ᱟᱢᱟᱜ ᱚᱞ ᱨᱚᱲ
ᱵᱟᱝ ᱠᱚ ᱠᱩᱥᱤᱭᱟᱜ
ᱡᱚᱛᱚ ᱦᱚᱲ ᱾
ᱮᱱ ᱦᱚᱸ ᱟᱢᱫᱚ
ᱚᱞ ᱢᱮ
ᱟᱢᱟᱜ ᱚᱱᱛᱚᱨ
ᱡᱤᱣᱤ ᱨᱮᱭᱟᱜ
ᱜᱟᱦᱤᱨ ᱩᱭᱦᱟᱹᱨ ᱾

ᱚᱞ ᱢᱮ ᱩᱪᱷᱟᱹᱱ ᱢᱮ
ᱥᱚᱫᱚᱨ ᱢᱮ
ᱟᱢᱟᱜ ᱨᱮᱸᱜᱮᱡ ᱨᱟᱵᱟᱝ
ᱫᱩᱠ ᱦᱟᱨᱠᱮᱛ
ᱦᱚᱠ ᱟᱹᱭᱫᱟᱹᱨ ᱦᱟᱢᱮᱴ
ᱞᱟᱹᱲᱦᱟᱹᱭ ᱨᱮᱭᱟᱜ ᱠᱟᱛᱷᱟ ᱾

ᱟᱢᱟᱜ ᱩᱭᱦᱟᱹᱨ
ᱵᱷᱟᱵᱽᱱᱟ ᱠᱟᱹᱢᱤ ᱜᱮ
ᱟᱢᱟᱜ ᱩᱯᱩᱨᱩᱢ ᱾
ᱠᱚᱵᱤ ᱜᱩᱨᱩ ᱦᱚᱸ
ᱜᱩᱨᱩ ᱜᱚᱢᱠᱮ ᱦᱚᱸ
ᱥᱟᱨᱚᱫᱟ ᱵᱟᱵᱩ ᱦᱚᱸ
ᱦᱚᱲᱟᱜ ᱨᱚᱲ ᱥᱟᱦᱟᱣ ᱠᱟᱛᱮᱜᱮ
ᱞᱟᱦᱟ ᱦᱳᱭ ᱟᱠᱟᱱ ᱛᱟᱠᱚᱣᱟ ᱾

ᱟᱢᱟᱜ ᱞᱟᱦᱟ ᱪᱟᱞᱟᱣ ᱧᱮᱞᱛᱮ
ᱟᱢᱟᱜ ᱥᱚᱛ ᱠᱟᱹᱢᱤ ᱧᱮᱞᱛᱮ
ᱟᱢᱟᱜ ᱥᱤᱨᱯᱟᱹ ᱥᱟᱨᱦᱟᱣ ᱧᱟᱢᱛᱮ
ᱟᱫᱚᱢ ᱦᱚᱲ ᱫᱚᱠᱚ
ᱟᱹᱲᱤᱥᱚᱜᱼᱟ ᱵᱮᱡᱟᱨᱚᱜᱼᱟ
ᱟᱹᱰᱤ ᱞᱮᱠᱟᱱ ᱠᱟᱛᱷᱟ ᱠᱚ ᱨᱚᱲᱼᱟ ᱾

ᱟᱢ ᱞᱟᱦᱟᱜ ᱢᱮ ᱥᱚᱨᱮᱥᱚᱜ ᱢᱮ
ᱚᱱᱟ ᱫᱚ ᱛᱤᱱᱟᱹᱜ ᱦᱚᱲ ᱠᱚ ᱠᱷᱚᱡᱚᱜᱼᱟ ?

