ᱛᱤᱱᱟᱹᱜ ᱟᱢᱫᱩᱧ
ᱯᱟᱱᱛᱮ ᱢᱮᱭᱟ
ᱛᱮᱦᱮᱸᱧ ᱦᱚᱸᱛᱚ
ᱯᱟᱱᱛᱮ ᱨᱮᱜᱮ ᱢᱤᱱᱟᱹᱧᱟ
ᱚᱲᱟᱜ ᱠᱷᱚᱱ ᱥᱟᱦᱟᱨᱮ
ᱢᱩᱱᱫᱤᱨ, ᱢᱚᱥᱡᱤᱫᱽ, ᱜᱤᱨᱡᱟᱹ
ᱟᱨ ᱠᱷᱮᱨᱣᱟᱲ ᱡᱟᱦᱟᱮᱨ ᱜᱟᱲ ᱨᱮ
ᱥᱟᱶᱛᱮ ᱟᱯᱱᱟᱨ ᱦᱚᱲ ᱠᱚ
ᱛᱟᱞᱟᱨᱮ
ᱮ ᱠᱩᱥᱤ !!
ᱮ ᱨᱟᱹᱥᱠᱟᱹ !!
ᱟᱢ ᱫᱚ ᱵᱷᱟᱞᱟ
ᱚᱠᱟᱨᱮ ᱢᱮᱱᱟᱢᱟ ??

ᱡᱟᱱᱟᱢ ᱫᱟᱛᱟ ᱟᱭᱳ ᱵᱟᱵᱟ
ᱢᱟᱭᱟᱢ ᱥᱟᱹᱜᱟᱹᱭ ᱵᱚᱭᱦᱟ ᱢᱤᱥᱨᱟ
ᱜᱮᱭᱟᱱ ᱫᱟᱛᱟ ᱢᱟᱪᱮᱛ, ᱢᱟᱪᱮᱛᱟᱹᱱᱤ
ᱴᱷᱮᱱᱤᱧ ᱯᱟᱱᱛᱮ ᱢᱮᱨᱮ
ᱚᱠᱟ ᱨᱮᱦᱚᱸ ᱛᱚ
ᱟᱢ ᱢᱟ ᱵᱟᱝ ᱜᱤᱧ ᱧᱟᱢᱮᱫ ᱢᱮ !!

ᱟᱯᱱᱟᱨ ᱦᱚᱲ ᱴᱷᱮᱱ
ᱯᱮᱲᱟ ᱯᱩᱨᱵᱷᱩ ᱴᱷᱮᱱ
ᱥᱩᱨ ᱥᱟᱺᱜᱤᱧ
ᱜᱚᱴᱟᱧ ᱯᱟᱱᱛᱮ ᱢᱮᱨᱮ
ᱤᱧᱟᱜ ᱛᱤ ᱡᱟᱸᱜᱟ ᱫᱚ
ᱚᱨᱚᱜ ᱠᱟᱱᱟ
ᱟᱯᱱᱟᱨᱟᱜ ᱡᱤᱣᱤ ᱠᱚᱬ
ᱜᱚᱴᱟᱧ ᱯᱟᱱᱛᱮ ᱢᱮ
ᱮ ᱠᱩᱥᱤ !!
ᱮ ᱨᱟᱹᱥᱠᱟᱹ !!
ᱢᱚᱴᱷᱮ ᱟᱢ ᱫᱚ
ᱵᱟᱢ ᱧᱟᱢᱚᱜ ᱠᱟᱱᱟ ᱾

ᱛᱟᱲᱟᱢ ᱛᱟᱲᱟᱢ ᱛᱮ
ᱡᱟᱸᱜᱟ ᱦᱚᱸ ᱚᱨᱚᱜ ᱠᱟᱱᱟ
ᱛᱟᱺᱜᱤ ᱵᱮᱲᱟ ᱦᱚᱸ
ᱦᱟᱹᱥᱩᱨᱚᱜ ᱠᱟᱱᱟ
ᱢᱟ ᱵᱷᱟᱞᱟ ᱟᱢ ᱛᱮᱜᱮ ᱞᱟᱹᱭᱩᱜ ᱢᱮ
ᱟᱢ ᱫᱚ ᱚᱠᱟᱨᱮ ᱢᱮᱱᱟᱢᱟ ??

***