ᱠᱷᱮᱨᱶᱟᱲ ᱠᱚᱣᱟᱜ ᱢᱚᱱᱮ ᱫᱚ
ᱵᱟᱦᱟ ᱞᱮᱠᱟ ᱱᱚᱨᱚᱢᱟ,
ᱟᱵᱚ ᱨᱚᱲ ᱛᱮ ᱚᱞ ᱫᱚ
ᱛᱚᱶᱟ ᱞᱮᱠᱟᱜᱮ ᱥᱤᱵᱤᱞᱟ᱿
ᱥᱟᱱᱟᱢ ᱵᱚᱸᱜᱟ ᱨᱮ ᱡᱮᱞᱮᱠᱟ
ᱫᱷᱩᱯ,ᱫᱷᱩᱬᱟᱹ ᱟᱹᱰᱤ ᱜᱮ ᱞᱟᱹᱠᱛᱤᱭᱟ,
ᱥᱤᱸᱫᱩᱨ ᱞᱮᱠᱟᱜᱮ ᱟᱵᱚ ᱚᱞ ᱦᱚᱸ
ᱟᱹᱰᱤ ᱡᱩᱨ ᱜᱮᱭ ᱠᱟᱹᱢᱤᱭᱟ᱿
ᱚᱞ ᱫᱚ ᱚᱢᱚᱨ ᱜᱮᱭᱟ
ᱨᱚᱲ ᱦᱚᱸ ᱥᱟᱹᱨᱤ ᱜᱮᱭᱟ,
ᱟᱢ ᱦᱚᱢ ᱚᱞᱚᱜ ᱠᱷᱟᱱ
ᱡᱮᱜᱮᱛ ᱨᱮ ᱟᱢ ᱦᱚᱢ ᱚᱢᱚᱨᱚᱜᱼᱟ᱿
ᱫᱤᱱᱟᱹᱢ ᱵᱚ ᱪᱟᱞᱟᱜ ᱤᱛᱩᱱ ᱟᱥᱲᱟ
ᱢᱚᱱ ᱮᱢ ᱠᱟᱛᱮ ᱵᱚᱱ ᱚᱞᱚᱜᱼᱟ,
ᱵᱩᱜᱤ ᱵᱟᱹᱲᱤᱡ ᱵᱚ ᱥᱮᱪᱮᱫᱚᱜᱼᱟ
ᱱᱟᱝ ᱰᱟᱦᱟᱨ ᱛᱮᱵᱚ ᱞᱟᱦᱟᱜᱼᱟ᱿
ᱮᱴᱟᱜ ᱚᱞ ᱦᱚᱵᱚ ᱥᱟᱹᱜᱩᱱ ᱫᱟᱨᱟᱢᱟᱜᱼᱟ
ᱫᱤᱥᱚᱢ ᱨᱮ ᱱᱟᱯᱟᱭ ᱦᱚᱲ ᱵᱚ ᱵᱮᱱᱟᱵᱼᱟ,
ᱧᱩᱛᱟᱹᱛ ᱟᱠᱟᱱ ᱠᱷᱮᱨᱶᱟᱲ ᱡᱤᱣᱤ ᱫᱚ
ᱠᱩᱱᱟᱹᱢᱤ ᱪᱟᱸᱫᱚ ᱞᱮᱠᱟ ᱵᱚ ᱢᱟᱨᱥᱟᱞᱟ᱿
ᱯᱟᱥᱱᱟᱣ ᱟᱠᱟᱱ ᱨᱤᱢᱤᱞ ᱨᱮ
ᱵᱷᱩᱨᱠᱟᱹᱜ ᱤᱯᱤᱞ ᱫᱚᱭ ᱢᱤᱫᱴᱟᱹᱝ ᱜᱮ,
ᱟᱴᱮᱫ ᱟᱠᱟᱱ ᱫᱷᱟᱹᱨᱛᱤ ᱨᱮ
ᱵᱩᱜᱤ ᱦᱚᱲ ᱦᱚᱸ ᱠᱚ ᱠᱚᱢ ᱜᱮ᱿
ᱦᱚᱲᱟᱜ ᱢᱚᱱᱮ ᱠᱩᱸᱭ ᱨᱮᱴᱚ ᱞᱮᱠᱟ
ᱥᱮᱬᱟ ᱜᱮ ᱠᱚ ᱞᱟᱹᱭᱩᱜᱼᱟ,
ᱥᱤᱠᱲᱤ ᱩᱭᱦᱟᱹᱨ ᱵᱟᱹᱜᱤ ᱠᱟᱛᱮ
ᱜᱟᱛᱮ ᱜᱟᱛᱮ ᱜᱮᱵᱚ ᱛᱟᱦᱮᱸᱱᱟ᱿
***
ᱴᱮᱸᱜᱚᱡ
ᱟᱢ ᱫᱚ ᱴᱮᱸᱜᱚᱡ ᱢᱮᱬᱦᱮᱫ ᱢᱩᱰᱷᱟᱹᱫ, ᱟᱢ ᱫᱚ ᱴᱮᱸᱜᱚᱡ ᱠᱷᱚᱞ ᱢᱮᱬᱦᱮᱫ, ᱟᱢᱟᱜ ᱫᱤᱞ ᱫᱟᱲᱮ ᱟᱢᱨᱮ ᱵᱟᱹᱱᱩᱜ ᱾ (ᱠᱟᱴ) ᱰᱟᱸᱰᱚᱢ ᱵᱟᱝ ᱠᱷᱟᱱ ᱟᱢ ᱫᱚ ᱟᱹᱰᱤ ᱞᱤᱪᱟᱹᱲ ᱾
October 2, 2022
No Comments
