ᱚᱦᱚᱢ ᱥᱮᱬᱟ ᱠᱮ ᱟᱹᱫᱤᱢ ᱛᱚᱠᱷᱚᱱ ᱦᱟᱹᱵᱤᱡ
ᱚᱜᱮᱭᱟᱱ ᱟᱹᱣᱨᱤᱢ ᱞᱟᱜᱟᱭ ᱡᱚᱠᱷᱚᱱ ᱦᱟᱹᱵᱤᱡ ᱾

ᱛᱚᱠᱟ ᱡᱟᱹᱛ ᱦᱚᱸ ᱵᱮᱜᱚᱨ ᱚᱞ ᱯᱟᱲᱦᱟᱣ-
ᱛᱮ ᱛᱤᱥ ᱦᱚᱸ ᱵᱟᱠᱚ ᱞᱟᱦᱟ ᱟᱠᱟᱱ ᱾

ᱜᱩᱛᱤ ᱠᱟᱹᱲᱢᱤ ᱛᱮᱫᱚ ᱵᱟᱢ ᱥᱮᱬᱟ ᱠᱮ ᱟᱹᱫᱤᱢ
ᱜᱤᱫᱟᱹᱨ ᱠᱚᱫᱚ ᱚᱞ ᱯᱟᱲᱦᱟᱣ ᱚᱪᱚ ᱠᱚᱛᱟᱢ ᱾

ᱞᱟᱦᱟᱣᱟᱠᱟᱱ ᱡᱟᱹᱛ ᱥᱮᱫ ᱠᱚᱭᱚᱜᱽ ᱢᱮᱥᱮ
ᱞᱟᱢᱟᱴ ᱜᱟᱹᱲᱭᱟᱹ ᱯᱟᱹᱪᱩᱜ ᱱᱟᱥᱮ ᱾

ᱟᱹᱰᱤ ᱜᱮᱠᱚ ᱚᱞ ᱯᱟᱲᱦᱟᱣ ᱟᱠᱟᱱ
ᱟᱢᱫᱟ ᱠᱚ ᱥᱮᱭᱟᱱ ᱥᱤᱠᱤᱛ ᱟᱠᱟᱱ ᱾

ᱠᱟᱹᱢᱤ ᱛᱟᱠᱚ ᱱᱟᱥᱮ ᱱᱟᱥᱮ
ᱠᱩᱲᱟᱹᱭ ᱫᱚ ᱞᱮᱛᱷᱮᱡ ᱴᱟᱠᱟ ᱢᱟᱥᱮ ᱾

ᱡᱚᱢ ᱠᱟᱛᱮ ᱵᱟᱨ ᱪᱩᱯᱩᱫ ᱜᱟᱱ ᱟᱢᱫᱚ
ᱡᱤᱣᱤ ᱟᱫᱚᱜ ᱦᱟᱹᱵᱤᱡ ᱠᱟᱹᱢᱤ ᱛᱟᱢᱫᱚ ᱾

ᱢᱮᱱᱟᱢ ᱤᱧ ᱫᱚᱸᱧ ᱢᱟᱬᱟᱝ ᱟᱠᱟᱱ
ᱢᱮᱱᱟᱢ ᱛᱟᱭᱚᱢ ᱨᱮᱜᱮ ᱤᱠᱷᱟᱹᱱ ᱾

ᱤᱧ ᱫᱚᱸᱧ ᱥᱮᱨᱮᱧ ᱡᱚᱝ ᱠᱟᱱ ᱮᱥᱠᱟᱨ ᱜᱮ
ᱤᱯᱤᱞ ᱮᱸᱜᱮᱞ ᱠᱚ ᱠᱚᱭᱚᱜ ᱠᱟᱛᱮ ᱾

ᱥᱮᱨᱢᱟ ᱵᱚᱸᱜᱟᱹᱧ ᱱᱮᱦᱚᱸᱨᱮᱫ ᱢᱮ
ᱥᱩᱨᱛᱮ ᱛᱮᱜᱞᱟᱭᱤᱡ ᱟᱹᱜᱩᱣᱟᱹᱧ ᱢᱮ ᱾

ᱦᱟᱭᱨᱮ ᱟᱹᱫᱤᱢ ᱡᱟᱹᱛᱤ ᱟᱢ
ᱦᱟᱺᱰᱤ ᱠᱟᱛᱷᱟ ᱞᱮᱛᱟᱲᱤᱧ ᱢᱮᱛᱟᱢ ᱾

