ᱟᱭᱚ ᱠᱚᱞᱮ ᱠᱷᱚᱱ ᱡᱟᱱᱟᱢ ᱛᱟᱭᱚᱢ
ᱫᱷᱟᱨᱛᱤ ᱟᱭᱚ ᱥᱟᱹᱜᱩᱱ ᱫᱟᱨᱟᱢ ᱥᱟᱶᱛᱮ
ᱡᱟᱱᱟᱢ ᱟᱭᱚ ᱠᱚᱞᱮ ᱩᱨᱜᱩᱢ ᱦᱟᱸᱵᱩᱫ
ᱵᱩᱡᱷᱟᱹᱣ ᱜᱚᱫᱚᱜ ᱟᱹᱰᱤ ᱨᱟᱹᱥᱠᱟᱹ ᱾
ᱨᱮᱜᱮᱸᱡ ᱛᱮᱛᱟᱝ ᱨᱮ ᱮᱴᱠᱮᱴᱚᱬᱮ ᱨᱮ
ᱨᱟᱜ ᱥᱟᱱᱟ ᱟᱹᱰᱤ ᱡᱩᱨ ᱜᱮ
ᱟᱭᱚ ᱟᱲᱟᱝ ᱥᱟᱰᱮ ᱢᱚᱱᱮ ᱵᱷᱩᱞᱟᱹᱣ ᱜᱚᱫᱮ
ᱵᱩᱡᱷᱟᱹᱣ ᱜᱚᱫᱚᱜ ᱟᱹᱰᱤ ᱨᱟᱹᱥᱠᱟᱹ ᱾
ᱟᱸᱥ ᱢᱚᱱᱮ ᱡᱤᱣᱤ ᱡᱚᱢᱟᱜ ᱧᱩᱣᱟᱜ ᱞᱟᱹᱜᱤᱫ
ᱡᱟᱹᱨᱤ ᱩᱥᱟᱹᱫ ᱜᱚᱫᱚᱜ ᱩᱛᱤᱥᱩᱛᱤ
ᱛᱷᱟᱨᱤ ᱨᱮ ᱛᱚᱣᱟ ᱫᱟᱠᱟ ᱫᱩᱞᱟᱹᱲ ᱦᱚ ᱦᱚ ᱥᱟᱶ
ᱵᱩᱡᱷᱟᱹᱣ ᱜᱚᱫᱚᱜ ᱟᱹᱰᱤ ᱨᱟᱹᱥᱠᱟᱹ ᱾
ᱟᱱᱟᱴ ᱥᱟᱦᱟᱭ ᱞᱟᱹᱜᱤᱫ ᱠᱟᱹᱢᱤ ᱱᱟᱞᱦᱟᱭ ᱪᱟᱞᱟᱜ
ᱢᱚᱱᱮ ᱡᱤᱣᱤ ᱟᱹᱰᱤᱭ ᱨᱟᱜ ᱩᱥᱟᱹᱫᱚᱜ
ᱟᱭᱚᱭ ᱨᱩᱣᱟᱹᱲ ᱦᱟᱹᱡᱩᱜ ᱢᱚᱱᱮ ᱡᱤᱣᱤᱭ ᱞᱟᱸᱫᱟᱭ
ᱵᱩᱡᱷᱟᱹᱣ ᱜᱚᱫᱚᱜ ᱟᱹᱰᱤ ᱨᱟᱹᱥᱠᱟᱹ ᱾
ᱡᱟᱱᱟᱢ ᱟᱭᱚ ᱥᱚᱦᱟᱜᱽ ᱫᱩᱞᱟᱹᱲ
ᱡᱚᱠᱷᱟ ᱵᱟᱹᱱᱩᱜ ᱟᱱᱟ
ᱥᱮᱨᱢᱟ ᱠᱷᱚᱱ ᱟᱨ ᱦᱚᱸᱧᱟᱞᱟᱫ
ᱯᱟᱛᱟᱞ ᱠᱷᱚᱱ ᱦᱚᱸ ᱜᱟᱺᱦᱤᱨ ᱜᱮᱭᱟ ᱾
ᱟᱭᱚ ᱤᱥᱤᱱ ᱫᱟᱠᱟ ᱩᱛᱩ ᱧᱮᱞᱛᱮ ᱵᱟᱝ ᱟᱠᱚᱴᱚᱜ
