ᱡᱟᱱᱟᱢ ᱮᱱᱟᱢ ᱫᱟᱨᱟᱦᱟᱨᱟ
ᱪᱟᱛᱚᱢ ᱚᱲᱟᱜ ᱨᱮ
ᱦᱟᱨᱟᱭᱮᱱᱟᱢ ᱞᱮᱸᱜᱮᱡ ᱞᱮᱸᱜᱮᱡ
ᱥᱟᱶᱛᱟ ᱛᱟᱞᱟᱨᱮ ᱾
ᱚᱞᱚᱜ ᱟᱹᱠᱤᱞ ᱥᱮᱲᱟ ᱠᱟᱛᱮᱜ
ᱦᱟᱹᱨ ᱟᱱᱟᱢ ᱜᱮᱭᱟᱱ
ᱠᱟᱹᱢᱤ ᱪᱟᱹᱠᱨᱤ ᱡᱚᱴᱟᱣ ᱠᱟᱛᱮᱜ
ᱟᱫ ᱠᱮᱫᱟᱢ ᱫᱷᱮᱭᱟᱱ ᱾
ᱦᱤᱲᱤᱧ ᱠᱮᱫᱟᱢ ᱡᱟᱱᱟᱢ ᱨᱚᱲ
ᱪᱷᱟᱹᱛᱤᱠ ᱠᱚᱜᱮ ᱟᱢᱨᱮᱱ ᱦᱚᱲ,
ᱥᱟᱱᱛᱟᱲ ᱢᱟ ᱠᱚ ᱦᱩᱭᱮᱱ ᱞᱟᱛᱟᱨ
ᱚᱱᱟᱛᱮᱢ ᱧᱟᱢᱟᱱ ᱫᱤᱠᱩ ᱡᱚᱲ ᱾
ᱫᱮᱥᱮ ᱩᱭᱦᱟᱹᱨᱢᱮ ᱫᱤᱠᱩ ᱠᱚᱣᱟᱜ
ᱫᱤᱱᱜᱮ ᱨᱚᱰᱚᱪ ᱠᱚᱪᱞᱚᱱ
ᱥᱟᱱᱛᱟᱲ ᱪᱮᱛᱟᱱ ᱫᱤᱱ ᱫᱤᱱ
ᱱᱟᱦᱟᱪᱟᱨ ᱚᱯᱚᱥᱟᱥᱚᱱ ᱾
ᱫᱮᱥᱮ ᱨᱩᱣᱟᱹᱲᱢᱮ ᱫᱟᱨᱟᱦᱟᱨᱟ
ᱪᱟᱛᱚᱢ ᱚᱲᱟᱜᱛᱮ
ᱫᱤᱥᱟᱹᱢ ᱛᱟᱞᱟᱨᱮ ᱜᱚᱨᱚᱵᱽ ᱟᱛᱮᱜ
ᱫᱚᱦᱚᱭᱥᱢᱮ ᱩᱯᱨᱩᱢ ᱥᱟᱶᱛᱟ ᱛᱟᱞᱟᱛᱮ ᱾

***