ᱤᱧ ᱫᱩᱧ ᱡᱟᱱᱟᱢ ᱮᱱᱟ ᱵᱩᱨᱩ ᱪᱮᱛᱟᱱ ᱠᱷᱚᱱ
ᱞᱟᱦᱟ ᱭᱮᱱᱟᱹᱧ ᱠᱚᱸᱫᱷᱟ ᱦᱚᱨ ᱛᱮ,
ᱪᱟᱞᱟᱣ ᱪᱟᱞᱟᱣ ᱛᱮ ᱦᱚᱨ ᱢᱟ ᱮᱥᱮᱫ ᱮᱱ
ᱯᱟᱨᱚᱢ ᱮᱱᱟᱹᱧ ᱚᱱᱟ ᱪᱮᱛᱟᱱ ᱛᱮ ᱾
ᱤᱱᱟᱹ ᱛᱟᱭᱚᱱ ᱟᱫᱚ ᱦᱚᱨᱤᱧ ᱧᱟᱢ ᱠᱮᱫ
ᱚᱸᱰᱮᱠᱷᱚᱱ ᱵᱟᱧ ᱞᱟᱦᱟ ᱫᱟᱲᱮᱭᱟᱫ,
ᱵᱩᱨᱩ ᱫᱷᱤᱨᱤ ᱠᱚᱦᱚᱸᱧ ᱜᱩᱸᱰᱟᱹ ᱤᱫᱤ ᱠᱮᱫ
ᱪᱚᱴ ᱠᱷᱚᱱᱤᱧ ᱟᱬᱜᱚᱱ’ ᱱᱚᱣᱟ ᱜᱤᱧ ᱥᱟᱭᱟᱛ ᱾
ᱪᱮᱦᱮᱞ ᱪᱮᱯᱮᱞᱤᱧ ᱠᱷᱤᱞᱰᱩ ᱮᱱᱮᱡ
ᱤᱧ ᱨᱤᱱ ᱜᱟᱛᱮ ᱠᱚ ᱥᱟᱞᱟᱜ,
ᱦᱮᱢᱟᱞ ᱦᱤᱸᱥᱤᱫ ᱦᱚᱭᱛᱮ ᱥᱮᱱ ᱦᱮᱡ
ᱥᱚᱠᱚᱲ ᱵᱚᱠᱚᱲ ᱞᱟᱸᱫᱟ ᱠᱟᱛᱤᱧ ᱪᱟᱞᱟᱜ ᱾
ᱱᱚᱝᱠᱟ ᱜᱮ ᱱᱚᱸᱰᱤᱧ ᱛᱚᱸᱜᱮ ᱠᱚᱜ ᱟ
ᱟᱨ ᱦᱚᱧ ᱞᱟᱦᱟᱜ ᱟᱰᱤ ᱥᱟᱸᱜᱤᱧ,
ᱤᱧ ᱤᱡ ᱴᱷᱟᱹᱠᱩᱨ ᱡᱤᱣ ᱴᱷᱮᱱ ᱞᱚᱜᱚᱱ ᱤᱧ ᱥᱮᱴᱮᱨ ᱠᱚᱜ ᱟ
ᱱᱚᱣᱟ ᱜᱮ ᱤᱧᱟᱜ ᱫᱷᱚᱨᱚᱢ ᱛᱤᱧ ᱾
ᱦᱚᱲ ᱠᱚ ᱦᱟᱡᱩᱜ ᱟ ᱟᱨ ᱦᱚᱸ ᱠᱚ ᱥᱮᱱᱚᱜ ᱟ
ᱤᱧ ᱢᱟᱹᱧ ᱪᱟᱞᱟᱜ ᱠᱟᱱ ᱱᱚᱝᱠᱟ ᱜᱤᱧ ᱪᱟᱞᱟᱜ,
ᱦᱚᱲ ᱠᱚ ᱫᱩᱠᱷᱩᱜ ᱟ ᱟᱨ ᱦᱚᱸ ᱠᱚ ᱡᱚᱞᱚᱱᱚᱜ ᱟ
ᱢᱤᱫ ᱢᱚᱱᱮ ᱥᱮᱵᱟ ᱱᱮᱦᱚᱨ ᱫᱤᱥᱟᱹ ᱚᱱᱟᱛᱮ ᱵᱟᱹᱧ ᱡᱟᱞᱟᱜ ᱾
ᱞᱩᱢᱩᱸᱡ ᱵᱟᱞᱤ ᱛᱤᱧ ᱞᱤᱸᱜᱤ ᱜᱚᱫᱚᱜ
ᱟᱰᱤ ᱪᱮᱸᱜᱷᱟ ᱫᱚᱢᱮᱞ ᱫᱚᱢᱮᱞ,
ᱵᱮᱲᱟ ᱛᱟᱨᱟᱥ ᱛᱤᱧ ᱡᱷᱟᱞᱠᱟᱣ ᱜᱚᱫᱚᱜ
ᱡᱮᱢᱚᱱ ᱥᱮᱨᱢᱟ ᱤᱯᱤᱞ ᱮᱸᱜᱮᱞ ᱾
ᱞᱤᱸᱜᱤ ᱤᱫᱤᱭᱟᱧ ᱥᱚᱱᱫᱷᱟᱲ ᱵᱟᱦᱟ
ᱯᱮᱨᱮᱡ ᱱᱟᱹᱭ ᱨᱤᱧ ᱥᱮᱴᱮᱨᱟ,
ᱜᱟᱵᱞᱟ ᱠᱟᱠᱚᱣᱟᱧ ᱦᱟᱠᱩ ᱨᱮᱴᱚ ᱡᱟᱦᱟ
ᱢᱮᱴᱟᱣᱜ ᱛᱟᱠᱚ ᱢᱚᱱᱮ ᱤᱧ ᱴᱷᱮᱱ ᱡᱟᱸᱦᱟᱸᱭ ᱯᱟᱸᱡᱟ ᱠᱚ ᱵᱮᱨᱟ ᱾
