ᱴᱮᱥᱚᱱ ᱠᱷᱚᱱ ᱒᱐ ᱢᱟᱹᱭᱤᱞ ᱥᱟᱹᱜᱤᱧ
ᱵᱟᱥᱟ ᱞᱮᱱᱟᱹᱧ ᱪᱟᱸᱫᱚ ᱵᱟᱨ ᱥᱤᱧ

ᱵᱟᱡᱟᱨ ᱯᱟᱹᱪᱩᱜ ᱥᱮ ᱱᱟᱜᱟᱨ ᱦᱚᱸ ᱵᱟᱹᱱᱩᱜ
ᱥᱩᱨ ᱥᱩᱯᱩᱨ ᱠᱚᱨᱮ ᱦᱟᱴ ᱦᱚᱸ ᱵᱟᱹᱱᱩᱜ

ᱪᱟᱥ ᱵᱟᱥ ᱠᱟᱹᱢᱤ ᱡᱷᱚᱛᱚ ᱰᱷᱤᱞᱟᱹᱣᱮᱱ
ᱵᱟᱹᱫ ᱵᱟᱹᱭᱦᱟᱹᱲ ᱨᱮᱢᱟ ᱟᱠᱟᱞ ᱢᱟᱰᱨᱟᱣᱮᱱ

ᱨᱮᱸᱜᱮᱡ ᱱᱟᱪᱟᱨ ᱟᱡᱟᱨ ᱟᱹᱰᱤ ᱵᱟᱛᱚᱲ-ᱟ
ᱟᱹᱛᱩ ᱨᱮᱢᱟ ᱵᱟᱞᱚᱠ ᱫᱤᱱᱟᱹᱢ ᱜᱩᱡᱩᱜ-ᱟ

ᱢᱩᱨᱫᱟᱹ ᱞᱮᱠᱷᱟ ᱞᱟᱹᱜᱤᱱ ᱠᱟᱹᱴᱩᱵ ᱱᱟᱦᱮᱫᱚᱜ
ᱚᱲᱟᱜ ᱚᱲᱟᱜ ᱢᱮᱞᱮᱨᱤᱭᱟᱹ ᱟᱡᱟᱨ-ᱮ ᱯᱮᱲᱟᱠᱚᱜ

ᱡᱚᱢᱚ ᱫᱩᱣᱟᱹᱨ ᱠᱷᱚᱱᱟᱜ ᱰᱟᱠᱨᱟ ᱛᱟᱠᱮᱨᱮᱱ
ᱦᱟᱲᱟᱢ ᱠᱷᱚᱱ,ᱠᱚᱲᱟ ᱵᱟᱠᱚ ᱛᱟᱭᱚᱢᱞᱮᱱ

ᱦᱚᱲ ᱨᱟᱯᱟᱜ ᱞᱟᱹᱜᱤᱱ ᱴᱷᱟᱶ ᱟᱱᱟᱴᱟ
ᱢᱚᱱ ᱫᱟᱜ-ᱲᱮ ᱦᱚᱸ ᱛᱚ ᱨᱟᱯᱟᱜ ᱨᱚᱝᱜᱚ-ᱟ

ᱱᱚᱰᱮ, ᱚᱱᱚᱞᱤᱭᱟᱹ, ᱢᱟᱱᱮ ᱡᱚᱞᱚᱱᱚᱜ
ᱨᱟᱺᱰᱤ ᱢᱟᱹᱭᱡᱩ-ᱟᱜ ᱫᱚ ᱥᱟᱠᱚᱢ ᱨᱚᱪᱚᱫᱚᱜ

ᱴᱮᱥᱚᱱ,ᱵᱟᱡᱟᱨ ᱠᱷᱚᱱ ᱟᱹᱰᱤ ᱥᱟᱹᱜᱤᱧᱟ
ᱱᱤᱪᱚᱞ ᱯᱩᱨᱤ ᱠᱟᱛᱷᱟ ᱚᱞ ᱥᱟᱱᱟᱧᱟᱹᱹᱹᱹᱹᱹᱹᱹᱹ ᱿