ᱢᱚᱱᱮ ᱟᱞᱚᱢ ᱵᱟᱲᱤᱡᱟ
ᱦᱚᱲ ᱫᱚᱠᱚ ᱱᱚᱝᱠᱟᱱ ᱜᱮᱭᱟ
ᱟᱢᱟᱜ ᱠᱟᱹᱢᱤ ᱫᱚ ᱟᱢ ᱠᱟᱹᱢᱤ ᱢᱮ
ᱟᱢᱟᱜ ᱚᱞ ᱫᱚ ᱵᱟᱝᱠᱚ ᱛᱩᱞᱟᱹ ᱡᱚᱠᱷᱟᱭᱟ
ᱟᱢ ᱠᱚ ᱛᱩᱞᱟᱹ ᱡᱚᱠᱷᱟ ᱢᱮᱭᱟ ᱾

ᱟᱢᱟᱜ ᱟᱞᱟᱭ ᱫᱚ ᱵᱟᱝ ᱠᱚ ᱧᱮᱞᱟ
ᱟᱢᱟᱜ ᱠᱟᱹᱢᱤ ᱦᱚᱸ ᱩᱱᱠᱩ ᱫᱚ ᱵᱟᱝ ᱠᱚ
ᱢᱚᱱᱮᱭᱟ ᱵᱟᱝ ᱠᱚ ᱢᱟᱱᱟᱣ ᱵᱟᱛᱟᱣᱼᱟ ᱾

ᱮᱱ ᱦᱚᱸ ᱦᱟᱲᱟᱢ ᱠᱚᱠᱚ ᱧᱮᱧᱮᱞ ᱠᱟᱱᱟ
ᱜᱩᱨᱩ ᱜᱚᱢᱠᱮ ᱠᱚ ᱠᱚ ᱧᱮᱧᱮᱞ ᱠᱟᱱᱟ
ᱜᱚ ᱵᱟᱵᱟ ᱠᱚ ᱧᱮᱧᱮᱞ ᱠᱟᱱᱟ
ᱢᱟᱨᱟᱝ ᱫᱟᱹᱭ ᱫᱟᱫᱟ ᱠᱚ ᱧᱮᱧᱮᱞ ᱠᱟᱱᱟ
ᱥᱤᱧ ᱵᱚᱸᱜᱟ ᱥᱟᱠᱷᱤ ᱢᱮᱱᱟᱭᱟ
ᱟᱢᱟᱜ ᱥᱚᱛ ᱢᱚᱱᱮ ᱠᱟᱹᱢᱤ ᱫᱚ
ᱵᱟᱝ ᱵᱮᱨᱛᱷᱟᱼᱟ ᱾

ᱟᱢᱟᱜ ᱥᱤᱨᱯᱟᱹ ᱥᱟᱨᱦᱟᱣ ᱧᱟᱢ ᱫᱚ
ᱟᱢᱟᱜ ᱠᱟᱹᱢᱤ ᱠᱩᱲᱟᱹᱭ
ᱚᱱᱟ ᱧᱮᱞᱛᱮ ᱛᱤᱱᱟᱜ ᱦᱚᱲ ᱠᱚ
ᱠᱩᱥᱤᱜ ᱟᱥᱮ ᱵᱟᱝ ᱚᱱᱟ ᱫᱚ
ᱥᱟᱶᱛᱟ ᱦᱚᱲ ᱴᱷᱮᱱ ᱜᱮ ᱾

ᱠᱚᱵᱤ ᱜᱩᱨᱩ ᱜᱩᱨᱩ ᱜᱚᱢᱠᱮ ᱫᱚ
ᱥᱟᱨᱚᱫᱟ ᱵᱟᱵᱩ ᱮᱢᱟᱱ ᱫᱚ
ᱯᱟᱹᱨᱥᱤ ᱥᱟᱶᱦᱮᱫ ᱡᱟᱛᱤ ᱥᱟᱶᱛᱟ ᱛᱚᱨᱟᱣ
ᱞᱟᱜᱤᱫ ᱥᱤᱧ ᱧᱤᱫᱟᱹ ᱵᱮᱸᱜᱮᱫ ᱠᱟᱛᱮ
ᱨᱮᱸᱜᱮᱡ ᱛᱮᱛᱟᱝ ᱫᱮᱭᱟ ᱠᱟᱛᱮ
ᱚᱞ ᱞᱮᱫᱟ ᱠᱚ
ᱩᱪᱷᱟᱹᱱ ᱞᱮᱫᱟ ᱠᱚ
ᱟᱢ ᱦᱚᱸ ᱚᱱᱠᱟ ᱜᱮ ᱾

