ᱱᱚᱣᱟ ᱫᱤᱥᱚᱢ ᱨᱤᱱᱤᱡ ᱟ.ᱫᱤᱢ
ᱟᱢᱜᱮ ᱯᱩᱭᱞᱩᱜ ᱢᱟᱱᱚᱣᱟ ᱿
ᱱᱟᱜᱟᱢ ᱨᱮᱜᱮ ᱠᱷᱚᱫᱟ ᱵᱟ.ᱱᱩᱜ
ᱟᱢ ᱧᱩᱛᱩᱢ ᱠᱟᱱᱚᱣᱟ ᱿
ᱫᱷᱤᱨᱤ,ᱫᱟᱨᱮ,ᱚᱛ ᱦᱟᱥᱟ
ᱡᱚᱛᱚ ᱟᱢᱟᱜ ᱫᱷᱚᱱ ᱿
ᱟᱢᱟᱜ ᱧᱩᱛᱩᱢ ᱨᱮᱜᱮ ᱢᱮᱱᱟᱜ ᱚᱱᱟ
ᱟ.ᱜᱤᱞ ᱦᱟᱯᱲᱟᱢ ᱵᱤᱫᱟ.ᱞ ᱠᱷᱚᱱ ᱿
ᱚᱛ ᱦᱟᱥᱟ ᱮᱛᱚᱢ ᱠᱚᱧᱮ
ᱦᱚᱠ ᱟ.ᱭᱫᱟ.ᱨᱤ ᱢᱟᱛᱟᱢ ᱵᱟ.ᱱᱩᱜ ᱿
ᱡᱚᱻᱡᱚᱢ ᱵᱤᱫᱟ.ᱞ ᱚᱱᱟ ᱛᱮᱜᱮ
ᱟᱢ ᱫᱚ ᱜᱷᱟᱱᱮᱢ ᱦᱟ.ᱱᱩᱜ ᱿
ᱫᱷᱚᱱ ᱛᱮᱢᱟᱢ ᱠᱤᱥᱟ.ᱬᱟᱠᱟᱱ
ᱢᱚᱱ ᱛᱮᱢᱟᱢ ᱨᱮᱸᱜᱮᱡ ᱜᱮ ᱿
ᱦᱚᱲ ᱛᱮᱢᱟᱢ ᱥᱟᱝᱜᱮ ᱜᱮᱭᱟ
ᱡᱩᱢᱤᱫᱽ ᱛᱮᱢᱟᱢ ᱞᱤᱪᱟ.ᱲ ᱜᱮ ᱿
ᱵᱤᱦᱟᱨ,ᱵᱮᱝᱜᱚᱞ,ᱡᱷᱟᱨᱠᱟᱱᱰ,ᱳᱰᱤᱥᱟ,ᱟᱥᱟᱢ
ᱟ.ᱫᱤᱢ ᱜᱚᱴᱟ ᱯᱟᱲᱟ ᱢᱮᱱᱟᱢ ᱿
ᱡᱩᱢᱤᱫ ᱵᱟᱝᱛᱮ ᱱᱤᱛ ᱦᱚᱸ ᱢᱮᱱᱟᱢ
ᱟᱢ ᱫᱚ ᱦᱤᱴᱟ.ᱝ ᱡᱟᱲᱟᱝ ᱿
ᱚᱞ,ᱨᱚᱲ,ᱦᱚᱨᱚᱜ ᱵᱟᱱᱫᱮ
ᱥᱮᱵᱟ ᱥᱮᱨᱣᱟ ᱥᱟᱱᱟᱢ ᱿
ᱫᱷᱟ.ᱨᱛᱤ ᱡᱟᱠᱟᱛ ᱨᱮ ᱥᱟᱱᱟᱢ
ᱢᱤᱫ ᱜᱮ ᱛᱟᱵᱚ ᱨᱚᱲ ᱟᱲᱟᱝ ᱿
ᱫᱷᱚᱨᱚᱢ ᱧᱩᱛᱩᱢ ᱛᱮᱢ ᱦᱟ.ᱴᱤᱧᱚᱜ ᱠᱟᱱ
