ᱥᱮᱸᱜᱮᱞ ᱛᱮ ᱞᱚᱻᱛᱚᱨᱚᱡ
ᱦᱚᱲᱢᱚ ᱛᱤ ᱡᱟᱸᱜᱟ,
ᱫᱩᱞᱟᱹᱲ ᱛᱮ ᱡᱩᱞᱩᱜ
ᱚᱱᱛᱚᱨ ᱟᱛᱢᱟ ᱨᱤᱫᱟᱹᱭ,
ᱵᱟᱪᱚᱭ ᱴᱷᱤᱠᱟᱭ ᱩᱱᱤ
ᱫᱩᱞᱟᱹᱲ ᱟᱠᱟᱫ ᱡᱟᱦᱟᱸᱭ
ᱥᱮᱸᱜᱮᱞ ᱥᱟᱶᱦᱚᱸᱭ ᱞᱟᱹᱰᱷᱟᱹᱭ ᱿
ᱦᱚᱞᱟᱜᱮ ᱮᱯᱮᱢ
ᱟᱨᱟᱜ ᱜᱩᱞᱟᱪᱤ ᱵᱟᱦᱟ
ᱚᱱᱚᱜᱮ ᱛᱮᱦᱮᱧ
ᱡᱟᱱᱩᱢ ᱛᱮ ᱯᱟᱻᱴᱤ ᱠᱟᱱ,
ᱵᱟᱪᱚᱭ ᱴᱷᱤᱠᱟᱭ ᱩᱱᱤ
ᱫᱩᱞᱟᱹᱲ ᱟᱠᱟᱫ ᱡᱟᱦᱟᱸᱭ
ᱡᱟᱱᱩᱢ ᱥᱟᱞᱟᱜ ᱦᱚᱸᱭ ᱞᱟᱰᱷᱟᱹᱭ ᱿
ᱦᱚᱞᱟᱜᱮ ᱮᱢᱟᱫᱤᱧ ᱩᱱᱤ
ᱫᱩᱞᱟᱹᱲ ᱨᱮᱱᱟᱜ ᱨᱟᱥᱟ
ᱛᱮᱦᱮᱧ ᱛᱮᱜᱮᱭ ᱮᱢᱟᱫᱤᱧ
ᱛᱤ ᱪᱩᱯᱩᱫ ᱵᱤᱥ,
ᱵᱟᱪᱚᱭ ᱴᱷᱤᱠᱟᱭ ᱩᱱᱤ
ᱫᱩᱞᱟᱹᱲ ᱟᱠᱟᱫ ᱡᱟᱸᱦᱟᱭ
ᱢᱚᱨᱚᱱ ᱥᱟᱶᱦᱚᱸᱭ ᱞᱟᱹᱰᱷᱟᱹᱭ ᱿
ᱦᱚᱞᱟᱜᱮ ᱦᱚᱦᱚ ᱟᱫᱤᱧ ᱩᱱᱤ
ᱥᱩᱨ ᱛᱮ ᱦᱟᱡᱩᱜ ᱢᱮᱥᱮ ᱫᱮᱞᱟ
ᱛᱮᱦᱮᱧ ᱛᱮᱜᱮ ᱢᱮᱛᱟᱫᱤᱧ
ᱥᱟᱦᱟ ᱡᱚᱸ ᱢᱮ ᱥᱟᱺᱜᱤᱧ ᱛᱮ,
ᱵᱟᱪᱚᱭ ᱴᱷᱤᱠᱟᱭ ᱩᱱᱤ
ᱫᱩᱞᱟᱹᱲ ᱟᱠᱟᱫ ᱡᱟᱦᱟᱸᱭ
ᱡᱚᱞᱚᱱ ᱥᱟᱶᱦᱚᱸᱭ ᱞᱟᱹᱰᱷᱟᱹᱭ ᱿
ᱠᱚᱯᱟᱲ ᱞᱤᱠᱷᱚᱱ ᱤᱧᱟᱜ
ᱛᱤ ᱜᱟᱨ ᱨᱮ ᱵᱟᱱᱩᱜ ᱮ
ᱚᱱᱟ ᱛᱮᱜᱮ ᱪᱚ ᱯᱟᱞᱮ
ᱥᱩᱠ ᱵᱚᱫᱚᱞ ᱛᱮ ᱫᱩᱠ ᱧᱟᱢᱚᱜ,
ᱵᱟᱪᱚᱭ ᱴᱷᱤᱠᱟᱭ ᱩᱱᱤ
ᱫᱩᱞᱟᱹᱲ ᱟᱠᱟᱫ ᱡᱟᱸᱦᱟᱭ
ᱠᱚᱯᱟᱲ ᱥᱟᱶᱦᱚᱸᱭ ᱞᱟᱹᱰᱷᱟᱹᱭ ᱿
ᱢᱮᱫ ᱫᱟᱜ ᱱᱟᱹᱭ ᱨᱮ
ᱰᱩᱵᱩᱡ ᱟᱠᱟ ᱢᱮᱱᱟᱧ
ᱫᱷᱟᱨᱮ ᱠᱷᱚᱱᱮ ᱞᱟᱺᱫᱟᱭ ᱩᱱᱤ
ᱜᱷᱟᱱᱮ ᱜᱷᱟᱱᱮ ᱤᱧ ᱧᱮᱞ ᱛᱮ
ᱵᱟᱪᱚᱭ ᱴᱷᱤᱠᱟᱭ ᱩᱱᱤ
ᱫᱩᱞᱟᱹᱲ ᱟᱠᱟᱫ ᱡᱟᱸᱦᱟᱭ
ᱵᱟᱱᱚᱜ ᱱᱟᱹᱭ ᱥᱟᱶᱦᱚᱸᱭ ᱞᱟᱹᱰᱷᱟᱹᱭ ᱿
ᱡᱟᱦᱟᱸᱭ ᱮ ᱫᱩᱞᱟᱹᱲ ᱟᱠᱟᱫ ᱥᱟᱹᱨᱤ ᱥᱚᱛ
ᱛᱤᱥ ᱦᱚᱸ ᱵᱟᱭ ᱯᱟᱹᱰᱷᱩᱜ ᱡᱤᱭᱚᱱ ᱨᱮ ᱩᱱᱤᱹᱹᱹᱹᱹ
*
