᱞᱞᱤ
ISBN NO-978-93-952028-5-5
ᱜᱚᱱᱚᱝ ᱫᱚ- ᱒᱐᱐/-(ᱵᱟᱨ ᱥᱟᱭ ᱴᱟᱠᱟ ᱥᱩᱢᱩᱝ)
ᱯᱚᱛᱚᱵ ᱧᱟᱢᱚᱜ ᱴᱷᱟᱶᱺ ᱯᱚᱛᱚᱵ ᱚᱱᱞᱟᱭᱤᱱ ᱛᱮ ᱧᱟᱢᱚᱜ ᱠᱟᱱᱟ ᱾ ᱯᱚᱛᱚᱵ ᱧᱟᱢᱚᱜ ᱨᱮᱱᱟᱜ ᱞᱤᱸᱠ ᱥᱚᱫᱚᱨ ᱮᱱᱟ ᱾

https://store.pothi.com/book/ebook-sagun-hemram-more-isi-ruti-kahni/

ᱱᱚᱣᱟ ᱚᱱᱞᱟᱭᱤᱱ ᱪᱷᱟᱢᱰᱟ ᱠᱷᱚᱱ ᱱᱚᱣᱟ ᱠᱟᱹᱦᱱᱤ ᱯᱚᱛᱚᱵ ᱛᱚᱞᱟᱥ ᱡᱚᱝ ᱯᱮ ᱾

ᱢᱟᱱ ᱥᱟᱹᱜᱩᱱ ᱦᱮᱢᱵᱨᱚᱢ ᱟᱨ ᱫᱷᱚᱱᱚᱧᱡᱚᱭ ᱢᱩᱨᱢᱩ ᱥᱟᱶᱛᱤᱠᱤᱱ ᱥᱟᱯᱲᱟᱣ ᱟᱠᱟᱫ ᱠᱷᱟᱴᱚ ᱠᱟᱹᱦᱱᱤ ᱯᱚᱛᱚᱵ “ᱢᱚᱬᱮ ᱤᱥᱤ ᱨᱩᱛᱤ ᱠᱹᱟᱦᱱᱤ” ᱨᱮ ᱑᱐᱐ ᱜᱚᱴᱟᱝ ᱠᱷᱟᱴᱚ ᱠᱟᱹᱦᱱᱤ ᱢᱮᱱᱟᱜ-ᱟ ᱾ᱱᱚᱣᱟ ᱥᱟᱭ ᱜᱚᱴᱟᱝ ᱠᱟᱹᱦᱱᱤ ᱯᱚᱛᱚᱵ ᱨᱮ ᱥᱟᱶᱛᱟ ᱟᱱᱟᱴ, ᱟᱸᱫᱷᱟ ᱯᱟᱹᱛᱭᱟᱹᱣ, ᱥᱟ.ᱨᱤ ᱜᱷᱚᱴᱚᱱ, ᱫᱩᱞᱟᱹᱲ-ᱫᱩᱯᱞᱟᱹᱲ, ᱱᱟᱦᱟᱜ ᱡᱩᱜ ᱚᱨᱥᱚᱝ ᱵᱩᱜᱤ ᱵᱟᱹᱲᱤᱡ ᱮᱢᱟᱱ ᱛᱮ ᱥᱟᱡᱟᱣ ᱟᱠᱟᱱ ᱠᱟᱹᱦᱱᱤ ᱯᱮᱨᱮᱡ ᱟᱠᱟᱱᱟ ᱾