ᱪᱟᱸᱫᱚ ᱛᱟᱨᱟᱥ ᱛᱮ ᱜᱷᱟᱸᱥ ᱵᱩᱫᱟᱹ ᱫᱟᱱᱟᱝ ᱛᱮ
ᱞᱤᱸᱜᱤᱜ ᱟᱹᱧ ᱞᱮᱜᱮᱢ ᱞᱮᱜᱮᱢ,
ᱦᱩᱞᱩᱭ ᱦᱩᱞᱩᱭ ᱦᱚᱭ ᱤᱧ ᱥᱟᱶ ᱟᱱᱛᱮ
ᱫᱩᱞᱟᱹᱲ ᱫᱩᱯᱞᱟᱹᱲ ᱮ ᱛᱮᱸᱜᱮᱱ ᱾
ᱵᱟᱦᱟ ᱵᱟᱜᱟᱱ ᱞᱮᱠᱟᱛᱮ ᱤᱧ ᱫᱩᱧ ᱪᱟᱞᱟᱜ ᱨᱮ
ᱟᱰᱤ ᱱᱤᱨᱚᱲ ᱜᱤᱧ ᱟᱹᱭᱠᱟᱹᱣᱜ,
ᱥᱟᱜᱮᱱ ᱯᱚᱦᱟᱞ ᱜᱤᱫᱨᱟᱹ ᱤᱧᱟᱜ ᱠᱚᱞᱮ ᱨᱮ
ᱠᱷᱤᱞᱰᱩ ᱮᱱᱮᱡ ᱟᱰᱤ ᱠᱚ ᱨᱟᱹᱥᱠᱟᱹᱜ ᱾
ᱵᱩᱨᱩ ᱫᱷᱤᱨᱤᱧ ᱯᱟᱨᱚᱢᱟ, ᱯᱳᱞᱳ ᱠᱚ, ᱚᱲᱟᱜ ᱠᱚ
ᱟᱨ ᱦᱚᱧ ᱯᱟᱨᱚᱢ ᱤᱫᱤ ᱥᱟᱸᱜᱤᱧ ᱥᱮᱨᱢᱟ,
ᱪᱮᱬᱮ ᱪᱤᱯᱨᱩ, ᱡᱟᱱᱣᱟᱨ, ᱦᱚᱲ ᱠᱚ
ᱛᱮᱛᱟᱝ ᱡᱤᱣᱤ ᱟᱨᱩᱠᱚᱜ ᱢᱟ ᱾
ᱤᱧ ᱫᱚ ᱡᱷᱟᱨᱱᱟ ᱟᱯᱮ ᱫᱚ ᱥᱟᱨᱱᱟ
ᱟᱯᱮ ᱥᱟᱶ ᱨᱮᱜᱤᱧ ᱛᱟᱦᱮᱸ ᱠᱚᱜ ,
ᱤᱧ ᱛᱩᱞᱩᱡ ᱛᱮᱜᱮ ᱟᱯᱮ ᱯᱮ ᱟᱥᱩᱞ ᱞᱮᱱᱟ
ᱵᱟᱝ ᱠᱷᱟᱱ ᱵᱟᱯᱮ ᱛᱟᱦᱮᱸ ᱠᱚᱜ ᱾
ᱤᱧ ᱜᱮᱛᱚ ᱟᱫᱤᱢ ᱠᱟᱭᱨᱟ ᱜᱟᱡᱟᱲ ᱠᱷᱚᱱ
ᱥᱤᱛᱟᱹ ᱱᱟᱞᱟ ᱨᱤᱧ ᱵᱮᱱᱟᱣ ᱮᱱ,
ᱤᱧ ᱛᱩᱞᱩᱡ ᱛᱮ ᱞᱩᱜᱩ ᱵᱩᱨᱩ ᱠᱷᱚᱱ ᱜᱚᱥᱟᱸᱭ ᱠᱚ ᱟᱬᱜᱚ ᱦᱮᱡ ᱮᱱ ᱾
ᱤᱧ ᱥᱟᱶ ᱨᱮ ᱢᱮᱱᱟᱭ ᱜᱷᱟᱱᱴᱟ ᱵᱟᱲᱮ
ᱟᱨ ᱦᱚᱸ ᱫᱚᱨᱵᱟᱨ ᱪᱟᱴᱟᱱ ᱢᱚᱦᱚᱨ,
ᱟᱞᱚᱢ ᱢᱮᱱᱟ ᱫᱮᱞᱟ ᱢᱮᱱ ᱢᱮ ᱫᱩ ᱡᱟᱲᱤ
ᱞᱩᱜᱩ ᱵᱟᱵᱟ ᱴᱷᱮᱱ ᱥᱮᱴᱮᱨ ᱢᱮ ᱤᱧᱟᱜ ᱜᱚᱰ ᱡᱚᱦᱟᱨ ᱱᱮᱦᱚᱨ ᱾
ᱦᱚᱲ ᱠᱚ ᱪᱟᱞᱟᱜ ᱟ ᱟᱨ ᱦᱚᱸ ᱠᱚ ᱦᱟᱡᱩᱜ ᱟ
ᱤᱧ ᱢᱟᱹᱧ ᱪᱟᱞᱟᱜ ᱟ ᱱᱚᱝ ᱠᱟ ᱜᱮ ᱫᱤᱱ,
ᱤᱧ ᱢᱟᱧ ᱪᱟᱞᱟᱜ ᱟ ᱯᱟᱞᱮᱛ ᱤᱧ ᱟᱫᱚᱜ ᱟ
ᱤᱧᱤᱡ ᱜᱚᱥᱟᱸᱭ ᱤᱧᱤᱡ ᱟᱫᱤᱢ ᱢᱩᱞᱩᱠ ᱫᱷᱨᱤᱡ ᱤᱧ ᱥᱮᱵᱟ ᱵᱤᱱ ᱾
***