ᱟᱞᱟᱢ ᱫᱩᱠᱚᱜᱼᱟ
ᱟᱞᱟᱢ ᱵᱮᱡᱟᱨᱚᱜ ᱟ ᱦᱳ ᱚᱱᱚᱞᱤᱭᱟᱹ
ᱢᱮᱛᱟᱢᱟᱠᱚ ᱫᱷᱟᱱᱵᱟᱡᱽ
ᱩᱱᱠᱩ ᱦᱤᱸᱥᱩᱠᱤᱭᱟᱹ ᱚᱱᱚᱞᱤᱭᱟᱹ ᱠᱚ
ᱡᱟᱸᱦᱟᱭ ᱫᱚ ᱟᱢᱟᱜ ᱞᱟᱦᱟ ᱪᱟᱞᱟᱣ
ᱵᱟᱝ ᱠᱚ ᱠᱷᱚᱡᱟ ᱾

ᱟᱢ ᱠᱚ ᱛᱩᱞᱟᱹᱡᱚᱠᱷᱟ ᱢᱮᱭᱟ
ᱟᱢᱟᱜ ᱢᱟᱹᱱ ᱢᱚᱱᱮ ᱡᱤᱭᱤ ᱨᱮ
ᱦᱟᱥᱳ ᱦᱚᱪᱚ ᱞᱮᱠᱟᱱ
ᱠᱟᱛᱷᱟ ᱠᱚ ᱞᱟᱹᱭ ᱵᱟᱢ ᱵᱟᱰᱟᱭᱟ
ᱟᱢᱟᱜ ᱚᱞ ᱨᱮᱭᱟᱜ ᱜᱚᱱᱚᱝ ᱫᱚ
ᱩᱱᱠᱩ ᱴᱷᱮᱱ ᱫᱚ ᱵᱟᱹᱱᱩᱜ ᱾

ᱢᱮᱱᱠᱷᱟᱱ
ᱟᱢ ᱫᱚ ᱚᱱᱚᱞᱤᱭᱟᱹ ᱟᱢᱟᱜ ᱚᱞ ᱫᱚ
ᱟᱢ ᱞᱮᱠᱟ ᱚᱞ ᱢᱮ ᱦᱚᱲ ᱪᱮᱫ ᱠᱚ ᱢᱮᱱᱟ
ᱪᱮᱫ ᱠᱚ ᱢᱚᱱᱮᱭᱟ
ᱢᱮᱱ ᱟᱨ ᱢᱚᱱᱮ ᱦᱚᱲ ᱫᱚ
ᱢᱮᱱ ᱦᱚᱪᱚ ᱠᱚ ᱢᱚᱱᱮ ᱦᱚᱪᱚ ᱠᱚ ᱾

ᱢᱟᱹᱱ ᱢᱟᱱᱚᱛ ᱵᱟᱝᱛᱮ
ᱢᱟᱱᱟᱣ ᱵᱟᱛᱟᱣ ᱵᱟᱝ ᱛᱮ
ᱥᱟᱱᱛᱟᱲᱤ ᱥᱟᱶᱦᱮᱫ ᱵᱟᱜᱽᱣᱟᱱ ᱨᱮ
ᱵᱟᱲᱤᱡ ᱥᱟᱸᱫᱮᱥ ᱟᱞᱚ ᱥᱚᱫᱚᱨᱚᱜ
ᱱᱟᱣᱟ ᱚᱱᱚᱞᱤᱭᱟᱹ ᱠᱚᱣᱟᱜ ᱟᱹᱠᱷᱤᱨ
ᱧᱩᱛᱟᱹᱛ ᱵᱟᱦᱟᱨᱛᱮ ᱟᱞᱚ ᱞᱟᱦᱟᱜ ᱾

ᱱᱟᱣᱟ ᱚᱱᱚᱞᱤᱭᱟᱹ ᱢᱚᱱᱮᱨᱮ
ᱟᱞᱚᱢ ᱥᱟᱨᱥᱟᱣᱼᱟ ᱵᱟᱲᱤᱡ ᱥᱤᱸᱲᱤᱡ
ᱢᱟᱨᱮ ᱚᱱᱚᱞᱤᱭᱟᱹ ᱠᱚ
ᱟᱞᱚᱢ ᱨᱚᱲ ᱯᱟᱨᱚᱢ ᱠᱚᱣᱟ
ᱪᱮᱫᱟᱜ ᱥᱮ
ᱢᱟᱹᱱ ᱮᱢ ᱠᱟᱛᱮ ᱜᱮ ᱢᱟᱹᱱ ᱫᱚ ᱧᱟᱢᱚᱜ ᱾

