ᱱᱤᱛᱚᱜ ᱫᱚ ᱚᱱᱞᱟᱭᱤᱱ ᱡᱩᱜᱽ ᱠᱟᱱᱟ ᱾ ᱡᱚᱛᱚᱣᱟᱜ ᱡᱤᱱᱤᱥ ᱜᱮ ᱤᱱᱴᱚᱨᱱᱮᱴ ᱦᱚᱛᱮᱛᱮ ᱚᱱᱞᱟᱭᱤᱱ ᱨᱮ ᱡᱚᱛᱚ ᱞᱮᱠᱟᱱ ᱡᱤᱱᱤᱥ ᱵᱚᱱ ᱧᱟᱢ ᱫᱟᱲᱮᱭᱟᱜ ᱠᱟᱱᱟ ᱾ ᱚᱞᱚᱜ ᱯᱟᱲᱦᱟᱣ, ᱥᱮᱪᱮᱫ ᱥᱤᱠᱷᱱᱟᱹᱛ, ᱨᱟᱹᱥᱠᱟᱹ ᱨᱚᱢᱚᱡᱽ, ᱠᱤᱨᱤᱧ ᱟᱹᱠᱷᱨᱤᱧ ᱮᱢᱟᱱ ᱮᱢᱟᱱ ᱾ ᱡᱟᱦᱟᱸᱱᱟᱜ ᱜᱮ ᱵᱟᱰᱟᱭ ᱥᱟᱱᱟᱢ ᱠᱟᱱ ᱚᱱᱟ ᱜᱮ ᱱᱮᱴ ᱨᱮᱢ ᱯᱟᱱᱛᱮ ᱞᱮᱠᱷᱟᱱ ᱧᱟᱢ ᱜᱚᱫᱚᱜ ᱠᱟᱱᱟ ᱾ ᱫᱤᱥᱚᱢ ᱵᱟᱵᱚᱛ, ᱨᱟᱡᱽᱱᱮᱛᱟ, ᱫᱟᱨᱮ ᱱᱟᱹᱬᱤ ᱵᱟᱵᱚᱛ, ᱵᱤᱨ ᱵᱩᱨᱩ, ᱫᱚᱨᱭᱟ, ᱜᱟᱰᱟ, ᱡᱟᱱᱣᱟᱨ, ᱴᱷᱟᱶ ᱵᱟᱵᱚᱛ ᱡᱟᱦᱟᱸᱱᱟᱜ ᱜᱮ ᱵᱟᱰᱟᱭ ᱥᱟᱱᱟᱭᱮᱫ ᱢᱮ ᱱᱮᱴ ᱨᱮᱢ ᱯᱟᱱᱛᱮ ᱜᱚᱫ ᱠᱮᱫ ᱠᱷᱟᱱ ᱜᱮ ᱧᱟᱢ ᱜᱚᱫᱚᱜ ᱠᱟᱱᱟ᱾
ᱟᱵᱚ ᱠᱷᱚᱱ ᱞᱟᱦᱟ ᱟᱠᱟᱱ ᱡᱟᱹᱛ ᱟᱠᱚᱣᱟᱜ ᱥᱟᱶᱦᱮᱫ ᱱᱮᱴ ᱨᱮᱠᱚ ᱥᱟᱹᱣᱛᱤ ᱫᱚᱦᱚᱭᱮᱫᱼᱟ, ᱚᱱᱞᱟᱭᱤᱱ ᱨᱮᱠᱚ ᱪᱟᱨᱪᱟᱭᱮᱫᱼᱟ ᱾ ᱢᱮᱱᱠᱷᱟᱱ ᱟᱵᱚ ᱫᱚ ᱛᱟᱭᱚᱢ ᱨᱮᱵᱚ ᱛᱟᱦᱮᱸᱱᱟ ᱪᱮᱫᱟᱜ ? ᱟᱵᱚᱣᱟᱜ ᱚᱱᱚᱬᱦᱮᱸ, ᱚᱱᱚᱞ, ᱠᱟᱹᱦᱱᱤ ᱠᱚᱫᱚ ᱱᱮᱴ ᱨᱮ ᱵᱟᱝ ᱧᱟᱢᱚᱜᱼᱟ ᱪᱮᱫᱟᱜ? ᱱᱚᱝᱠᱟᱱ ᱠᱩᱠᱞᱤ ᱜᱮ ᱫᱟᱫᱟ ᱟᱨ. ᱚᱥᱣᱤᱱᱤ ᱵᱚᱧᱡᱚᱱ ᱢᱩᱨᱢᱩ, ᱵᱚᱭᱦᱟ ᱨᱟᱢᱡᱤᱛ ᱴᱩᱰᱩ (ᱦᱚᱯᱚᱱ ᱵᱟᱹᱵᱩ) ᱟᱨ ᱤᱧᱟᱜ ᱢᱚᱱᱮ ᱨᱮ ᱜᱩᱨᱞᱟᱹᱣ ᱨᱟᱠᱟᱵ ᱞᱮᱱᱟ᱾ ᱚᱱᱟ ᱠᱩᱠᱞᱤ ᱨᱮᱭᱟᱜ ᱜᱩᱨᱞᱟᱹᱣ ᱠᱷᱚᱱ ᱜᱮ ᱵᱤᱨ ᱢᱟᱹᱞᱤ ᱤ-ᱢᱟᱜᱟᱡᱤᱱ ᱨᱮᱭᱟᱜ ᱡᱟᱱᱟᱢ ᱫᱚ ᱾
ᱱᱚᱶᱟ ᱫᱚ ᱥᱟᱱᱛᱟᱲ ᱥᱟᱶᱦᱮᱫ ᱨᱮᱭᱟᱜ ᱯᱩᱭᱞᱩ ᱩᱛᱟᱹᱨ ᱤ-ᱯᱟᱛᱷᱟᱢ ᱠᱟᱱᱟ᱾ ᱱᱚᱶᱟ ᱣᱮᱵᱽ ᱯᱚᱨᱴᱟᱞ ᱨᱮᱭᱟᱜ ᱰᱤᱡᱟᱭᱤᱱ ᱫᱚ ᱵᱚᱭᱦᱟ ᱨᱟᱢᱡᱤᱛ ᱴᱩᱰᱩᱭ ᱵᱮᱱᱟᱣ ᱟᱠᱟᱫᱼᱟ ᱟᱨ ᱰᱚᱢᱮᱱ ᱠᱤᱨᱤᱧ ᱨᱮ ᱟᱨ. ᱚᱥᱣᱤᱱᱤ ᱵᱚᱧᱡᱚᱱ ᱢᱩᱨᱢᱩ ᱜᱚᱢᱠᱮᱭᱟᱜ ᱦᱚᱸ ᱜᱚᱲᱚ ᱢᱮᱱᱟᱜᱼᱟ᱾ ᱛᱮᱦᱮᱧ ᱠᱷᱚᱱ ᱥᱟᱱᱛᱟᱲᱤ ᱥᱟᱶᱦᱮᱫ ᱫᱚ ᱰᱤᱡᱤᱴᱟᱞ ᱵᱟᱝᱢᱟ ᱤᱱᱴᱚᱨᱱᱮᱴ ᱫᱩᱱᱤᱭᱟᱹ ᱨᱮ ᱛᱟᱲᱟᱢ ᱮ ᱮᱦᱚᱵ ᱠᱮᱫᱼᱟ᱾ ᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟᱹ, ᱜᱟᱭᱱᱟᱦᱟᱹᱨᱤ, ᱠᱟᱹᱦᱱᱤᱠᱟᱨ ᱠᱚᱴᱷᱮᱱ ᱱᱮᱦᱚᱸᱨ ᱛᱟᱦᱮᱸᱱ ᱠᱟᱱᱟ ᱟᱯᱮᱭᱟᱜ ᱚᱱᱚᱬᱦᱮᱸ, ᱚᱱᱚᱞ, ᱠᱟᱹᱦᱱᱤ ᱮᱢᱟᱱ ᱵᱷᱮᱡᱟᱭ ᱛᱟᱵᱚᱱ ᱯᱮ ᱡᱮᱢᱚᱱ ᱵᱤᱨᱢᱟᱹᱞᱤᱭᱟᱜ ᱛᱷᱚᱯᱟ ᱟᱞᱚ ᱴᱷᱟᱠᱮᱫᱚᱜ ᱢᱟ ᱾
