ᱪᱤᱱᱷᱟᱹᱯ ᱨᱤᱢᱤᱞ ᱨᱮ
ᱪᱤᱱᱷᱟᱹᱯ ᱨᱟᱦᱟᱞᱟ ᱥᱟᱶ
ᱱᱤᱪᱚᱞ ᱜᱮ ᱵᱩᱡᱷᱟᱹᱣ-ᱟ
ᱵᱚᱫᱚᱞ ᱟᱠᱟᱱ ᱡᱩᱜᱽᱨᱮ
ᱛᱤᱱ ᱨᱮ ᱚᱠᱚᱭ ᱨᱟᱦᱟᱞᱟ
ᱛᱟᱹᱨᱩᱵᱚ~ᱜ ᱥᱮ ᱛᱟᱭᱟᱱᱚ~ᱜ
ᱪᱟᱸᱫᱚ ᱵᱚᱝᱜᱟᱭ ᱵᱟᱰᱟᱭᱟ !

ᱥᱮᱨᱢᱟ ᱨᱮ ᱱᱟᱣ ᱤᱯᱤᱞ
ᱧᱮᱞ ᱞᱮᱱᱠᱷᱟᱱ
ᱨᱟᱦᱟᱞᱟ ᱨᱩᱯ ᱠᱚ ᱵᱚᱫᱚᱞ-ᱟ
ᱢᱟᱰᱨᱟᱣ ᱟᱹᱪᱩᱨᱚᱜ ᱨᱟᱦᱟᱞᱟ
ᱜᱷᱟᱱᱮ ᱛᱟᱭᱚᱢ ᱢᱟᱬᱟᱝ
ᱱᱟᱣᱟ ᱤᱯᱤᱞ ᱨᱤᱡᱷᱟᱹᱣ ᱦᱚᱪᱚᱜ ᱾

ᱜᱚᱲᱚ ᱦᱚᱪᱚᱢ ᱢᱮᱱ-ᱟ
ᱮᱱ ᱨᱮᱦᱚᱸ ᱟᱢᱫᱚ ᱤᱯᱤᱞ
ᱦᱩᱭᱟᱢ ᱜᱮᱭᱟ ᱛᱟᱲᱟᱢ
ᱟᱢᱟᱜ ᱡᱤᱣᱤ ᱫᱩᱜ ᱟᱛᱮ
ᱟᱹᱣᱨᱤ ᱟᱸᱜᱟᱜ ᱵᱷᱩᱨ
ᱨᱟᱦᱟᱞᱟ ᱛᱟᱞᱟ ᱛᱟᱞᱟ ᱛᱮ ᱾

ᱞᱮᱵᱮᱫ ᱟᱛᱮ ᱨᱟᱦᱟᱞᱟ ᱦᱟᱜ ᱫᱮᱭᱟ
ᱟᱢ ᱦᱚᱸ ᱥᱟᱡᱟᱣ ᱦᱩᱭ ᱟᱢᱟ
ᱵᱷᱤᱲᱠᱤ ᱨᱮᱱᱟᱜ ᱨᱩᱯ
ᱮᱨᱮᱲ ᱟᱛᱮ ᱨᱟᱦᱟᱞᱟ
ᱥᱮᱴᱮᱨ ᱦᱩᱭ ᱟᱢ ᱥᱮᱛᱟᱜ ᱨᱮ
ᱯᱩᱭᱞᱩ ᱛᱟᱨᱟᱥ ᱥᱟᱶ ᱧᱮᱯᱮᱞ ᱾᱾

                                                                        ***