ᱠᱷᱮᱨᱶᱟᱲ ᱠᱚᱣᱟᱜ ᱢᱚᱱᱮ ᱫᱚ
ᱵᱟᱦᱟ ᱞᱮᱠᱟ ᱱᱚᱨᱚᱢᱟ,
ᱟᱵᱚ ᱨᱚᱲ ᱛᱮ ᱚᱞ ᱫᱚ
ᱛᱚᱶᱟ ᱞᱮᱠᱟᱜᱮ ᱥᱤᱵᱤᱞᱟ᱿
ᱥᱟᱱᱟᱢ ᱵᱚᱸᱜᱟ ᱨᱮ ᱡᱮᱞᱮᱠᱟ
ᱫᱷᱩᱯ,ᱫᱷᱩᱬᱟᱹ ᱟᱹᱰᱤ ᱜᱮ ᱞᱟᱹᱠᱛᱤᱭᱟ,
ᱥᱤᱸᱫᱩᱨ ᱞᱮᱠᱟᱜᱮ ᱟᱵᱚ ᱚᱞ ᱦᱚᱸ
ᱟᱹᱰᱤ ᱡᱩᱨ ᱜᱮᱭ ᱠᱟᱹᱢᱤᱭᱟ᱿
ᱚᱞ ᱫᱚ ᱚᱢᱚᱨ ᱜᱮᱭᱟ
ᱨᱚᱲ ᱦᱚᱸ ᱥᱟᱹᱨᱤ ᱜᱮᱭᱟ,
ᱟᱢ ᱦᱚᱢ ᱚᱞᱚᱜ ᱠᱷᱟᱱ
ᱡᱮᱜᱮᱛ ᱨᱮ ᱟᱢ ᱦᱚᱢ ᱚᱢᱚᱨᱚᱜᱼᱟ᱿
ᱫᱤᱱᱟᱹᱢ ᱵᱚ ᱪᱟᱞᱟᱜ ᱤᱛᱩᱱ ᱟᱥᱲᱟ
ᱢᱚᱱ ᱮᱢ ᱠᱟᱛᱮ ᱵᱚᱱ ᱚᱞᱚᱜᱼᱟ,
ᱵᱩᱜᱤ ᱵᱟᱹᱲᱤᱡ ᱵᱚ ᱥᱮᱪᱮᱫᱚᱜᱼᱟ
ᱱᱟᱝ ᱰᱟᱦᱟᱨ ᱛᱮᱵᱚ ᱞᱟᱦᱟᱜᱼᱟ᱿
ᱮᱴᱟᱜ ᱚᱞ ᱦᱚᱵᱚ ᱥᱟᱹᱜᱩᱱ ᱫᱟᱨᱟᱢᱟᱜᱼᱟ
ᱫᱤᱥᱚᱢ ᱨᱮ ᱱᱟᱯᱟᱭ ᱦᱚᱲ ᱵᱚ ᱵᱮᱱᱟᱵᱼᱟ,
ᱧᱩᱛᱟᱹᱛ ᱟᱠᱟᱱ ᱠᱷᱮᱨᱶᱟᱲ ᱡᱤᱣᱤ ᱫᱚ
ᱠᱩᱱᱟᱹᱢᱤ ᱪᱟᱸᱫᱚ ᱞᱮᱠᱟ ᱵᱚ ᱢᱟᱨᱥᱟᱞᱟ᱿
ᱯᱟᱥᱱᱟᱣ ᱟᱠᱟᱱ ᱨᱤᱢᱤᱞ ᱨᱮ
ᱵᱷᱩᱨᱠᱟᱹᱜ ᱤᱯᱤᱞ ᱫᱚᱭ ᱢᱤᱫᱴᱟᱹᱝ ᱜᱮ,
ᱟᱴᱮᱫ ᱟᱠᱟᱱ ᱫᱷᱟᱹᱨᱛᱤ ᱨᱮ
ᱵᱩᱜᱤ ᱦᱚᱲ ᱦᱚᱸ ᱠᱚ ᱠᱚᱢ ᱜᱮ᱿
ᱦᱚᱲᱟᱜ ᱢᱚᱱᱮ ᱠᱩᱸᱭ ᱨᱮᱴᱚ ᱞᱮᱠᱟ
ᱥᱮᱬᱟ ᱜᱮ ᱠᱚ ᱞᱟᱹᱭᱩᱜᱼᱟ,
ᱥᱤᱠᱲᱤ ᱩᱭᱦᱟᱹᱨ ᱵᱟᱹᱜᱤ ᱠᱟᱛᱮ
ᱜᱟᱛᱮ ᱜᱟᱛᱮ ᱜᱮᱵᱚ ᱛᱟᱦᱮᱸᱱᱟ᱿
***
ᱵᱤᱨ ᱫᱤᱥᱚᱢ
ᱫᱟᱨᱮ ᱱᱟ.ᱲᱤ ᱛᱮ ᱫᱟᱞᱚᱵ ᱛᱟᱦᱮᱸ ᱞᱮᱱ ᱵᱤᱨ ᱵᱩᱨᱩ ᱛᱮ ᱮᱴᱮᱫ ᱛᱟᱦᱮᱸ ᱞᱮᱱ ᱜᱟᱰᱟ ᱢᱩᱰᱩ ᱛᱮ ᱛᱚᱞ ᱛᱟᱦᱮᱸ ᱞᱮᱱ ᱜᱤᱨᱟ.ᱵᱟ.ᱥᱤ ᱨᱮᱭᱟᱜ ᱵᱤᱨ ᱫᱤᱥᱚᱢ᱿ ᱪᱮᱬᱮ ᱠᱚᱣᱟᱜ ᱥᱮᱨᱮᱧ
September 17, 2023
No Comments
