ᱜᱚᱨᱚᱡᱽ ᱥᱤᱵᱤᱞ ᱫᱩᱞᱟᱹᱲ
ᱥᱟᱥᱛᱟ ᱥᱚᱨᱯᱷᱟ ᱡᱤᱱᱤᱥ
ᱡᱚᱛᱚ ᱦᱚᱲ ᱴᱷᱮᱱ ᱢᱮᱱᱟᱜ
ᱮᱱ ᱦᱚᱸ ᱦᱟᱭᱟ ᱟᱼᱟᱸᱥ ᱾
 
ᱜᱚᱨᱚᱡᱽ ᱥᱤᱵᱤᱞ ᱫᱩᱞᱟᱹᱲ
ᱟᱹᱛᱩ ᱞᱤᱸᱜᱤᱜ ᱡᱤᱭᱟᱹᱲ ᱡᱷᱟᱨᱱᱟ
ᱚᱱᱛᱚᱨ ᱡᱤᱣᱤ ᱵᱟᱹᱠᱷᱩᱞ ᱠᱷᱚᱱ
ᱥᱟᱨᱥᱟᱣ ᱥᱮᱛᱮᱧ ᱵᱚᱦᱮᱞᱚᱜᱼᱟ ᱾
 
ᱜᱚᱨᱚᱡᱽ ᱥᱤᱵᱤᱞ ᱫᱩᱞᱟᱹᱲ
ᱯᱷᱹᱠᱬᱟᱜ ᱟᱱ ᱪᱮᱬᱮᱸ ᱠᱟᱱᱟᱭ
ᱟᱵᱚᱣᱟᱜ ᱢᱚᱱ ᱥᱮᱨᱢᱟ ᱨᱮ
ᱩᱰᱟᱹᱩ ᱟᱹᱪᱩᱨ ᱵᱟᱲᱟᱭ ᱾
 
ᱜᱚᱨᱚᱡᱽ ᱥᱤᱵᱤᱞ ᱫᱩᱞᱟᱹᱲ
ᱢᱤᱫ ᱵᱩᱥᱟᱹᱲ ᱵᱟᱦᱟ ᱞᱮᱠᱟ
ᱛᱤᱥ ᱦᱚᱸ ᱵᱟᱝ ᱢᱚᱥᱚᱫᱚᱜ
ᱫᱤᱱᱟᱹᱢ ᱥᱚ ᱢᱚᱦᱠᱟᱣᱼᱟ ᱾
 
ᱜᱚᱨᱚᱡᱽ ᱥᱤᱵᱤᱞ ᱫᱩᱞᱟᱹᱲ
ᱤᱛᱟᱹ ᱨᱟᱹᱱᱩ ᱡᱟᱝ ᱠᱟᱱᱟ
ᱮᱨ ᱟᱢ ᱢᱮᱱ ᱠᱷᱟᱹᱱ
ᱵᱟᱢ ᱤᱨ ᱪᱟᱵᱟ ᱫᱟᱲᱮᱭᱟᱜᱼᱟ ᱾
 
ᱜᱚᱨᱚᱡᱽ ᱥᱤᱵᱤᱞ ᱫᱩᱞᱟᱹᱲ
ᱢᱚᱡᱽ ᱟᱲᱟᱝ ᱨᱟᱦᱟ ᱠᱟᱱᱟ
ᱡᱟᱦᱟᱸ ᱛᱤᱱᱟᱜ ᱮᱢ ᱥᱮᱨᱮᱧ
ᱛᱤᱥ ᱦᱚᱸ ᱵᱟᱝ ᱵᱷᱟᱜᱟᱣᱼᱟ ᱾
 
ᱜᱚᱨᱚᱡᱽ ᱥᱤᱵᱤᱞ ᱫᱩᱞᱟᱹᱲ
ᱫᱟᱨᱦᱟ ᱦᱟᱨᱟ ᱫᱚᱨᱮᱭᱟ ᱞᱮᱠᱟ
ᱡᱤᱵᱚᱱ ᱵᱷᱩᱨᱼᱮᱢ ᱢᱚᱠᱚᱭᱟ
ᱮᱱ ᱦᱚᱸ ᱵᱟᱝ ᱡᱚᱠᱷᱟᱼᱟ ᱾
 
ᱜᱚᱨᱚᱡᱽ ᱥᱤᱵᱤᱞ ᱫᱩᱞᱟᱹᱲ
ᱢᱤᱫ ᱚᱨᱚᱱ ᱵᱚᱨᱚᱱ ᱵᱤᱨ
ᱵᱚᱞᱚ ᱞᱮᱱ ᱠᱷᱟᱱᱮᱢ ᱵᱷᱤᱛᱟᱹᱨ
ᱵᱟᱝ ᱧᱟᱢᱚᱜ ᱚᱰᱚᱠᱚᱜ ᱦᱚᱨ ᱾
 