ᱧᱤᱫᱟᱹ ᱨᱮ ᱢᱤᱫᱴᱟᱝ ᱤᱯᱤᱞ ᱛᱤᱱᱟᱹᱜ
ᱧᱩᱭ ᱞᱮᱠ ᱠᱟᱱ ᱦᱟᱺᱰᱤ ᱤᱱᱟᱹᱜ ᱾

ᱨᱟᱱ ᱞᱮᱠᱟ ᱜᱮ ᱦᱟᱺᱰᱤ ᱫᱚᱵᱚ ᱧᱩᱭ
ᱨᱟᱥᱮ ᱞᱮᱠᱟ ᱫᱚ ᱵᱟᱝᱟ ᱵᱷᱟᱹᱭ ᱾

ᱩᱥᱛᱟᱹᱭ ᱜᱮᱵᱚ ᱧᱩᱭ ᱠᱷᱟᱱ ᱦᱟᱺᱰᱤ
ᱩᱱᱩᱢ ᱟᱫᱚᱜ ᱟᱵᱚ ᱟᱹᱫᱤᱢ ᱡᱟᱹᱛᱤ ᱾

ᱪᱮᱦᱮᱞ ᱪᱮᱯᱮᱞ ᱦᱟᱺᱰᱤ ᱨᱮᱢ ᱡᱚᱵᱮᱜ ᱠᱷᱟᱱ
ᱪᱮᱠᱟᱛᱮᱢ ᱥᱮᱭᱟᱱ ᱥᱤᱠᱤᱛ ᱠᱮ ᱟᱢ ᱾

ᱫᱮᱞᱟᱥᱮ ᱵᱚᱭᱦᱟ ᱪᱤᱨᱜᱟᱹᱞᱚᱜ-ᱟ ᱵᱚ
ᱫᱮᱞᱟᱥᱮ ᱟᱹᱫᱤᱢ ᱡᱩᱢᱤᱫᱚᱜ-ᱟ ᱵᱚ ᱾

ᱮᱴᱟᱜ ᱡᱟᱹᱛᱤ ᱞᱮᱠᱟ ᱟᱵᱚ ᱦᱚᱸ
ᱮᱞᱟᱥᱮ ᱵᱚ ᱛᱚᱞ ᱛᱤᱸᱜᱩ ᱠᱮᱴᱮᱡᱚᱜ ᱾

ᱯᱷᱮᱰᱟᱛ ᱵᱟᱵᱚ ᱞᱤᱪᱟᱹᱲ ᱛᱟᱵᱚ
ᱯᱷᱮᱰᱟᱛ ᱵᱟᱵᱚ ᱢᱚᱥᱨᱟᱭ ᱛᱟᱵᱚ ᱾

ᱰᱟᱹᱨ ᱫᱚ ᱛᱮᱵᱮ ᱥᱮ ᱠᱮᱴᱮᱡᱚᱜ
ᱰᱟᱹᱨ ᱫᱚ ᱛᱮᱵᱮ ᱥᱮ ᱛᱟᱜᱽᱲᱟᱜ ᱾

ᱱᱮᱦᱚᱸᱨ ᱯᱮᱭᱟᱹᱧ ᱟᱹᱫᱤᱢ ᱯᱷᱮᱰᱟᱛ ᱠᱚ
ᱱᱚᱶᱟ ᱠᱟᱛᱷᱟ ᱦᱮᱛᱟ ᱦᱟᱜ ᱢᱟᱵᱚ ᱾

ᱴᱚᱞᱚ ᱢᱚᱞᱚ ᱟᱠᱟᱱ ᱡᱟᱹᱛᱤ ᱫᱷᱚᱨᱚᱢ ᱛᱟᱵᱚ
ᱴᱚᱞᱟ ᱫᱤᱥᱚᱢ ᱨᱮ ᱵᱮᱨᱮᱫ ᱨᱩᱣᱟᱹᱲ ᱟᱵᱚ ᱾

ᱵᱷᱟᱹᱞᱟᱹᱭ ᱞᱟᱹᱜᱤᱫ ᱟᱵᱚᱣᱟᱜ ᱜᱮ
ᱵᱟᱥᱠᱮ ᱵᱮᱯᱟᱨᱤ ᱞᱟᱹᱭ ᱠᱮᱫ ᱨᱟᱹᱦᱱᱤ ᱛᱮ ᱾᱾
