ᱵᱩᱨᱩ ᱛᱟᱯᱚᱞ ᱵᱩᱨᱩ ᱥᱚᱸᱜᱷᱟ
ᱫᱷᱤᱨᱤ ᱵᱩᱨᱩ ᱜᱷᱟᱴ ᱠᱷᱚᱱ-
ᱡᱟᱸᱦᱟ ᱵᱩᱨᱩ ᱨᱮᱭᱟᱜ ᱪᱚᱴ ᱪᱩᱲᱟᱹ
ᱞᱤᱞ ᱥᱮᱨᱢᱟ ᱨᱮ ᱡᱚᱴᱮᱫ ᱟᱠᱟᱱ᱾
ᱡᱷᱟᱨᱱᱟ,
ᱚᱸᱰᱮ ᱠᱷᱚᱱ ᱟᱢ ᱫᱚᱢ ᱞᱤᱸᱡᱤᱱ ᱠᱟᱱᱟ ᱾
ᱚᱨᱚᱱ ᱵᱚᱨᱚᱱ ᱵᱤᱨ ᱜᱟᱡᱟᱲ
ᱰᱟᱦᱤ ᱰᱩᱝᱨᱤ ᱯᱟᱨᱚᱢ ᱠᱟᱛᱮ
ᱦᱚᱭ ᱨᱤᱢᱤᱞ ᱥᱟᱣ ᱜᱟᱛᱮ ᱠᱟᱛᱮ
ᱪᱮᱸᱬᱮ ᱪᱤᱯᱲᱩ ᱥᱟᱶ ᱠᱮᱱᱮ ᱠᱚᱛᱮ᱾
ᱡᱷᱟᱨᱱᱟ,
ᱟᱢ ᱫᱚ ᱢᱤᱫ ᱞᱮᱛᱟᱲᱮᱢ ᱞᱤᱸᱡᱤᱱ ᱠᱟᱱᱟ ᱾
ᱟᱢ ᱫᱚ ᱞᱤᱸᱜᱤᱱ ᱢᱮ
ᱞᱤᱸᱜᱤ ᱞᱮᱠᱟᱜᱮ ᱛᱟᱦᱮᱱ ᱢᱮ ᱾
ᱚᱠᱚᱭᱟᱜ ᱢᱟᱱᱟ ᱠᱟᱛᱷᱟ ᱛᱮ ᱦᱚᱸ
ᱚᱠᱚᱭᱟᱜ ᱩᱫᱩᱜ ᱠᱟᱹᱴᱩᱵ ᱛᱮ ᱦᱚᱸ
ᱟᱢ ᱫᱚ ᱛᱷᱤᱨ ᱟᱞᱚᱢ ᱛᱟᱸᱦᱮᱱᱟ ᱾
ᱵᱟᱱᱩᱜ ᱛᱟᱢᱟ ᱨᱟᱸᱜᱤ ᱟᱹᱲᱤᱥ
ᱵᱟᱱᱩᱜ ᱛᱟᱢᱟ ᱮᱫᱽᱨᱮ ᱠᱟᱸᱦᱤᱥ ᱾
ᱡᱷᱟᱨᱱᱟ,
ᱟᱢ ᱫᱚᱢ ᱞᱤᱡᱤᱱ ᱠᱟᱱᱟ ᱾
ᱚᱠᱚᱭ ᱛᱟᱸᱜᱤ ᱛᱮᱸᱦᱚ
ᱟᱢ ᱫᱚ ᱵᱟᱱᱩᱜ ᱢᱮ
ᱚᱠᱚᱭ ᱵᱷᱚᱨᱥᱟ ᱨᱮ ᱦᱚᱸ
ᱟᱢ ᱫᱚ ᱵᱟᱱᱩᱜ ᱢᱮ ᱾
ᱢᱤᱫ ᱵᱟᱨ ᱠᱟᱛᱷᱟ ᱨᱚᱯᱚᱲ ᱨᱮᱭᱟᱜ
ᱚᱠᱛᱚ ᱵᱟᱱᱩᱜ ᱛᱟᱢᱟ ᱾
ᱟᱢ ᱠᱩᱥᱤ ᱛᱮᱢ ᱞᱟᱦᱟ ᱤᱫᱤᱜᱼᱟ,
ᱛᱟᱭᱚᱢ ᱥᱮᱫ ᱦᱚᱸ ᱵᱟᱢ ᱠᱚᱭᱚᱜ ᱨᱩᱣᱟᱹᱲᱟ ᱾
ᱟᱢ ᱨᱮ ᱚᱠᱚᱭ ᱡᱟᱸᱜᱮ ᱠᱚ ᱥᱤᱨᱡᱟᱹᱣᱼᱟ,
ᱟᱢ ᱥᱟᱶ ᱛᱮᱜᱮᱢ ᱟᱹᱛᱩ ᱤᱫᱤᱠᱚᱣᱟ ᱾
ᱡᱷᱟᱨᱱᱟ,
ᱢᱤᱫ ᱰᱚᱸᱰᱮᱠ ᱛᱤᱸᱜᱩᱱ ᱢᱮ
ᱵᱤᱪᱷᱚᱠ ᱢᱚᱱᱮᱧ ᱞᱟᱲᱮᱡ ᱛᱤᱧᱟ
ᱟᱢ ᱨᱮᱧ ᱫᱚᱱ ᱠᱷᱟᱸᱡᱳᱜ-ᱟ᱾
ᱡᱤᱣᱤ ᱨᱮᱭᱟᱜ ᱡᱚᱞᱚᱱ ᱥᱮᱸᱜᱮᱞ
ᱟᱢ ᱨᱮᱧ ᱤᱸᱲᱤᱡ ᱦᱚᱪᱚᱭᱟ ᱾
ᱟᱢ ᱥᱟᱶ ᱛᱮᱜᱮᱧ ᱪᱟᱯᱮ ᱪᱟᱞᱟᱜᱼᱟ,
ᱟᱢ ᱥᱟᱶ ᱛᱮᱜᱮᱧ ᱟᱹᱛᱩ ᱪᱟᱞᱟᱜᱼᱟ,
ᱱᱟᱹᱭ ᱱᱟᱞᱟ ᱜᱟᱰᱟ ᱢᱩᱰᱩ᱾
ᱡᱷᱟᱨᱱᱟ,
ᱟᱢ ᱫᱚ ᱞᱤᱸᱡᱤᱱ ᱢᱮ
ᱞᱤᱸᱡᱤ ᱢᱮᱥᱟ ᱠᱟᱹᱧ ᱢᱮ
ᱚᱜᱚᱢ ᱫᱚᱨᱭᱟ ᱥᱟᱹᱢᱩᱫ ᱨᱮ ᱿
