ᱢᱤᱫ ᱵᱤᱛᱟ. ᱞᱟᱡ ᱡᱟᱞᱟ,
ᱥᱮᱛᱟᱜ ᱟᱸᱜᱟ ᱮᱵᱷᱮᱱ ᱛᱟᱨᱟ;
ᱦᱚᱱ – ᱦᱚᱯᱚᱱ ᱦᱚᱢᱚᱨ ᱛᱟᱞᱟ,
ᱚᱸᱰᱚᱠ ᱦᱩᱭᱩᱜ ᱯᱟᱸᱛᱮ ᱪᱟᱨᱟ !

ᱦᱚᱭ – ᱥᱤᱛᱩᱝ ᱫᱟᱜ – ᱡᱟ.ᱯᱩᱫ,
ᱛᱩᱢᱟ.ᱞ ᱦᱟᱞᱟᱝ ᱠᱟᱛᱮ ;
ᱢᱚᱱᱮ – ᱡᱤᱣᱤ ᱵᱟ.ᱧ ᱨᱟ.ᱯᱩᱫ,
ᱡᱤᱵᱚᱱ ᱠᱮᱴᱮᱡ ᱟᱛᱮ !

ᱪᱮᱨᱚ – ᱵᱮᱨᱚ ᱫᱤᱱᱟ.ᱢᱤᱧ ᱨᱟᱜᱽ,
ᱵᱮᱱᱟᱣ ᱞᱟ.ᱜᱤᱫ ᱥᱚᱱᱮᱨ ᱥᱚᱝᱥᱟᱨ;
ᱠᱮᱱᱮ – ᱠᱚᱛᱮ ᱟᱫᱚᱧ ᱜᱟᱜᱽ,
ᱡᱤᱣᱤᱫ ᱡᱤᱵᱚᱱ ᱜᱟ.ᱨᱤ ᱠᱷᱟᱸᱪᱟᱨ !

ᱥᱩᱠ ᱛᱮ ᱫᱤᱱᱟ.ᱢ ᱡᱚᱢ ᱞᱟ.ᱜᱤᱫ,
ᱥᱤᱧ – ᱧᱤᱫᱟ. ᱠᱷᱟᱴᱟᱣ ᱟᱛᱮ ;
ᱵᱟ.ᱱᱩᱜ ᱟᱱᱟᱝ ᱢᱮᱫ ᱨᱮᱦᱚᱸ ᱡᱟ.ᱯᱤᱫ,
ᱨᱮᱸᱜᱮᱡ ᱛᱮᱛᱟᱝ ᱥᱟᱦᱟᱣ ᱠᱟᱛᱮ !

ᱵᱚᱸᱫᱷᱚᱠ ᱢᱮᱱᱟᱜ ᱮᱨᱟ ᱢᱟᱞᱟ,
ᱵᱟ.ᱧ ᱫᱟᱬᱟᱱ ᱯᱟᱛᱟ – ᱡᱟᱛᱨᱟ;
ᱪᱷᱩᱴᱟ.ᱵ ᱜᱤᱭᱟ.ᱧ ᱯᱮᱴᱮᱡ ᱥᱟᱞᱟ,
ᱵᱟ.ᱧ ᱛᱟᱲᱟᱢ ᱟᱛᱨᱟ – ᱟᱛᱨᱟ !

ᱩᱭᱦᱟ.ᱨ ᱦᱤᱡᱩᱜ ᱨᱤᱱ ᱦᱟᱞᱟ,
ᱛᱷᱟ.ᱨᱤ – ᱵᱟ.ᱴᱤ ᱟᱨᱦᱚᱸ
ᱡᱟᱨᱟ;
ᱪᱮᱠᱟ.ᱧ ᱦᱤᱲᱤᱧ ᱨᱟ.ᱯᱩᱫ ᱪᱟᱞᱟ,
ᱤᱬᱤᱡᱽ ᱜᱤᱭᱟ.ᱧ ᱞᱚᱜ ᱠᱟᱱ
ᱟᱝᱜᱽᱨᱟ !

ᱫᱟᱜ – ᱥᱤᱛᱟ. ᱞᱩᱵᱩᱜ ᱟᱞᱟ,
ᱵᱩᱞᱩᱝ -ᱢᱟ.ᱨᱤᱪ ᱦᱟᱲᱟᱫ
ᱠᱷᱟᱨᱟ ;
ᱥᱩᱛᱩᱜ ᱠᱟᱛᱮ ᱜᱟᱛᱮ ᱠᱟᱞᱟ,
ᱡᱚᱜ ᱥᱟᱢᱴᱟᱣ ᱫᱷᱚᱱ ᱡᱟᱣᱨᱟ !

ᱢᱤᱫ ᱵᱤᱛᱟ. ᱞᱟᱡ ᱡᱟᱞᱟ,
ᱥᱮᱛᱟᱜ ᱟᱸᱜᱟ ᱮᱵᱷᱮᱱ ᱛᱟᱨᱟ;
ᱦᱚᱱ – ᱦᱚᱯᱚᱱ
ᱦᱚᱢᱚᱨ ᱡᱟᱞᱟ,
ᱚᱸᱰᱚᱠ ᱦᱩᱭᱩᱜ ᱯᱟᱸᱛᱮ ᱪᱟᱨᱟ !

***