***

Facebook
Twitter
WhatsApp
Telegram

ᱢᱩᱪᱟᱹᱫ ᱢᱩᱪᱟᱹᱫ ᱢᱩᱪᱟᱹᱫ

ᱟᱨᱦᱚᱸ ᱧᱮᱞᱢᱮ

ᱚᱱᱚᱬᱦᱮ
ᱚᱨᱡᱩᱱ ᱥᱚᱨᱮᱱ

ᱢᱤᱫ ᱵᱤᱛᱟ. ᱞᱟᱡ ᱡᱟᱞᱟ

  ᱢᱤᱫ ᱵᱤᱛᱟ. ᱞᱟᱡ ᱡᱟᱞᱟ, ᱥᱮᱛᱟᱜ ᱟᱸᱜᱟ ᱮᱵᱷᱮᱱ ᱛᱟᱨᱟ; ᱦᱚᱱ – ᱦᱚᱯᱚᱱ ᱦᱚᱢᱚᱨ ᱛᱟᱞᱟ, ᱚᱸᱰᱚᱠ ᱦᱩᱭᱩᱜ ᱯᱟᱸᱛᱮ ᱪᱟᱨᱟ ! ᱦᱚᱭ – ᱥᱤᱛᱩᱝ ᱫᱟᱜ – ᱡᱟ.ᱯᱩᱫ,

Read More »
ᱚᱱᱚᱬᱦᱮ
ᱚᱢᱚᱨ ᱢᱩᱨᱢᱩ

ᱯᱷᱩᱨᱜᱟᱹᱞ

  ᱦᱤᱦᱤᱲᱤ ᱼᱯᱤᱯᱲᱤ ᱡᱟᱱᱟᱢ ᱡᱟᱹᱛᱤ ᱴᱩᱰᱟᱹᱝ ᱮᱱᱟᱢ ᱥᱤᱧ ᱚᱛ ᱫᱤᱥᱚᱢ ᱢᱟᱨᱥᱟᱞ ᱠᱮᱫᱟᱢ ᱵᱟᱛᱤ। ᱵᱤᱨ ᱵᱩᱨᱩ ᱜᱟᱰᱟ ᱥᱚᱰᱚᱜ ᱯᱷᱟᱨᱪᱟ ᱞᱮᱫᱟᱢ ᱟᱢᱜᱮ ᱡᱚᱛᱚ ᱵᱮᱱᱟᱣ ᱠᱮᱫᱟᱢ ᱟᱵᱟᱫ ᱵᱟᱹᱭᱦᱟᱹᱲ

Read More »

ᱱᱟᱶᱟᱱᱟᱜ

ᱥᱟᱦᱮᱫ

ᱫᱟᱨᱮ ᱡᱤᱣᱤ ᱫᱟᱨᱮ ᱡᱤᱵᱚᱱ ᱨᱚᱦᱚᱭ ᱵᱟᱧᱪᱟᱣ ᱠᱟᱜ ᱢᱮ ᱟᱢ ᱚᱠᱛᱚ ᱨᱮ, ᱡᱤᱣᱤᱢ ᱵᱟᱧᱪᱟᱣ ᱦᱚᱴᱚᱠᱟᱜ ᱡᱤᱣᱤᱠᱚ ᱛᱟᱞᱟᱨᱮ ᱫᱤᱱᱟ.ᱢ ᱵᱟᱧᱪᱟᱣᱼᱮᱢ ᱛᱟᱦᱮᱱ ᱢᱟᱺᱱᱢᱤ ᱚᱱᱛᱚᱨ ᱡᱤᱣᱤ ᱨᱮ ᱾ ᱫᱟᱨᱮ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