ᱵᱩᱨᱩ ᱥᱚᱸᱜᱷᱟ ᱠᱟ.ᱯᱤ ᱵᱩᱨᱩ
ᱵᱤᱫᱩ ᱪᱟᱸᱫᱟᱱ ᱚᱸᱲᱦᱮ ᱱᱮᱦᱚᱨ᱾
ᱮᱢᱟᱫ ᱢᱮᱭᱟ ᱠᱤᱱ ᱪᱟᱞ ᱟᱫ ᱢᱮᱭᱟ ᱠᱤᱱ
ᱩᱱ ᱠᱤᱱ ᱚᱱᱚᱞ ᱵᱚᱸᱜᱟ ᱵᱩᱨᱩ᱾
ᱨᱮᱦᱮᱫ ᱥᱮᱸᱫᱮᱛ ᱞᱟ ᱠᱮᱫᱟᱢ
ᱧᱟᱢ ᱠᱮᱫᱟᱢ ᱪᱤᱠᱤ ᱤᱛᱟ.
ᱩᱭᱦᱟ.ᱨ ᱞᱮᱫᱟᱢ ᱥᱟᱶᱛᱟ ᱞᱟ.ᱜᱤᱫ
ᱯᱟᱥᱱᱟᱣ ᱠᱮᱫᱟᱢ ᱤᱛᱟ. ᱾
ᱥᱟᱶᱛᱟ ᱵᱟᱜᱟᱱ ᱨᱮᱢ ᱨᱚᱦᱚᱭ ᱠᱮᱫᱟ
ᱵᱚᱸᱜᱟ ᱵᱩᱨᱩ ᱧᱩᱛᱟᱢ ᱠᱟᱛᱮ᱾
ᱯᱚᱴᱠᱚᱡᱽ ᱮᱱᱟ ᱚᱢᱚᱱ ᱮᱱᱟ
ᱞᱮᱜᱮᱡᱽ ᱞᱮᱜᱮᱡᱽ ᱥᱟᱠᱟᱢ ᱮᱱᱟ᱾
ᱚᱞ ᱪᱤᱠᱤ ᱯᱚᱦᱟ ᱫᱟᱨᱮ ᱨᱮ
ᱢᱚᱦᱮ ᱵᱟᱦᱟ ᱯᱷᱩᱴᱟ.ᱣ ᱟᱠᱟᱱ
ᱜᱮᱱᱛᱮ ᱜᱮᱥᱮᱨ ᱯᱳᱲᱳᱭ ᱯᱳᱲᱳᱭ
ᱥᱟᱶᱛᱟ ᱵᱟᱜᱟᱱ ᱥᱚ ᱛᱮ ᱟᱸᱫᱳᱲ ᱟᱠᱟᱱ᱾
***
ᱪᱮᱫ ᱠᱷᱟ.ᱛᱤᱨ ᱱᱚᱝᱠᱟ ᱩᱭᱩᱝ ᱪᱩᱸᱰᱩᱜ ᱟᱢ ᱫᱚ ? ᱢᱟᱥᱮ ᱩᱨᱩᱢ ᱢᱮ – ᱟᱢᱟᱜ ᱫᱷᱚᱨᱚᱢ ᱛᱟᱢ ᱫᱚ ᱾ ᱮᱴᱟᱜ ᱠᱚᱨᱮᱢ ᱚᱨ ᱵᱟᱲᱟᱜ ᱛᱟᱦᱮᱸᱱ ᱨᱮᱦᱚᱸ ᱫᱷᱚᱨᱚᱢ ᱛᱟᱭᱚᱢ
ᱟᱫᱤᱢ ᱟᱜᱤᱞ ᱮᱢ ᱥᱟᱜᱟᱲ ᱟᱠᱟᱛ ᱱᱟᱦᱟᱜ ᱮᱢ ᱯᱷᱚᱴᱮᱞ ᱠᱮᱫᱟ, ᱥᱟᱨᱤ ᱜᱮ ᱟᱫᱤᱢ ᱟᱰᱤᱢ ᱪᱮᱸᱜᱷᱟ ᱟᱢ ᱜᱮ ᱥᱚᱨᱮᱥ ᱟᱫᱤᱢ ᱾ ᱟᱜᱤᱞ ᱥᱟᱶᱛᱟᱢ ᱫᱩᱞᱟᱹᱲ ᱟᱠᱟᱛ ᱱᱟᱦᱟᱜ ᱦᱚᱸ
