ᱵᱤᱨ ᱢᱟᱹᱞᱤ ᱫᱚ ᱵᱟᱲᱜᱮ ᱢᱟᱹᱞᱤ ᱠᱷᱚᱱ
ᱟᱹᱰᱤ ᱥᱚᱸᱫᱷᱟᱬ ᱜᱮ ᱥᱚ~ᱟ
ᱵᱤᱨ ᱢᱟᱹᱞᱤ ᱫᱚ ᱫᱤᱥᱚᱢ ᱦᱚᱲ ᱞᱟᱹᱜᱤᱫ
ᱵᱟᱲᱜᱮ ᱢᱟᱹᱞᱤ ᱫᱚ ᱚᱲᱟᱜ ᱦᱚᱲ ᱞᱟᱹᱜᱤᱫ ᱾

ᱵᱤᱨ ᱢᱟᱹᱞᱤ ᱫᱚ ᱵᱟᱠᱚ ᱨᱚᱦᱚᱭᱟ
ᱵᱟᱲᱜᱮ ᱢᱟᱹᱞᱤ ᱫᱚ ᱠᱚ ᱨᱚᱦᱚᱭᱟ
ᱟᱡ ᱟᱡ ᱛᱮ ᱟᱨᱡᱟᱣ ᱜᱩᱱ ᱫᱚ ᱥᱚᱨᱚᱥᱟ
ᱦᱚᱲ ᱴᱷᱮᱱ ᱪᱮᱫ ᱜᱩᱱ ᱫᱚ ᱱᱤᱨᱚᱥᱟ ᱾

ᱵᱤᱨᱢᱟᱹᱞᱤ ᱵᱤᱨᱢᱟᱹᱞᱤ ,
ᱤᱧᱟᱜ ᱢᱚᱱᱮᱢ ᱡᱷᱟᱹᱞᱤ
ᱥᱚᱸᱫᱷᱟᱬ ᱥᱚᱛᱮ ᱩᱨᱩ ᱵᱷᱟᱶᱟᱨ
ᱟᱢᱟᱜ ᱵᱩᱴᱟᱹ ᱠᱚ ᱠᱩᱜᱞᱤ ᱾

ᱵᱤᱨᱢᱟᱹᱞᱤ ᱵᱤᱨᱢᱟᱹᱞᱤ ,
ᱵᱤᱨ ᱡᱷᱟᱵᱟ ᱨᱟᱹᱞᱤ
ᱯᱷᱟᱹᱜᱩᱱ ᱟᱢᱮ ᱱᱮᱣᱛᱟ ᱢᱮᱭᱟ
ᱟᱢᱟᱜ ᱵᱩᱴᱟᱹᱭ ᱠᱩᱠᱞᱤ ᱾

ᱵᱤᱨᱢᱟᱹᱞᱤ ᱵᱤᱨᱢᱟᱹᱞᱤ
ᱛᱟᱦᱮᱸᱭᱮᱱᱟ ᱠᱩᱠᱞᱤ
ᱵᱤᱨ ᱵᱩᱨᱩ ᱨᱮ ᱟᱢ ᱞᱮᱠᱟ
ᱜᱩᱱᱟᱱ ᱠᱚ ᱪᱤᱞᱤ ᱪᱤᱞᱤ ?