ᱜᱩᱸᱜᱩ ᱵᱟᱵᱟᱭ
ᱜᱩᱸᱜᱩᱫ ᱫᱚᱦᱚ ᱞᱤᱫᱤᱧ ᱛᱟᱦᱮᱸᱫ,
ᱞᱮᱵᱮᱱ ᱪᱩᱥ ᱛᱮᱭ ᱮᱲᱮ ᱫᱚᱦᱚ ᱞᱤᱫᱤᱧ ᱛᱟᱦᱮᱸᱫᱹᱹᱹ!
ᱰᱟᱸᱰᱟ ᱴᱷᱮᱢᱟ ᱥᱤᱸᱠᱷᱟᱹ ᱠᱟᱹᱣᱰᱤ ᱛᱮ
ᱜᱚᱞᱜᱩᱞᱟᱹᱭ ᱠᱤᱨᱤᱧ ᱟᱹᱫᱤᱧ ᱛᱟᱦᱮᱸᱫᱹᱹᱹ!
ᱜᱩᱸᱜᱩ ᱫᱚ ᱟᱹᱰᱤ ᱜᱮ ᱱᱟᱯᱟᱭᱟ,
ᱜᱷᱚᱸᱲᱟ ᱠᱷᱟᱸᱫᱚᱜ ᱠᱟᱛᱮ
ᱵᱟᱹᱫᱽ ᱵᱟᱹᱭᱦᱟᱹᱲ ᱜᱚᱴᱟᱭ ᱟᱥᱮᱱ ᱞᱤᱫᱤᱧᱟᱹᱹᱹ!
ᱞᱟᱫ ᱦᱟᱹᱠᱩ ᱥᱤᱢ ᱵᱤᱞᱤ ᱨᱟᱯᱟᱜ,
ᱵᱟᱹᱧ ᱦᱤᱲᱤᱧ ᱠᱮᱭᱟ ᱩᱯᱤ ᱟᱛᱟ
ᱵᱩᱨᱩ ᱥᱮᱸᱫᱽᱨᱟ ᱠᱷᱚᱱ ᱛᱟᱨᱚᱵᱽ ᱵᱤᱞᱤ,
“ᱥᱮᱨᱢᱟ ᱨᱮ ᱵᱮᱫ ᱴᱩᱠᱩᱡ” ᱛᱤᱨᱤᱞ ᱵᱤᱞᱤᱹᱹ!
ᱜᱩᱸᱜᱩ ᱵᱟᱵᱟ ᱟᱢᱫᱚ ᱥᱚᱨᱚᱜᱽ ᱯᱩᱨᱤ ᱨᱮ,
ᱚᱠᱚᱭ ᱵᱮᱱᱟᱣ ᱟᱹᱧᱟ ᱜᱩᱰᱩ ᱯᱟᱹᱥᱤ,
ᱟᱨ ᱵᱟᱹᱬᱥᱤ ᱴᱷᱮᱸᱜᱟ ᱫᱚᱹᱹ?
ᱟᱢ ᱵᱟᱝᱛᱮ ᱡᱮᱜᱮᱛ ᱱᱤᱥᱚᱱ ᱮᱱ,
ᱞᱚᱜᱚᱱ ᱨᱩᱣᱟᱹᱲ ᱦᱤᱡᱩᱜ ᱢᱮ,
ᱠᱟᱰᱮᱡ ᱞᱟᱹᱰᱩ ᱠᱚ ᱟᱹᱜᱩ ᱛᱟᱨᱟ ᱟᱹᱧ ᱢᱮᱹᱹᱹ
ᱜᱩᱸᱜᱩ ᱵᱟᱵᱟ ᱞᱚᱜᱚᱱ ᱦᱤᱡᱩᱜ ᱢᱮᱹᱹᱹ!
ᱡᱤᱞ ᱩᱛᱩ,ᱯᱮᱲᱟ ᱫᱟᱠᱟ ᱠᱚ ᱟᱡᱳ ᱟᱹᱧ ᱢᱮᱹᱹᱹᱹᱹ
ᱟᱢᱟᱜ ᱦᱚᱵᱚᱨ ᱨᱮ ᱤᱧ ᱫᱚ ᱜᱩᱸᱜᱩᱸᱫ ᱫᱚᱦᱚ ᱠᱟᱹᱧ ᱢᱮᱹᱹᱹ!
***
