ᱩᱨᱩᱱ ᱵᱩᱨᱩᱱ ᱢᱚᱧᱪᱳ ᱯᱩᱨᱤ
ᱵᱤᱨ ᱢᱟ ᱜᱚᱴᱟ ᱯᱮᱨᱮᱡ ᱞᱮᱱ
ᱡᱤᱵᱼᱡᱤᱭᱟᱹᱞᱤ ᱡᱤᱱᱛᱤᱼᱯᱤᱯᱤᱲᱤ
ᱟᱰᱤ ᱜᱟᱱ ᱠᱚ ᱥᱟᱸᱜᱮ ᱭᱮᱱ ᱾

ᱵᱤᱨ ᱜᱟᱡᱟᱲ ᱠᱚ ᱢᱟᱜ ᱯᱷᱟᱫᱟ ᱠᱟᱛᱮ
ᱟᱛᱩ ᱫᱤᱥᱚᱢ ᱮᱢ ᱵᱮᱱᱟᱣ ᱠᱮᱛ
ᱟᱹᱫᱤᱢ ᱢᱮᱱᱛᱮᱢ ᱩᱯᱨᱩᱢ ᱟᱱᱛᱮ
ᱨᱮᱞᱟᱣ ᱮᱱᱮᱢ ᱞᱟᱦᱟ ᱥᱮᱛ ᱾

ᱞᱟᱦᱟ ᱞᱮᱱᱮᱢ ᱠᱤᱥᱟᱹᱬ ᱞᱮᱱᱮᱢ
ᱨᱮᱡ ᱦᱚᱪᱚᱭᱮᱱᱮᱢ
ᱵᱩᱫᱷᱤ ᱜᱮᱭᱟᱱ ᱠᱩᱨᱩᱢᱩᱴᱩ ᱛᱟᱭᱚᱢ
ᱠᱷᱟᱞᱤᱭᱮᱱ ᱛᱟᱢ ᱮᱱᱮᱢ ᱾

ᱪᱟᱹᱭ ᱪᱟᱢᱯᱟ ᱵᱟᱫᱚᱞᱤ ᱠᱚᱭᱸᱰᱟ
ᱜᱮᱞᱵᱟᱨ ᱪᱩᱲᱟᱹ ᱫᱚᱞᱟᱱ
ᱵᱚᱨᱚ ᱦᱚᱪᱚᱭᱮᱱᱮᱢ ᱛᱩᱲᱩᱠ ᱛᱩᱯᱩᱫ ᱨᱮ
ᱥᱟᱦᱟ ᱵᱟᱜᱤ ᱠᱟᱛᱮ ᱢᱮᱞᱟᱱ ᱾

ᱤᱱᱟᱹ ᱛᱟᱭᱚᱢ ᱟᱨᱡᱚ ᱮᱢᱟᱱ
ᱵᱤᱨᱫᱟᱹ ᱵᱷᱤᱞᱠᱤ ᱠᱮᱛ ᱢᱮ
ᱟᱠᱚᱛᱮ ᱵᱮᱱᱟᱣ ᱟᱨᱤᱪᱟᱞᱤ
ᱥᱮᱛ ᱠᱚ ᱜᱚᱭᱚᱱ ᱠᱮᱛ ᱢᱮ ᱾

ᱟᱯᱱᱟᱨ ᱥᱟᱶᱛᱟ ᱥᱚᱨᱮᱥ ᱥᱟᱶᱛᱟ
ᱢᱟᱨᱟᱝ ᱚᱜ ᱮᱢ ᱚᱱᱟ ᱛᱮᱜᱮ
ᱩᱱᱡᱷᱚᱜ ᱚᱱᱟᱢ ᱦᱤᱲᱤᱧ ᱠᱮᱛ ᱛᱮ
ᱱᱤᱛ ᱦᱚᱸᱢ ᱛᱟᱭᱚᱢ ᱮᱱ ᱜᱮ ᱾

ᱡᱚᱛᱚ ᱠᱚᱜᱮ ᱠᱚ ᱞᱟᱦᱟ ᱭᱮᱱᱟ
ᱚᱠᱛᱚ ᱛᱩᱞᱩᱡ ᱟᱱᱠᱚ
ᱟᱯᱱᱟᱨ ᱴᱷᱮᱱ ᱜᱮ ᱦᱟᱬᱟᱜ
ᱢᱮᱱᱟᱢ ᱵᱟᱭᱨᱤ ᱠᱟᱱ ᱠᱚ ᱾

ᱟᱢ ᱦᱚᱸ ᱢᱟᱹᱱᱢᱤ ᱩᱱᱠᱩ ᱦᱚᱸ ᱢᱟᱹᱱᱢᱤ
ᱪᱟᱜ ᱫᱚ ᱟᱹᱫᱤᱢ ᱛᱟᱭᱚᱢ
ᱠᱟᱹᱭ ᱢᱮᱱᱟᱜ ᱛᱮᱜᱮ ᱚᱱᱟᱛᱮ ᱱᱚᱜ ᱚᱭ
ᱚᱠᱛᱚᱭ ᱨᱚᱨᱚᱲ ᱵᱟᱢ ᱟᱸᱡᱚᱢ ᱾

