ᱡᱟᱱᱟᱢ ᱟᱲᱟᱝ ᱛᱮ ᱨᱚᱲᱮᱢ ᱞᱟᱡᱟᱣ ᱠᱟᱱᱟ
ᱚᱞ ᱪᱤᱠᱤ ᱛᱮ ᱯᱟᱲᱦᱟᱣ ᱮᱢ ᱟᱸᱴᱚᱜ ᱠᱟᱱᱟ
ᱮᱴᱟᱜ ᱯᱟᱹᱨᱥᱤ ᱪᱤᱠᱤ ᱨᱮᱜᱮᱢ ᱵᱩᱞ ᱟᱠᱟᱱ
ᱟᱢᱟᱜ ᱨᱮᱜᱮ ᱟᱢᱮᱢ ᱞᱤᱪᱟᱹᱲ ᱟᱠᱟᱱ
ᱠᱚᱭᱚᱜ ᱨᱩᱶᱟᱹᱲ ᱢᱮᱥᱮ ᱟᱢᱟᱜ
ᱡᱟᱱᱟᱢ ᱟᱲᱟᱝ ᱯᱟᱹᱨᱥᱤ ᱥᱟᱶᱦᱮᱫ ᱾

ᱡᱟᱱᱟᱢ ᱫᱤᱥᱚᱢ ᱵᱟᱹᱜᱤ ᱠᱟᱛᱮ
ᱚᱠᱟᱢ ᱪᱟᱞᱟᱜ ᱠᱟᱱᱟ
ᱥᱟᱨᱱᱟ ᱫᱷᱚᱨᱚᱢ ᱵᱚᱫᱚᱞ ᱠᱟᱛᱮ
ᱦᱤᱸᱫᱩ ᱫᱷᱚᱨᱚᱢ ᱟᱯᱱᱟᱨ ᱡᱚᱝᱠᱟᱱᱟ
ᱠᱚᱭᱚᱜ ᱨᱩᱶᱟᱹᱲ ᱢᱮ ᱢᱮᱥᱮ ᱟᱢᱟᱜ
ᱡᱟ.ᱛᱤ ᱫᱷᱚᱨᱚᱢ ᱴᱚᱞᱚᱢᱚᱞᱚᱜ ᱠᱟᱱᱟ ᱾

ᱡᱟᱦᱮᱨ ᱵᱚᱝᱜᱟ ᱫᱮᱵᱟ ᱥᱮᱵᱟ
ᱩᱛᱤ ᱥᱩᱛᱤᱢ ᱞᱟᱡᱟᱣ ᱠᱟᱱᱟ
ᱫᱤᱠᱩ ᱵᱮᱱᱟᱣ ᱢᱩᱴᱷᱟᱹᱱ ᱵᱚᱝᱜᱟ
ᱥᱮᱵᱟᱫᱮᱵᱟ ᱟᱢᱫᱚᱢ ᱜᱚᱨᱚᱡᱟᱜ ᱠᱟᱱᱟ
ᱠᱚᱭᱚᱜ ᱨᱩᱶᱟᱹᱲ ᱢᱮᱥᱮ ᱟᱢᱟᱜ
ᱵᱚᱝᱜᱟ ᱵᱳᱨᱳ ᱢᱟᱞᱚᱴ ᱪᱟᱵᱟᱜ ᱠᱟᱱᱟ ᱾

ᱟᱹᱜᱤᱞ ᱥᱮᱶᱨᱟ ᱥᱚᱢᱟᱡ ᱥᱟᱶᱛᱟ
ᱵᱟᱹᱱᱩᱜ ᱱᱟᱦᱷᱟᱜ ᱯᱚᱲᱛᱟ
ᱦᱟᱭ ᱨᱮ ᱟᱹᱠᱤᱞ ᱡᱩᱶᱟᱹᱱ ᱟᱢᱫᱚ
ᱱᱩᱱᱟ.ᱜ ᱵᱟᱹᱲᱤᱡ ᱫᱤᱥᱟᱹ ᱛᱟᱢᱫᱚ
ᱠᱚᱭᱚᱜ ᱨᱩᱶᱟᱹᱲ ᱢᱮᱥᱮ ᱟᱢᱟᱜ
ᱱᱤᱨᱚᱲ ᱥᱟᱨᱱᱟ ᱫᱷᱚᱨᱚᱢ ᱛᱟᱢᱫᱚ ᱾