ᱟᱢᱟᱜ ᱚᱞ ᱨᱚᱲ ᱞᱟᱦᱟᱨᱮ ᱩᱭᱦᱟᱹᱨ ᱢᱮ
ᱪᱮᱫ ᱮᱢ ᱚᱞ ᱨᱚᱲ ᱠᱟᱱᱟ
ᱚᱠᱛᱚ ᱫᱚ ᱵᱟᱭ ᱤᱠᱟᱹ ᱢᱮᱭᱟ
ᱟᱢᱟᱜ ᱟᱹᱲᱤᱥ ᱵᱮᱡᱟᱨ ᱢᱚᱱᱮ ᱫᱚᱭ
ᱱᱟᱥᱟᱣ ᱩᱛᱟᱹᱨ ᱢᱮᱭᱟ ᱾

ᱟᱞᱚᱢ ᱦᱤᱲᱤᱧᱟ ᱵᱚᱭᱦᱟ
ᱚᱠᱭᱟᱜ ᱦᱮᱢ ᱦᱚᱵᱚᱨ ᱨᱮᱢ ᱦᱟᱨᱟᱵᱩᱨᱩ ᱭᱮᱱᱟ
ᱛᱮᱦᱮᱧᱟᱜ ᱡᱩᱣᱟᱱ ᱫᱟᱲᱮ ᱜᱟᱯᱟ ᱫᱚ ᱵᱟᱭ ᱜᱚᱲᱚ ᱟᱢᱟ
ᱟᱢ ᱡᱩᱫᱤ ᱡᱟᱸᱦᱟᱭᱮᱢ ᱨᱚᱲ ᱯᱟᱨᱚᱢᱮᱭᱟ
ᱟᱢ ᱦᱚᱸ ᱠᱚ ᱨᱚᱲ ᱯᱟᱨᱚᱢ ᱢᱮᱭᱟ ᱾

***

Facebook
Twitter
WhatsApp
Telegram

ᱢᱩᱪᱟᱹᱫ ᱢᱩᱪᱟᱹᱫ ᱢᱩᱪᱟᱹᱫ

ᱟᱨᱦᱚᱸ ᱧᱮᱞᱢᱮ

ᱡᱷᱟᱹᱞᱥᱟᱹ

ᱪᱮᱫ ᱪᱚ ᱯᱟᱞᱮ ᱪᱟᱸᱫᱚ ᱚᱱᱠᱟ ᱤᱧ ᱴᱷᱮᱱᱮᱢ ᱞᱮᱫ ᱧᱮᱞ ᱧᱟᱢ ᱡᱟᱦᱟᱸ ᱠᱷᱟᱹᱛᱤᱨ ᱚᱯᱮᱞ ᱠᱮᱫᱤᱧᱟᱢ ᱢᱟᱹᱱᱢᱤ ᱨᱩᱯ ᱨᱮ ᱱᱚᱶᱟ ᱢᱩᱧᱪᱩ ᱯᱩᱨᱤ ᱨᱮ ᱾ ᱵᱟᱝ ᱜᱮᱹᱧ ᱵᱩᱡᱽ

ᱵᱟᱹᱲᱛᱤ ᱯᱟᱲᱦᱟᱣᱢᱮ »