ᱜᱚᱨᱚᱡᱽ ᱥᱤᱵᱤᱞ ᱫᱩᱞᱟᱹᱲ
ᱠᱚᱭ ᱠᱤᱨᱤᱧ ᱛᱮ ᱵᱟᱝ ᱧᱟᱢᱚᱜ
ᱦᱟᱹᱴᱤᱧ ᱟᱹᱬᱛᱤ ᱞᱮᱠᱷᱟᱱ
ᱟᱹᱰᱤ ᱥᱚᱸᱜᱮ ᱧᱟᱢ ᱨᱩᱣᱟᱹᱲᱚᱜ ᱾
 
ᱜᱚᱨᱚᱡᱽ ᱥᱤᱵᱤᱞ ᱫᱩᱞᱟᱹᱲ
ᱵᱟᱝ ᱠᱮᱪᱟᱜ ᱛᱚᱯᱟᱜ ᱛᱷᱩᱠᱟᱹᱢᱚᱜ
ᱦᱮᱲᱦᱮᱫ ᱠᱩᱠᱩᱴ ᱠᱟᱜ ᱠᱷᱟᱱ
ᱦᱤᱸᱥᱟᱹ ᱥᱩᱭᱟᱹ ᱛᱟᱥᱟᱫ ᱡᱷᱟᱲᱟ ᱾
***

Facebook
Twitter
WhatsApp
Telegram

ᱢᱩᱪᱟᱹᱫ ᱢᱩᱪᱟᱹᱫ ᱢᱩᱪᱟᱹᱫ

ᱟᱨᱦᱚᱸ ᱧᱮᱞᱢᱮ

ᱨᱟᱯᱟᱜ ᱦᱟᱹᱠᱩ

  ᱥᱟᱠᱨᱟᱛ ᱢᱟᱬᱟᱝ ᱥᱮᱛᱟᱜ ᱨᱮ ᱵᱟᱹᱶᱰᱤ ᱦᱤᱞᱚᱜ, ᱜᱚᱡ ᱥᱟᱨᱮᱡ ᱜᱟᱹᱰᱭᱟᱹ ᱨᱮᱧ ᱧᱟᱢ ᱞᱮᱫᱮ ᱢᱟᱨᱟᱝ ᱵᱳᱣᱟᱲ ᱿᱾   ᱵᱟᱹᱥᱭᱟᱹᱢ ᱵᱮᱲᱟ ᱡᱚᱢ ᱢᱮᱱᱛᱮ ᱟᱹᱜᱩ ᱠᱟᱛᱮᱧ ᱨᱟᱯᱟᱜ ᱞᱮᱫᱮ

Read More »

ᱡᱤᱛᱠᱟᱹᱨ ᱪᱤᱨ

ᱯᱮ ᱨᱚᱝ ᱪᱤᱨ ᱦᱤᱯᱤᱲᱚᱜ ᱠᱟᱱ ᱛᱮᱦᱮᱸᱧ ᱥᱤᱧᱼᱚᱛ ᱫᱤᱥᱚᱢ ᱨᱮᱱᱟᱜ ᱚᱲᱟᱜᱼᱚᱲᱟᱜ ᱨᱮ, ᱩᱭᱦᱟ.ᱨ ᱦᱤᱡᱩᱜ ᱠᱟᱱᱟ ᱯᱩᱭᱞᱩ ᱯᱷᱩᱨᱜᱟ.ᱞ ᱪᱤᱨ ᱦᱤᱯᱤᱲ ᱠᱟᱛᱷᱟ ᱡᱷᱚᱛᱚ ᱠᱚᱣᱟᱜ ᱢᱚᱱᱮ ᱚᱱᱛᱚᱨ ᱨᱮ ᱾᱾

Read More »

ᱱᱟᱶᱟᱱᱟᱜ

ᱥᱟᱦᱮᱫ

ᱫᱟᱨᱮ ᱡᱤᱣᱤ ᱫᱟᱨᱮ ᱡᱤᱵᱚᱱ ᱨᱚᱦᱚᱭ ᱵᱟᱧᱪᱟᱣ ᱠᱟᱜ ᱢᱮ ᱟᱢ ᱚᱠᱛᱚ ᱨᱮ, ᱡᱤᱣᱤᱢ ᱵᱟᱧᱪᱟᱣ ᱦᱚᱴᱚᱠᱟᱜ ᱡᱤᱣᱤᱠᱚ ᱛᱟᱞᱟᱨᱮ ᱫᱤᱱᱟ.ᱢ ᱵᱟᱧᱪᱟᱣᱼᱮᱢ ᱛᱟᱦᱮᱱ ᱢᱟᱺᱱᱢᱤ ᱚᱱᱛᱚᱨ ᱡᱤᱣᱤ ᱨᱮ ᱾ ᱫᱟᱨᱮ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