ᱥᱟᱶᱛᱟ ᱩᱰᱷᱟ.ᱣ ᱢᱮᱱᱛᱮᱢ ᱵᱷᱮᱜᱟᱨᱚᱜ ᱠᱟᱱ ᱿
ᱡᱟ.ᱛᱤ ᱫᱷᱚᱨᱚᱢ ᱜᱩᱡᱩᱜ ᱠᱟᱱ
ᱟᱢᱫᱚᱢ ᱵᱷᱤᱱᱟ.ᱜ ᱠᱟᱱ ᱿
ᱫᱷᱚᱨᱚᱢ ᱜᱟᱲ ᱛᱟᱢ ᱵᱤᱯᱚᱫᱽ ᱨᱮ
ᱯᱟ.ᱨᱥᱤ ᱪᱤᱠᱤ ᱢᱟ ᱧᱩᱛᱟ.ᱛ ᱨᱮ ᱿
ᱡᱟ.ᱛᱤ ᱥᱟᱶᱛᱟ ᱩᱱᱩᱢ ᱟᱫᱚᱜ ᱠᱟᱱ
ᱟᱢ ᱫᱚᱢ ᱦᱮᱞᱠᱚᱢᱟᱠᱟᱱ ᱿
ᱚᱠᱟᱭᱮᱱᱟᱢ ᱟ.ᱫᱤᱢ ᱡᱟ.ᱛᱤ
ᱛᱤᱥᱮᱢ ᱮᱵᱷᱮ ᱱᱚᱜᱼᱟ ᱿
ᱵᱟᱝ ᱫᱚ ᱦᱟᱺᱰᱤ ᱵᱷᱟ.ᱴᱤ ᱨᱮ ᱟᱢᱫᱚ
ᱵᱟᱝ ᱫᱚ ᱚᱠᱟ ᱯᱟᱛᱟ ᱴᱟᱺᱰᱤ ᱨᱮ ᱿
ᱡᱟ.ᱛᱤ ᱫᱷᱚᱨᱚᱢ ᱜᱩᱡᱩᱜ ᱠᱟᱱ
ᱟᱢ ᱫᱚᱢ ᱦᱮᱞᱠᱚᱢᱟᱠᱟᱱ ᱿
ᱢᱮᱫᱽ ᱟᱢ ᱢᱟᱨᱥᱟᱞ ᱢᱮ
ᱫᱤᱞ ᱫᱟᱲᱮ ᱥᱟᱨᱥᱟᱣ ᱢᱮ ᱿
ᱛᱚᱵᱮᱢ ᱵᱟᱧᱪᱟᱣ ᱛᱟᱢᱟ ᱟ.ᱫᱤᱢ,
ᱥᱚᱱᱮᱨ ᱥᱟᱶᱛᱟ ᱡᱟ.ᱛᱤ ᱿
ᱡᱤᱛᱠᱟᱹᱨ ᱪᱤᱨ
ᱯᱮ ᱨᱚᱝ ᱪᱤᱨ ᱦᱤᱯᱤᱲᱚᱜ ᱠᱟᱱ ᱛᱮᱦᱮᱸᱧ ᱥᱤᱧᱼᱚᱛ ᱫᱤᱥᱚᱢ ᱨᱮᱱᱟᱜ ᱚᱲᱟᱜᱼᱚᱲᱟᱜ ᱨᱮ, ᱩᱭᱦᱟ.ᱨ ᱦᱤᱡᱩᱜ ᱠᱟᱱᱟ ᱯᱩᱭᱞᱩ ᱯᱷᱩᱨᱜᱟ.ᱞ ᱪᱤᱨ ᱦᱤᱯᱤᱲ ᱠᱟᱛᱷᱟ ᱡᱷᱚᱛᱚ ᱠᱚᱣᱟᱜ ᱢᱚᱱᱮ ᱚᱱᱛᱚᱨ ᱨᱮ ᱾᱾
August 7, 2022
No Comments
