ᱥᱤᱨᱡᱚᱱᱤᱭᱟ.ᱭ ᱜᱚᱲᱦᱚᱱ ᱠᱮᱫ ᱞᱟᱝ,
ᱞᱮᱵᱮᱫ ᱠᱮᱜ-ᱟ ᱞᱟᱝ ᱫᱷᱟ.ᱨᱛᱤ ᱯᱩᱨᱤ ;
ᱢᱟᱨᱟᱝ ᱵᱳᱨᱳᱭ ᱛᱷᱩᱢ ᱟᱫ ᱞᱟᱝ,
ᱥᱟ.ᱜᱟ.ᱭ ᱠᱮᱜ-ᱟ ᱞᱟᱝ ᱛᱤᱨᱤ-ᱡᱩᱨᱤ !
ᱛᱟᱦᱮᱸ ᱭᱮᱱᱟᱞᱟᱝ ᱦᱮᱥᱮᱡ- ᱥᱮᱠᱮᱡ,
ᱵᱤᱨ-ᱵᱳᱨᱳ ᱛᱟᱞᱟ ᱨᱮ;
ᱫᱟᱨᱮ ᱱᱟ.ᱲᱤ ᱦᱚᱸ ᱞᱮᱜᱮᱡ-ᱞᱮᱜᱮᱡ,
ᱵᱟ.ᱱᱩᱜ ᱟᱱᱟᱝ ᱪᱮᱫ ᱡᱟᱞᱟ ᱜᱮ !
ᱧᱩᱢ ᱠᱮᱫ ᱞᱟᱝ ᱮ,
ᱢᱤᱫ ᱵᱩᱰᱷᱤ ᱢᱤᱫ ᱦᱟᱲᱟᱢ ;
ᱥᱟ.ᱜᱩᱱ ᱟᱫ ᱞᱟᱝ ᱮ,
ᱥᱟᱶ- ᱥᱟᱶ ᱛᱟᱲᱟᱢ !
ᱵᱚᱸᱜᱟ-ᱵᱳᱨᱳ ᱛᱷᱩᱢ ᱫᱟᱲᱮ,
ᱯᱟᱨᱟᱵᱽ-ᱯᱩᱱᱟ.ᱭ ᱨᱟ.ᱥᱠᱟ. ᱮᱱᱮᱡ;
ᱞᱟᱸᱫᱟᱭ ᱵᱟᱲᱮ ᱠᱟᱛᱷᱟ ᱵᱟᱲᱮ,
ᱚᱸᱰᱚᱠ ᱮᱱᱟ ᱞᱟᱝ ᱫᱤᱥᱚᱢ ᱯᱮᱨᱮᱡ !
ᱥᱤᱧ ᱪᱟᱸᱫᱚᱭ ᱢᱟᱨᱥᱟᱞ ᱞᱮᱫ,
ᱡᱟᱱᱟᱢ ᱮᱱ ᱠᱚ ᱮᱭᱟᱭ ᱠᱚᱲᱟ ᱮᱭᱟᱭ ᱠᱩᱲᱤ;
ᱧᱤᱸᱫᱟ. ᱪᱟᱸᱫᱚ ᱦᱚᱸᱭ ᱟᱨᱥᱟᱞ ᱞᱮᱫ,
ᱚᱴᱟᱝ ᱞᱮᱫ ᱠᱚ ᱱᱚᱣᱟ ᱫᱷᱟ.ᱨᱛᱤ ᱫᱷᱩᱲᱤ !
ᱛᱟᱦᱮᱸ ᱭᱮᱱᱟ ᱞᱟᱝ ᱡᱩᱨᱤ-ᱯᱟ.ᱨᱤ,
ᱥᱩᱛᱩᱜ-ᱥᱩᱯᱩᱛᱩᱜ ᱯᱟ.ᱨᱤ-ᱯᱟ.ᱨᱤ;
ᱥᱚᱱᱟ ᱜᱤᱱᱟ. ᱥᱚᱱᱟ ᱛᱷᱟ.ᱨᱤ,
ᱱᱟᱜᱟᱢ ᱨᱮ ᱛᱟᱦᱮᱸᱭᱮᱱ ᱥᱟ.ᱨᱤ- ᱥᱟ.ᱨᱤ !
***