ᱥᱟᱯᱲᱮᱫ ᱵᱟᱨᱮᱛᱮ ᱵᱟᱨ ᱯᱚᱫᱽᱺ ᱢᱟᱱ ᱥᱟᱹᱜᱩ ᱦᱮᱢᱵᱨᱚᱢ ᱥᱟᱱᱛᱟᱲ ᱥᱟᱶᱦᱮᱫ ᱨᱤᱱᱤᱡ ᱟᱹᱰᱤ ᱡᱩᱞᱩᱢ ᱟᱱ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱐᱑/᱐᱕/᱑᱙᱙᱘ ᱢᱟᱹᱦᱤᱛ ᱨᱮ ᱵᱮᱝᱜᱚᱞ ᱯᱚᱱᱚᱛ, ᱰᱮᱵᱨᱟ ᱛᱷᱟᱱ ᱢᱩᱠᱥᱩᱫᱯᱩᱨ ᱯᱳᱥᱴ ᱵᱟᱹᱞᱤ ᱵᱟᱸᱫᱟ ᱟᱹᱛᱩᱨᱮ ᱟᱯᱟᱛ ᱥᱩᱱᱤᱞ ᱦᱮᱢᱵᱨᱚᱢ ᱟᱨ ᱟᱭᱚ ᱨᱮᱵᱚᱛᱤ ᱦᱮᱢᱵᱨᱚᱢ ᱠᱚᱞᱮ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱒᱐᱒᱐ ᱥᱟᱞ ᱨᱮ ᱯᱟᱱᱥᱠᱩᱲᱟ ᱵᱚᱱᱚᱢᱟᱲᱤ ᱠᱚᱞᱮᱡᱽ ᱠᱷᱚᱱ ᱮ ᱜᱨᱟᱡᱩᱭᱮᱥᱚᱱ ᱠᱮᱫ-ᱟ ᱟᱨ ᱵᱟᱝᱠᱩᱲᱟ ᱡᱮᱜᱮᱛ ᱦᱤᱨᱫᱟᱹᱜᱟᱲ ᱠᱷᱚᱱ ᱒᱐᱒᱒ ᱥᱟᱞ ᱨᱮ ᱯᱳᱥᱴ ᱜᱨᱟᱡᱩᱭᱮᱥᱚᱱ ᱠᱮᱫᱟᱭ ᱾ ᱟᱡ ᱵᱟᱨ ᱫᱷᱟᱣ ᱭᱩᱡᱤᱥᱤ ᱱᱮᱴ ᱵᱤᱱᱤᱰ ᱮ ᱥᱟᱹᱛ ᱟᱠᱟᱫ-ᱟ ᱟᱨ ᱵᱮᱝᱜᱚᱞ ᱨᱮᱱᱟᱜ ᱥᱮᱴ ᱵᱤᱱᱤᱰ ᱦᱚᱸᱭ ᱥᱟᱹᱛ ᱟᱠᱟᱫ-ᱟ ᱾ ᱟᱡᱟᱜ ᱟᱭᱢᱟ ᱚᱞ ᱚᱱᱚᱞ ᱚᱱᱚᱬᱦᱮ, ᱠᱟᱹᱦᱱᱤ ᱥᱟᱨ ᱥᱟᱹᱜᱩᱱ ᱯᱚᱛᱨᱤᱠᱟ, ᱟᱵᱚᱣᱟᱜ ᱠᱟᱛᱷᱟ, ᱫᱤᱱᱟᱹᱢ ᱠᱷᱚᱵᱚᱨ, ᱟᱞᱮ ᱪᱷᱟᱴᱠᱟ, ᱵᱤᱨᱢᱟᱹᱞᱤ, ᱵᱮᱝᱜᱚᱞ ᱛᱟᱨᱟᱥ, ᱦᱮᱢᱟᱞ ᱟᱲᱟᱝ, ᱚᱱᱚᱲᱦᱮ, ᱦᱮᱞᱠᱟᱣ, ᱥᱟᱨᱡᱚᱢ ᱩᱢᱩᱞ ᱠᱚᱨᱮ ᱪᱷᱟᱯᱟ ᱥᱚᱫᱚᱨ ᱟᱠᱟᱱᱟ ᱾

ᱫᱷᱚᱱᱚᱧᱡᱚᱭ ᱢᱩᱨᱢᱩ ᱥᱟᱱᱛᱟᱲ ᱪᱤᱠᱤ ᱯᱟᱹᱨᱥᱤ ᱨᱮ ᱟᱹᱰᱤᱛᱮᱫ ᱜᱚᱨᱚᱡ ᱢᱮᱱᱟᱜ ᱥᱟᱱᱛᱟᱲ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱯᱩᱥᱪᱤᱢ ᱢᱮᱫᱱᱟᱹᱯᱩᱨ ᱦᱚᱱᱚᱛ ᱠᱷᱚᱲᱚᱜᱯᱩᱨ ᱛᱷᱟᱱᱟ ᱨᱮ ᱢᱮᱱᱟᱜ ᱠᱷᱚᱛᱨᱚᱝᱜᱟ ᱟᱹᱛᱩᱨᱮ ᱒᱕ ᱡᱩᱱ ᱑᱙᱙᱙ ᱨᱮ ᱡᱟᱱᱟᱢ ᱞᱮᱱᱟᱭ ᱾ᱟᱯᱟᱛ ᱧᱩᱛᱩᱢ ᱠᱚᱨᱚᱱ ᱢᱩᱨᱢᱩ, ᱟᱭᱚ ᱧᱩᱛᱩᱢ ᱯᱚᱧᱪᱚᱢᱤ ᱢᱩᱨᱢᱩ ᱾ ᱒᱐᱒᱐ ᱥᱟᱞ ᱨᱮ ᱯᱟᱱᱥᱠᱩᱲᱟ ᱵᱚᱱᱚᱢᱟᱲᱤ ᱠᱚᱞᱮᱡᱽ ᱠᱷᱚᱱ ᱮ ᱜᱨᱟᱡᱩᱭᱮᱥᱚᱱ ᱠᱮᱫ-ᱟ ᱟᱨ ᱒᱐᱒᱒ ᱥᱟᱞ ᱨᱮ ᱵᱤᱫᱭᱟᱥᱟᱜᱚᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱯᱳᱥᱴ ᱜᱨᱟᱡᱩᱭᱮᱥᱚᱱ ᱠᱮᱫᱟᱭ ᱾ᱟᱡ ᱟᱡᱟᱜ ᱭᱩᱡᱤᱥ ᱱᱮᱴ ᱵᱤᱱᱤᱰ ᱢᱤᱫ ᱫᱷᱟᱣ ᱨᱮᱜᱮᱭ ᱥᱟᱹᱛ ᱞᱮᱫ-ᱟ ᱾ ᱱᱤᱛᱚᱜ ᱟᱡ ᱟᱥᱮᱠᱟ ᱨᱮᱱᱟᱜ ᱪᱟᱸᱜᱩᱣᱟᱹᱲ ᱚᱞ ᱤᱛᱩᱱ ᱟᱥᱲᱟ ᱥᱟᱶ ᱡᱚᱲᱟᱣ ᱢᱮᱱᱟᱭᱟ ᱟᱨ ᱚᱞᱪᱤᱠᱤ ᱪᱷᱟᱨᱟᱣ ᱯᱟᱥᱱᱟᱣ ᱠᱟᱹᱢᱤ ᱨᱮ ᱥᱮᱞᱮᱫ ᱢᱮᱱᱟᱭᱟ ᱾

᱾