ᱡᱚᱢ ᱞᱟᱹᱜᱤᱫ ᱢᱚᱱᱮ ᱞᱩᱦᱩᱠ ᱵᱟᱲᱟᱭ
ᱚᱝ ᱠᱟᱛᱮ ᱟᱭᱚ ᱫᱟᱠᱟᱭ ᱮᱢᱚᱜ
ᱵᱩᱡᱷᱟᱹᱣ ᱜᱚᱫᱚᱜ ᱟᱹᱰᱤ ᱨᱟᱹᱥᱠᱟᱹ ᱾
ᱥᱟᱹᱜᱤᱧ ᱫᱤᱥᱚᱢ ᱥᱮᱱᱚᱜ ᱚᱲᱟᱜ ᱜᱮ ᱩᱭᱦᱟᱹᱨᱚᱜ
ᱯᱟᱪᱮ ᱚᱱᱟᱜᱮ ᱟᱭᱚ ᱥᱚᱦᱟᱜᱽ ᱫᱩᱞᱟᱹᱲ
ᱨᱚᱲ ᱥᱟᱰᱮ ᱛᱟᱠᱮᱨᱚᱜ ᱟᱭᱚ ᱟᱲᱟᱝ
ᱵᱩᱡᱷᱟᱹᱣ ᱜᱚᱫᱚᱜ ᱟᱹᱰᱤ ᱨᱟᱹᱥᱠᱟᱹ ᱾
ᱵᱟᱵᱟᱭ ᱨᱚᱦᱮᱫᱽ ᱟᱭᱚᱭ ᱠᱟᱦᱮᱫᱽ
ᱥᱟᱫᱮᱨ ᱵᱮᱴᱟ ᱛᱤᱧ ᱮ ᱢᱮᱱ
ᱟᱭᱚ ᱵᱟᱵᱟ ᱥᱮᱪᱮᱫ ᱨᱟᱜ ᱢᱚᱪᱟᱭ ᱞᱟᱸᱫᱟᱭ
ᱵᱩᱡᱷᱟᱹᱣ ᱜᱚᱫᱚᱜ ᱟᱹᱰᱤ ᱨᱟᱹᱥᱠᱟᱹ ᱾
ᱟᱭᱚ ᱵᱮᱜᱚᱨ ᱵᱟᱵᱟ ᱵᱟᱵᱟ ᱵᱮᱜᱚᱨ ᱟᱭᱚ
ᱟᱭᱚ ᱵᱟᱵᱟ ᱵᱮᱜᱚᱨ ᱟᱹᱰᱤ ᱫᱩᱠᱷ ᱜᱮ
ᱡᱤᱭᱚᱱ ᱠᱷᱟᱱᱰᱟᱣ ᱞᱟᱹᱜᱤᱫ ᱡᱤᱛᱠᱟᱹᱨ ᱦᱚᱨ ᱠᱤᱱ ᱩᱫᱩᱜ
ᱵᱩᱡᱷᱟᱹᱣ ᱜᱚᱫᱚᱜ ᱟᱹᱰᱤ ᱨᱟᱹᱥᱠᱟ ᱾
ᱦᱚᱯᱚᱱ ᱵᱤᱴᱤ
ᱭᱳ……ᱭᱳ…….ᱮ ᱭᱳ ᱦᱮᱢᱮ ᱠᱟᱺᱧ ᱢᱮᱥᱮ ᱭᱳ…. ᱥᱟᱨᱟ ᱜᱷᱟ.ᱲᱤ ᱰᱟᱸᱰᱟ ᱨᱮ, ᱦᱚᱵᱚᱨ ᱠᱟᱺᱧ ᱢᱮᱥᱮ ᱭᱳ ᱟᱢᱟᱜ ᱦᱚᱵᱚᱨ ᱨᱮ ᱜᱩᱸᱜᱩᱫ ᱠᱟᱺᱧ ᱢᱮᱥᱮ ᱭᱳ ᱟᱢᱟᱜ ᱛᱟᱨᱮᱱ ᱨᱮ ᱾
June 29, 2022
No Comments