Facebook
Twitter
WhatsApp
Telegram

ᱢᱩᱪᱟᱹᱫ ᱢᱩᱪᱟᱹᱫ ᱢᱩᱪᱟᱹᱫ

ᱟᱨᱦᱚᱸ ᱧᱮᱞᱢᱮ

ᱚᱱᱚᱬᱦᱮ
ᱥᱟᱹᱜᱩᱱ ᱦᱮᱢᱵᱽᱨᱚᱢ

ᱤᱧ ᱫᱚ ᱥᱮᱸᱜᱮᱞ

ᱤᱧ ᱫᱚ ᱥᱮᱸᱜᱮᱞ ᱟᱨᱟᱜ ᱥᱟᱫᱚᱢ ᱞᱮᱠᱟ ᱠᱟᱢᱥᱟᱣ ᱟᱛᱮ, ᱤᱧ ᱫᱩᱧ ᱥᱮᱴᱮᱨᱚᱜ ᱾ ᱵᱷᱩᱛ ᱥᱮᱸᱜᱮᱞ ᱞᱮᱠᱟ ᱪᱷᱟᱱ ᱟᱛᱮ, ᱤᱧ ᱫᱩᱧ ᱢᱟᱞᱠᱟᱜ᱾ ᱫᱷᱟᱣ ᱫᱷᱟᱣ ᱤᱧ ᱡᱳᱞᱳᱜ ᱵᱚᱸᱜᱟ

Read More »