ᱩᱭᱦᱟᱨ ᱵᱚᱫᱚᱞ ᱢᱮ

ᱥᱟᱱᱛᱟᱲ ᱦᱚᱯᱚᱱ ᱠᱟᱱᱟᱢ ᱢᱮᱱᱛᱮ ᱪᱮᱫ…? ᱪᱟᱥ ᱠᱟ.ᱢᱤ ᱜᱮ ᱠᱟ.ᱢᱤ ᱫᱚ..!! ᱵᱩᱨᱩ ᱠᱚᱪᱟ ᱦᱚᱲ ᱠᱟᱱᱟᱢ ᱢᱮᱱᱛᱮ ᱪᱮᱫ..? ᱥᱟᱠᱟᱢ ᱫᱟ.ᱛᱟᱱᱤ ᱯᱮᱴᱮᱡ ᱜᱮ ᱠᱟ.ᱢᱤ ᱫᱚ..!! ᱚᱞᱚᱜ ᱢᱮ ᱯᱟᱲᱦᱟᱵ

ᱵᱟᱹᱲᱛᱤ ᱯᱟᱲᱦᱟᱣᱢᱮ »

ᱱᱟᱶᱟᱱᱟᱜ

ᱯᱚᱛᱚᱵ
ᱥᱟᱹᱜᱩᱱ ᱦᱮᱢᱵᱽᱨᱚᱢ

ᱥᱟᱱᱛᱟᱲᱤ ᱚᱱᱚᱲᱦᱮᱸ ᱛᱷᱩᱯᱱᱟᱹᱜ

ᱯᱚᱛᱚᱵ ᱧᱩᱛᱩᱢ ᱺ ᱥᱟᱱᱛᱟᱲᱤ ᱚᱱᱚᱲᱦᱮᱸ ᱛᱷᱩᱯᱱᱟᱹᱜ ᱥᱟᱯᱲᱟᱣ ᱨᱮᱺ ᱥᱟᱹᱜᱩᱱ ᱦᱮᱢᱵᱨᱚᱢ ᱟᱨ ᱫᱷᱚᱱᱚᱧᱡᱚᱭ ᱢᱩᱨᱢᱩ ᱪᱷᱟᱯᱟ ᱥᱚᱫᱚᱨ ᱨᱮᱼ ᱛᱟᱣᱨᱮᱱ ᱯᱚᱵᱞᱤᱠᱮᱥᱚᱱ, ᱱᱟᱣᱟ ᱫᱤᱞᱞᱤ ISBN NO-978-93-952025-56-5 ᱜᱚᱱᱚᱝ ᱫᱚ- ᱒᱕᱐/-(ᱵᱟᱨ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ

ᱡᱷᱟᱹᱞᱥᱟᱹ

ᱪᱮᱫ ᱪᱚ ᱯᱟᱞᱮ ᱪᱟᱸᱫᱚ ᱚᱱᱠᱟ ᱤᱧ ᱴᱷᱮᱱᱮᱢ ᱞᱮᱫ ᱧᱮᱞ ᱧᱟᱢ ᱡᱟᱦᱟᱸ ᱠᱷᱟᱹᱛᱤᱨ ᱚᱯᱮᱞ ᱠᱮᱫᱤᱧᱟᱢ ᱢᱟᱹᱱᱢᱤ ᱨᱩᱯ ᱨᱮ ᱱᱚᱶᱟ ᱢᱩᱧᱪᱩ ᱯᱩᱨᱤ ᱨᱮ ᱾ ᱵᱟᱝ ᱜᱮᱹᱧ ᱵᱩᱡᱽ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ

ᱟ.ᱫᱤᱢ ᱡᱟ.ᱛᱤ

ᱱᱚᱣᱟ ᱫᱤᱥᱚᱢ ᱨᱤᱱᱤᱡ ᱟ.ᱫᱤᱢ ᱟᱢᱜᱮ ᱯᱩᱭᱞᱩᱜ ᱢᱟᱱᱚᱣᱟ ᱿ ᱱᱟᱜᱟᱢ ᱨᱮᱜᱮ ᱠᱷᱚᱫᱟ ᱵᱟ.ᱱᱩᱜ ᱟᱢ ᱧᱩᱛᱩᱢ ᱠᱟᱱᱚᱣᱟ ᱿ ᱫᱷᱤᱨᱤ,ᱫᱟᱨᱮ,ᱚᱛ ᱦᱟᱥᱟ ᱡᱚᱛᱚ ᱟᱢᱟᱜ ᱫᱷᱚᱱ ᱿ ᱟᱢᱟᱜ ᱧᱩᱛᱩᱢ ᱨᱮᱜᱮ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