ᱨᱮᱸᱜᱮᱡ ᱚᱲᱟᱜ ᱨᱮᱢ ᱡᱟᱱᱟᱢ ᱮᱱᱛᱮ
ᱪᱤᱠᱟᱹᱢ ᱜᱩᱱᱦᱟᱹ ᱦᱟᱠᱟᱛ
ᱨᱮᱸᱜᱮᱡ ᱠᱷᱚᱱᱮᱢ ᱠᱤᱥᱟᱹᱬᱚᱜ ᱟ
ᱴᱷᱤᱠᱟᱹ ᱢᱮᱠᱚ ᱫᱷᱟᱨᱛᱤ ᱡᱟᱠᱟᱛ᱾

ᱱᱟᱦᱟᱜ ᱡᱩᱜ ᱢᱟ ᱴᱟᱠᱟ ᱯᱩᱭᱥᱟᱹ
ᱟᱨᱡᱟᱣ ᱦᱩᱭᱩᱜ ᱜᱮᱭᱟ
ᱚᱱᱟ ᱜᱮ ᱟᱹᱫᱤᱢ ᱥᱟᱧᱪᱟᱣ ᱠᱟᱜ ᱢᱮ
ᱡᱚᱛᱚ ᱠᱚ ᱢᱟᱱᱚᱛ ᱢᱮᱭᱟ ᱾

ᱟᱨᱡᱟᱣ ᱠᱟᱛᱮ ᱟᱨᱡᱟᱣ ᱵᱟᱝ ᱠᱟᱱ
ᱥᱟᱧᱪᱟᱣ ᱵᱟᱹᱱᱩᱜ ᱠᱷᱟᱱ
ᱥᱟᱧᱪᱟᱣ ᱠᱟᱛᱮ ᱴᱟᱠᱟ ᱵᱟᱹᱰ ᱵᱟᱝᱠᱷᱟᱱ
ᱠᱤᱥᱟᱹᱬᱚᱜ ᱪᱤᱠᱟᱹᱢ ᱜᱟᱱ ᱾

ᱱᱤᱛ ᱦᱚᱸ ᱟᱫᱤᱢ ᱮᱢ ᱵᱩᱞ ᱟᱠᱟᱱ ᱜᱮ
ᱚᱠᱛᱚ ᱱᱟᱥᱟᱣ ᱠᱚᱨᱮ
ᱱᱚᱝᱠᱟ ᱛᱮᱫᱚ ᱚᱦᱚᱢ ᱠᱤᱥᱟᱹᱬᱚᱜ
ᱟᱢ ᱜᱮ ᱱᱟᱥᱟᱣᱜ ᱦᱚᱨ ᱨᱮ ᱾

ᱠᱩᱠᱢᱩᱢ ᱧᱮᱞᱟ ᱡᱟᱯᱤᱛ ᱠᱟᱛᱮ
ᱨᱟᱹᱥᱠᱟᱹ ᱨᱚᱢᱚᱡ ᱨᱮᱢ ᱩᱰᱟᱹᱣᱜ
ᱟᱨᱡᱟᱣ ᱵᱟᱝᱠᱷᱟᱱ ᱮᱵᱷᱮᱱ ᱠᱟᱛᱮ ᱦᱚᱸ
ᱵᱚᱝᱥᱚ ᱡᱟᱠᱮᱢ ᱵᱩᱰᱟᱹᱣᱜ ᱾

ᱜᱮᱭᱟᱱ ᱵᱟᱹᱱᱩᱜ ᱦᱚᱲ ᱠᱩᱨᱩᱢᱩᱴᱩ ᱠᱟᱛᱮ
ᱡᱚᱢᱟᱜ ᱥᱩᱢᱩᱝ ᱠᱚ ᱟᱨᱡᱟᱣ
ᱜᱮᱭᱟᱱ ᱟᱱ ᱦᱚᱲ ᱫᱚ ᱟᱨᱡᱟᱣ ᱥᱟᱶᱛᱮ
ᱥᱮᱪᱮᱫᱚᱜ ᱥᱮᱱ ᱠᱚ ᱥᱟᱡᱟᱣ ᱾