ᱡᱤᱱᱛᱟ. ᱴᱩᱣᱟ.ᱨ

  ᱠᱮᱱᱮ ᱠᱚᱛᱮ ᱨᱚᱲ ᱞᱟᱸᱫᱟ ᱛᱮ ; ᱱᱮᱰᱟ ᱟᱫᱤᱧᱟᱢ ᱱᱤᱪᱚᱞ ᱵᱮᱲᱟ , ᱦᱤᱨᱤᱡ – ᱯᱟ.ᱥᱤᱨ ᱢᱚᱱᱮ ᱪᱷᱟᱸᱫᱟ ᱛᱮ; ᱥᱤᱵᱤᱞ ᱟᱫᱤᱧᱟᱢ ᱱᱟᱣᱟ ᱯᱮᱲᱟ |᱑|   ᱡᱩᱣᱟ.ᱱ

Read More »

ᱱᱟᱶᱟᱱᱟᱜ

ᱚᱱᱚᱬᱦᱮ
ᱵᱤᱥᱩ ᱦᱟᱸᱥᱫᱟᱜ

ᱠᱚᱭᱚᱜ ᱨᱩᱶᱟ.ᱲ ᱢᱮ

ᱡᱟᱱᱟᱢ ᱟᱲᱟᱝ ᱛᱮ ᱨᱚᱲᱮᱢ ᱞᱟᱡᱟᱣ ᱠᱟᱱᱟ ᱚᱞ ᱪᱤᱠᱤ ᱛᱮ ᱯᱟᱲᱦᱟᱣ ᱮᱢ ᱟᱸᱴᱚᱜ ᱠᱟᱱᱟ ᱮᱴᱟᱜ ᱯᱟᱹᱨᱥᱤ ᱪᱤᱠᱤ ᱨᱮᱜᱮᱢ ᱵᱩᱞ ᱟᱠᱟᱱ ᱟᱢᱟᱜ ᱨᱮᱜᱮ ᱟᱢᱮᱢ ᱞᱤᱪᱟᱹᱲ ᱟᱠᱟᱱ ᱠᱚᱭᱚᱜ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ
ᱚᱱᱚᱬᱦᱮ
ᱵᱷᱚᱡᱚᱱᱚᱱᱫᱚ ᱦᱮᱢᱵᱨᱚᱢ

ᱡᱩᱣᱟ.ᱱ ᱥᱟᱣᱸᱨᱮ ᱡᱩᱢᱤᱫᱽ

ᱢᱤᱫᱴᱟᱝ ᱠᱟᱰᱮᱡ ᱟᱨ ᱜᱮᱞᱴᱟᱝ ᱠᱟᱰᱮᱡ ᱛᱚᱯᱷᱟᱛ ᱡᱟᱦᱟᱸ ᱢᱮᱱᱟᱜ, ᱡᱩᱢᱤᱫᱽ ᱜᱮ ᱫᱟᱲᱮ ᱫᱟᱲᱮᱜᱮ ᱫᱷᱚᱱ ᱥᱟᱣᱸᱨᱮ ᱟᱯᱟᱥᱩᱞᱚᱜ ᱚᱱᱰᱮᱜᱮ ᱢᱮᱱᱟᱜ । ᱟᱹᱠᱤᱞ ᱵᱟᱝᱛᱮ ᱟᱞᱚᱢ ᱠᱷᱟᱱᱰᱟᱣ ᱚᱠᱛᱚ ᱦᱟᱴ ᱯᱟᱛᱟ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ
ᱚᱱᱚᱬᱦᱮ
ᱦᱚᱨᱤ ᱢᱟᱹᱨᱰᱤ

ᱠᱩᱠᱢᱩ

ᱡᱟᱦᱟ ᱛᱤᱱᱟᱹᱜ ᱰᱮᱦᱮᱨ ᱜᱮ ᱧᱮᱞᱟᱢ ᱠᱩᱠᱢᱩ ᱯᱩᱨᱟᱹᱣᱜ-ᱟ ᱚᱱᱟ ᱡᱟᱦᱟᱸᱨᱮ ᱟᱢᱮᱢ ᱠᱩᱨᱩᱢᱩᱴᱩᱭᱟ ᱾ ᱯᱩᱨᱟᱹᱣ ᱠᱷᱟᱱ ᱦᱩᱱᱟᱹᱝ ᱡᱚᱛᱚ ᱦᱚᱲᱟᱜ ᱠᱩᱠᱢᱩ ᱱᱚᱣᱟ ᱥᱤᱧᱚᱛ ᱫᱤᱥᱚᱢ ᱨᱮ ᱚᱠᱚᱭ ᱦᱚᱸ ᱵᱟᱝᱠᱚ

ᱵᱟᱹᱲᱛᱤ ᱯᱟᱲᱦᱟᱣ ᱢᱮ