ᱢᱟᱜ ᱵᱚᱝᱜᱟ ᱯᱚᱨᱚᱢ ᱮᱱᱟ
ᱯᱷᱟᱜᱩᱱ ᱵᱚᱞᱚᱭᱮᱱ,
ᱵᱤᱨ ᱵᱩᱨᱩ ᱨᱮ ᱱᱚᱣᱟ ᱱᱚᱣᱟ
ᱥᱟᱠᱟᱢ ᱥᱟᱜᱮᱱ ᱮᱱ᱾
ᱵᱤᱨ ᱵᱩᱨᱩ ᱨᱮ ᱵᱟᱦᱟ ᱭᱮᱱᱟ
ᱤᱪᱟᱹᱜ, ᱢᱩᱨᱩᱫ, ᱥᱟᱨᱡᱚᱢ,
ᱫᱟᱞᱟᱭ ᱫᱟᱞᱟᱭ ᱜᱮᱞᱟᱭᱮᱱᱟ
ᱫᱟᱨᱮ ᱯᱮᱨᱮᱡ ᱠᱷᱩᱫᱮ ᱢᱟᱛᱠᱚᱢ᱾
ᱢᱟᱜ ᱵᱚᱝᱜᱟ ᱯᱚᱨᱚᱢ ᱮᱱᱟ
ᱯᱷᱟᱜᱩᱱ ᱵᱚᱞᱚᱭᱮᱱ,
ᱵᱟᱦᱟ ᱠᱚᱨᱮᱱᱟᱜ ᱥᱚᱫᱷᱟᱲ ᱥᱚ ᱛᱮ
ᱪᱮᱲᱮ ᱪᱩᱯᱲᱤ ᱠᱚ ᱨᱟᱥᱠᱟᱹ ᱛᱮ,
ᱜᱚᱴᱟ ᱵᱤᱨ ᱵᱩᱨᱩ ᱪᱮᱨᱚ ᱵᱮᱨᱚ
ᱨᱟᱜ ᱛᱮᱠᱚ ᱟᱫᱷᱲ ᱪᱟᱵᱟᱭ,
ᱯᱨᱟᱠᱤᱛᱤᱠ ᱨᱮᱱᱟᱜ ᱱᱩᱱᱟᱜ ᱱᱟᱯᱟᱭ
ᱪᱤᱛᱟᱹᱨ ᱧᱮᱞ ᱛᱮ ᱢᱟᱹᱱᱢᱤ ᱢᱚᱱᱮ ᱨᱮᱦᱚ
ᱨᱟᱥᱠᱟᱹ ᱥᱟᱲᱮᱨ ᱜᱚᱫᱚᱜ ᱟ᱾
ᱟᱨ ᱱᱚᱝᱠᱱᱟᱜ ᱚᱠᱛᱚ ᱨᱮᱜᱮ
ᱟᱵᱚ ᱠᱷᱮᱨᱶᱟᱞ ᱥᱟᱶᱛᱟ ᱨᱮᱱ ᱦᱚᱲ ᱦᱚᱯᱚᱱ
ᱵᱟᱦᱟ ᱯᱚᱨᱚᱵ ᱵᱚᱱ ᱢᱟᱱᱟᱶ ᱟ᱿
ᱤᱧ ᱜᱩᱸᱜᱩ ᱵᱟᱵᱟ
ᱥᱩᱥᱤᱞ ᱢᱩᱨᱢᱩ
August 14, 2020
ᱜᱩᱸᱜᱩ ᱵᱟᱵᱟᱭ ᱜᱩᱸᱜᱩᱫ ᱫᱚᱦᱚ ᱞᱤᱫᱤᱧ ᱛᱟᱦᱮᱸᱫ, ᱞᱮᱵᱮᱱ ᱪᱩᱥ ᱛᱮᱭ ᱮᱲᱮ ᱫᱚᱦᱚ ᱞᱤᱫᱤᱧ ᱛᱟᱦᱮᱸᱫᱹᱹᱹ! ᱰᱟᱸᱰᱟ ᱴᱷᱮᱢᱟ ᱥᱤᱸᱠᱷᱟᱹ ᱠᱟᱹᱣᱰᱤ ᱛᱮ ᱜᱚᱞᱜᱩᱞᱟᱹᱭ ᱠᱤᱨᱤᱧ ᱟᱹᱫᱤᱧ ᱛᱟᱦᱮᱸᱫᱹᱹᱹ! ᱜᱩᱸᱜᱩ ᱫᱚ ᱟᱹᱰᱤ