ᱦᱚᱲ ᱠᱚ ᱨᱚᱲᱟ ᱢᱚᱱᱮ ᱠᱚ ᱜᱚᱦᱚᱲᱟ
ᱵᱟᱢ ᱜᱟᱱᱟ ᱠᱚ ᱢᱮᱱᱟ
ᱞᱟᱦᱟ ᱞᱮᱱ ᱠᱷᱟᱱᱮᱢ ᱦᱚᱨ ᱠᱚ ᱠᱚᱭᱚᱜᱽ
ᱟᱢᱟᱜ ᱯᱟᱸᱡᱟ ᱠᱚ ᱨᱟᱱᱟ ᱾

ᱪᱮᱫᱚᱜ ᱢᱮ ᱟᱨᱡᱟᱣ ᱥᱟᱶᱛᱮ ᱪᱟᱨᱦᱮ
ᱚᱱᱟᱜᱮ ᱵᱩᱫᱷᱤ ᱜᱮᱭᱟᱱᱚᱜ
ᱚᱱᱟᱛᱮ ᱫᱤᱱ ᱜᱮ ᱞᱟᱦᱟ ᱦᱟᱠᱟᱢ ᱛᱟᱦᱮᱸ ᱱ
ᱨᱮᱸᱜᱮᱡ ᱠᱷᱚᱱᱮᱢ ᱠᱤᱥᱟᱹᱬᱚᱜ ᱾

Facebook
Twitter
WhatsApp
Telegram

ᱢᱩᱪᱟᱹᱫ ᱢᱩᱪᱟᱹᱫ ᱢᱩᱪᱟᱹᱫ

ᱟᱨᱦᱚᱸ ᱧᱮᱞᱢᱮ

ᱚᱞ ᱵᱟᱹᱛᱤ

ᱟᱢᱟᱜ ᱦᱚᱸ ᱢᱮᱱᱟᱜ ᱛᱟᱢ ᱚᱞ ᱨᱚᱲ ᱚᱱᱟᱛᱮ ᱥᱮᱪᱮᱫᱚᱜ ᱢᱮ, ᱮᱴᱟᱜ ᱟᱲᱟᱝ ᱪᱮᱫ ᱫᱚ ᱟᱢᱟᱜ ᱟᱲᱟᱝ ᱞᱚᱦᱚᱢᱚᱜ ᱛᱟᱢ ᱚᱱᱟ ᱦᱚᱸ ᱫᱤᱥᱟ.ᱭ ᱢᱮ ᱾ ᱮᱴᱟᱜ ᱪᱤᱠᱤ ᱪᱮᱫ

Read More »

ᱠᱚᱭᱮᱞ ᱟᱲᱟᱝ

ᱡᱷᱩᱲ ᱫᱟᱨᱮ ᱞᱟᱴᱟ ᱠᱷᱚᱱ ᱪᱮᱫᱟᱜ ᱮᱢ ᱠᱩᱦᱩ ᱮᱫ ᱠᱚᱭᱮᱞ ᱟᱢᱟᱜ ᱠᱩᱦᱩ ᱠᱩᱦᱩ ᱟᱲᱟᱝ ᱛᱮ ᱠᱚᱭᱮᱞ ᱤᱧᱟᱜ ᱢᱚᱱᱮ ᱵᱟᱹᱲᱤᱡᱚᱜ ᱠᱟᱱ᱾ ᱟᱢ ᱞᱮᱠᱟ ᱢᱟ ᱵᱟᱹᱧ ᱠᱩᱦᱩ ᱫᱟᱲᱮᱭᱟᱜ

Read More »

ᱱᱟᱶᱟᱱᱟᱜ

ᱚᱱᱚᱬᱦᱮ
ᱢᱤᱜᱽᱨᱟᱭ ᱦᱮᱢᱵᱽᱨᱚᱢ

ᱜᱩᱨᱩ ᱰᱟᱦᱟᱨ

ᱜᱩᱨᱩ ᱜᱚᱢᱠᱮᱭ ᱩᱫᱩᱜᱽ ᱟᱠᱟᱫ ᱨᱟ.ᱭᱞᱟ. ᱪᱤᱠᱟ.ᱲ ᱰᱟᱦᱟᱨ ᱿ ᱚᱱᱟ ᱰᱟᱦᱟᱨ ᱛᱮ ᱫᱮᱞᱟ ᱟᱫᱤᱢ ᱢᱚᱱᱮ ᱢᱩᱨᱩᱠ ᱟᱵᱚᱱ ᱿ ᱜᱩᱨᱩ ᱩᱫᱩᱜ ᱰᱟᱦᱟᱨ ᱟᱫᱤᱢ ᱥᱚᱱᱚᱛ ᱪᱤᱠᱟ.ᱲ ᱰᱟᱦᱟᱨ᱿ ᱚᱱᱟ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