ᱤᱧ ᱱᱤᱨᱟᱹᱭ ᱨᱮᱭᱟᱜ ᱫᱷᱚᱨᱚᱢ ᱨᱮᱧ ᱠᱚᱭᱡᱚᱝᱟ, ᱵᱟᱜᱟᱱ ᱫᱚ ᱫᱩᱞᱟᱹᱲ ᱨᱮᱭᱟᱜ ᱵᱟᱦᱟ ᱛᱮ ᱯᱮᱨᱮᱡ ᱮᱱᱟ ᱾ ᱡᱤᱞᱤᱧ ᱫᱟᱨᱮ ᱠᱚ, ᱪᱮᱬᱮ ᱠᱚ ᱥᱮᱨᱮᱧ ᱠᱟᱱᱟ, ᱟᱵᱚᱣᱟᱜ ᱥᱤᱨᱯᱟᱹ ᱠᱚ
ᱡᱟᱱᱟᱢ ᱟᱲᱟᱝ ᱛᱮ ᱨᱚᱲᱮᱢ ᱞᱟᱡᱟᱣ ᱠᱟᱱᱟ ᱚᱞ ᱪᱤᱠᱤ ᱛᱮ ᱯᱟᱲᱦᱟᱣ ᱮᱢ ᱟᱸᱴᱚᱜ ᱠᱟᱱᱟ ᱮᱴᱟᱜ ᱯᱟᱹᱨᱥᱤ ᱪᱤᱠᱤ ᱨᱮᱜᱮᱢ ᱵᱩᱞ ᱟᱠᱟᱱ ᱟᱢᱟᱜ ᱨᱮᱜᱮ ᱟᱢᱮᱢ ᱞᱤᱪᱟᱹᱲ ᱟᱠᱟᱱ ᱠᱚᱭᱚᱜ
ᱢᱤᱫᱴᱟᱝ ᱠᱟᱰᱮᱡ ᱟᱨ ᱜᱮᱞᱴᱟᱝ ᱠᱟᱰᱮᱡ ᱛᱚᱯᱷᱟᱛ ᱡᱟᱦᱟᱸ ᱢᱮᱱᱟᱜ, ᱡᱩᱢᱤᱫᱽ ᱜᱮ ᱫᱟᱲᱮ ᱫᱟᱲᱮᱜᱮ ᱫᱷᱚᱱ ᱥᱟᱣᱸᱨᱮ ᱟᱯᱟᱥᱩᱞᱚᱜ ᱚᱱᱰᱮᱜᱮ ᱢᱮᱱᱟᱜ । ᱟᱹᱠᱤᱞ ᱵᱟᱝᱛᱮ ᱟᱞᱚᱢ ᱠᱷᱟᱱᱰᱟᱣ ᱚᱠᱛᱚ ᱦᱟᱴ ᱯᱟᱛᱟ
ᱡᱟᱦᱟ ᱛᱤᱱᱟᱹᱜ ᱰᱮᱦᱮᱨ ᱜᱮ ᱧᱮᱞᱟᱢ ᱠᱩᱠᱢᱩ ᱯᱩᱨᱟᱹᱣᱜ-ᱟ ᱚᱱᱟ ᱡᱟᱦᱟᱸᱨᱮ ᱟᱢᱮᱢ ᱠᱩᱨᱩᱢᱩᱴᱩᱭᱟ ᱾ ᱯᱩᱨᱟᱹᱣ ᱠᱷᱟᱱ ᱦᱩᱱᱟᱹᱝ ᱡᱚᱛᱚ ᱦᱚᱲᱟᱜ ᱠᱩᱠᱢᱩ ᱱᱚᱣᱟ ᱥᱤᱧᱚᱛ ᱫᱤᱥᱚᱢ ᱨᱮ ᱚᱠᱚᱭ ᱦᱚᱸ ᱵᱟᱝᱠᱚ
